cok d’ awousse

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « cok d’ awousse », el pout stitchî vaici.

Sustantif

singulî	pluriyal
cok d’ awousse	coks d’ awousse

cok d’ awousse omrin

1. (no d’ inseke) sôre di gros vete potcha, ki pout voler et potchî, k’ on trouve dins les tchamps el Walonreye e moes d’ awousse, ki l’ sincieus no, c’ est : Tettigonia viridissima.
   • Divins ene sapinire, les coks d’ awousse s’ enondént po fiesti l’ såjhon et, sins låtchi, moennént tricbale avou leus crînantès tchansons — Charles Josserand (fråze rifondowe).
   • Il oya l’ cok d’ awousse ki ramtéve el verdeure— Louis Lagauche, «Li ptit hierdî», Tchant V, Li r’mwérd (fråze rifondowe).
   • Li cok d’ awousse k’ a tchanté
     Djoyeuzmint tot l’ esté
     Si trouve bén dihessî
     Cwand l’ bijhe a-st arivé — Marcel David (fråze rifondowe).
   • Et J'han aveut on moussemint d' poyèges di chameau, èt on nâli d' cûr âtou d' ses reins; èt si amagnî esteût des coqs d'aousse et dè l' savage lâme — Nicolas Defrecheux, ratournant Sint Matî avou François Bailleux et Auguste Hock; lijhåve vaici. 

Sinonimeye

• sôtroûle

Mots vijhéns

• crikion
• potcha, potchåd

Rilomêye do mot

Li mot dins on tite di live, di gazete, di soce, di marke

• Li copixhe et l’ cok d’ awousse : foirt rilomêye fåve da Lafontinne.
• El Cok d’ awousse : viye gazete e walon do Payis d’ Tchålerwè.

Ortografeyes

Après 1900, foû rfondou (Feller, Feller ricandjî, nén Feller) :

• cok d’aousse : C8
• coq d’awouss’  : O4
• coq d’awous′  : C1, E1, FO94, O0

E rfondou walon :

• cok d’ awousse : R9 ^(lére), R10 ^(lére), R13

Ratournaedjes

gros vete inseke ki potche

• Francès : sauterelle verte ^(fr)