d’ on randon

Walon (Rifondou)

Etimolodjeye

Shûte des mots : «d'» + «on» + «randon»

Advierbire

d’ on randon (nén candjåve)

1. d' on plin côp, tot djåzant d' ene sacwè ki s' enonde tot d' on côp.
   • Et la k' i blankit ene fene aireur come dizo l' cir, å fén coron, d' ewou kel solea s' va lever; les moxhons ont stî rewoeyîs d’ on randon. Et tchanter tertos eshonne: les grands, les pus ptits... — Auguste Laloux (fråze rifondowe).
   • Zande si leva d’ on randon, et vni dé leye. I l' apiça d' foice, et l' resserer siconte di lu. — Lucyin Mahin, Vera.
2. raddimint.
   • Al recreyåcion d' dijh eures, les arnåjhes ont schipé d’ on randon. — Bernard Louis (fråze rifondowe).
   • (c' est on tchvå ki cåze) Ele m' a candozé, rabressî et m' diner on boket d' souke. Mi, dji l' a veyou voltî, d’ on randon. Dji n' a måy påpyî cwand elle a djondou mes pîs, mete li sele, les sacotches... — Christiane Binamé (fråze rifondowe).

Ratourneures

1. d' on mierrandon
   • Adon, d' on mierrandon, gn a des clotches ki sounèt leu pezant andjlusse; c' est nonne; bén neni, c' est meynute (ratourné pa L. Mahin)

Sinonimeye

• (ki s' enonde tot d' on côp) : d' on lan, d' ene trake, d' on plin côp, d' on ran
• (ki cmince do côp) : do côp, tot d' shûte

Ortografeyes

Après 1900, foû rfondou (Feller, Feller ricandjî, nén Feller) :

• d' on randon : C1, C99

Li mot n’ est nén dins : R13

Ratournaedjes

d’ on randon

• Arabe marokin : على غفلة =‎ 3la ghefla; (tot corant) خرية واححدة =‎ jria waheda; (do côp) في ساعة =‎ fi sa3a
• Francès : soudain ^(fr), immédiatement ^(fr), d’un seul élan ^(fr), d'un bond ^(fr), d’une traite ^(fr), lestement ^(fr) d' on mier randon : d'une seule impulsion, dans une envolée soudaine;