disdut

Walon (Rifondou)

Etimolodjeye

Bodje francès « desduit » ‎(« diviertixhaedje ») avou ridaedje di sinse.

Prononçaedje

• AFE :
  • diferins prononçaedjes : /dɪz.ˈdy/ /dɪz.ˈdyː/ /dyz.ˈdy/ /dɪz.ˈdɪ/
• prononçaedje zero-cnoxheu : /diz.ˈdy/
• Ricepeures : dis·dut

Sustantif

singulî	pluriyal
disdut	disduts

disdut omrin

1. grand brut (sovint avou l' idêye ki ça disrindje les ôtes).
   • Ces ptits efants la fjhèt on disdut ki vs n' oyoz gote. — Motî Forir (fråze rifondowe).
   • On s' batou, i gn aveut on bea disdut e manaedje. — Motî Haust (fråze rifondowe).
   • C' est l' disdut d' ene trope ki dischind des vagons avou tot s' bôjhin. — Les crwès dins les bruwères (fråze rifondowe).
   • Mins i m' fåt bén dire ki ci "muzike" la n' est pus, po l' djoû d' ouy, ki samrou, disdut, araedje et bardouxhaedje tot a ene feye. — Paul-Henri Thomsin (fråze rifondowe).
   • Li cour del mere bate co pus vite ;
     « Ké guignon ! N’ serè t on måy cwite
     D’ on sfwait disdut ! » — Martin Lejeune, “ Œuvres lyriques du poète Martin Lejeune” p.138, « E corti » (fråze rifondowe).
   • Et come s’ il esteut d’ fier, i mostréve ses deus pougns
     A l’ ewaerant disdut k’ espawtéve li cpagneye. — Jules Claskin, « Airs di flûte et autres poèmes wallons », édition critique de Maurice Piron, 1956, « Si feume », p.66-67 (fråze rifondowe).
   • Dèl piquète do djoû al vièspréye,
     one pitite soris trometéye.
     Li tchèt ôt l’ disdût,
     i chîme sès grawes, sins brût… — JSpi.
2. (vî mot), (pus stroetmint) sussinaedje di bråmint des djins ki djåzèt-st eshonne.
3. dizôre.
   • Ké disdut avou Anita; ele brait et racabraire a rimpli des saeyeas. — Roger Viroux (fråze rifondowe). rl a: handele. F. désordre, perturbation, scandale.
4. margaye.
   • Gn a yeu on sfwait disdut al rexhowe do bal. — Christine Tombeur (fråze rifondowe).
   • I cnoxhe dedja tos nos disduts, Nos deurs vizaedjes et nos displis; Il est l' droete voye disk' å Bon Diu, li ptit Djezus ki vént di skepyî. — Joseph Docquier (fråze rifondowe).
5. margaye politike, guere.
   • C' esteut on vî rapoirteu d' RTL k' aveut baligandé so tote li daegn todi dins les gueres et les disduts. — Lucyin Mahin..
   • Sint Lambiet, sint Lambiet,
     Vosse no s' brairè djourmåy
     Come i resdondixheut el påye come e disdut. — Louis Lagauche (fråze rifondowe).

Ratourneures

1.  mete li disdut : aminer l' margaye.
2. disdut d' tos les diåles

Sinonimeye

grand brut (sovint avou l' idêye ki ça disrindje les ôtes)

• araedje
• berdouxhreye
• boucan
• brut d’ diåle
• brut d’ infier
• brut d’ tos les diåles
• dalaedje
• deram
• dero
• potin
• ramdam
• rigodon
• rimowe-manaedje
• roumdoudoum
• samrou
• traeyin
• zabea

estance la ki totafwait est cou dzeu cou dzo

• assonre
• bastringue
• dalaedje
• dizôre
• maxhisse
• talmaxhaedje

Ortografeyes

Divant 1900 :

• disdu : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• disdu : E34, O4
• dusdu : E34
• disdut : E1
• disdût : C1
• dèsdit : O4
• disdû : C8

E rfondou walon :

• disdut : R9 ^(lére), R10 ^(lére)

Ratournaedjes

grand brut (sovint avou l' idêye ki ça disrindje les ôtes)

• Francès : vacarme ^(fr), boucan ^(fr), chahut ^(fr), tapage ^(fr), tintamare ^(fr)
• Neyerlandès : lawaai ^(fr)

estance la ki totafwait est cou dzeu cou dzo

• Francès : désordre ^(fr), confusion ^(fr)
• Neyerlandès : wanorde ^(fr)

margaye

• Francès : dispute ^(fr), querelle ^(fr), mésentente ^(fr)
• Neyerlandès : ruzie ^(fr), onrust ^(fr)

margaye politike, guere

• Francès : émeutes ^(fr), troubles ^(fr), conflit ^(fr), agitation ^(fr), combat ^(fr)
• Neyerlandès : oproer ^(fr), opstand ^(fr)