toubak

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « toubak », el pout stitchî vaici.

Prononçaedje

• AFE :
  • diferins prononçaedjes : /tuː.ˈbak/ /tu.ˈbak/ (minme prononçaedje cåzu pattavå)
  • prononçaedje zero-cnoxheu : /tuː.ˈbak/
• Ricepeures : tou·bak

Sustantif

singulî	pluriyal
toubak	toubaks

toubak omrin

1. setch prodût del plante do minme no, k' on foume e cigarete, cigåre u dins ene pupe.
   • On vout k' dins des cigaretes k' i gn a, gn åye dedja pupont d' toubak; c' est tos prodûts tchimikes.
   • Prindant s' pupe et s' toubak, vola k' i m' toûne li cou ; — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.34 (fråze rifondowe).
     
   • Ci n' est nén målåjhey do taper ene copene avou on foumeu, djåzer d' pupe et d' toubak tot dmandant ene miyete di feu et l' afwaire est fwaite. — Joseph Vrindts, Li pope d'Anvers, (1896), p.37-38 (fråze rifondowe).
2. (plante) plante ki les foyes sont metowes a souwer po fé ç' prodût la, ki l’ sincieus no, c’ est : Nicotiana tabacum.
   • Les grinnes di toubak, des foirt pititès grinnes, estént semêyes dins des coûtches (Yvon Barbazon).

Ratourneures

1. fé toubak : si djoker on moumint, divant d' rataker. On dit eto : fé payeye, riprinde alinne.

Parintaedje

• toubakî

Mots d’ aplacaedje

• toubak des Vôdjes, toubak adjok
• såvadje toubak
• blåwe toubak
• bwès d' toubak

Ortografeyes

Divant 1900 :

• touback : E212 ^(lére)
• toûbak : E203 ^(lére)

Après 1900, foû rfondou (Feller, Feller ricandjî, nén Feller) :

• toubac′ : C1, O0
• toûbac′ : E1, E212b
• toûbak : E34
• toubak : O4, S0
• toubac : C8

E rfondou walon :

• toubak : R10 ^(lére), R13

Ratournaedjes

prodût a foumer

• Arabe marokin : تابا ^(ary) =‎ taba
• Inglès : tobacco ^(en)
• Francès : tabac ^(fr)
• Neyerlandès : tabak ^(nl)
• Picård : toubac ^(pcd)

Waitîz eto

Lijhoz l’ årtike toubak (discramiaedje) so Wikipedia