fé s’ mawe

Walon (Rifondou)

• 
• 

Etimolodjeye

Shûte des mots : « fé » + « s’ » + « mawe »

Vierbire

fé s’ mawe

1. mostrer k' on-z est mwais (copurade po èn efant).
   • Påmer d' rire do rire å pont do spiyî s' blouke,
     Vå bråmint mî ki d' fé l' mawe ou d' tchoûler ! — Louis Lagauche, Amon nos autes, tchansons tchusèyes, (1908-1912), p.23 (fråze rifondowe).
   • Et télfeye, sins oizeur fé l’ mawe,
     S’ on doet ravaler des colowes
     Et rmete e s’ potche si frankisté,
     On fwait çou k’ on pout po viker. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « On fait çou qu’on pout po viker», 1922, p.123 (fråze rifondowe).
   • I n' m' è fåt nén co cåzer å pere, des cwate tchandeles ki dj' a metou a l' Aviedje; i freut co s' mawe, k' on furlêye insi a non-syince — Auguste Laloux, Les soçons, p. 26 (fråze rifondowe).
2. (mot d’ meteyo) èn si nén vleur mostrer, tot djåzant do solea.

Sinonimeye

• brognî
• fé ene laide mene
• fé l’ xhene
• fé måle mene
• fé s’ lepe, fé l’ grosse lepe

Ratournaedjes

mostrer k' on est mwais

• Francès : bouder ^(fr), faire la tête ^(fr)