lwè

Walon (Rifondou)

Etimolodjeye

Calcaedje do francès « loi » (minme sinse); lu-minme do tayon-bodje latén « legem » acuzatif di tayon-bodje latén « lex ».

Prononçaedje

• AFE :
  • diferins prononçaedjes :
    • /lwɛ/ /lwa/
    • (dirî cossoune, rålmint) /li.wɛ/
  • prononçaedje zero-cnoxheu : /lwɛ/
• Ricepeures : nén rcepåve

Sustantif

singulî	pluriyal
lwè	lwès

lwè f.

1. (djustice) totes les rîles a shuve dins on payis.
   • I fåt shure li lwè — Motî d’ Djivet.
   • Dj' a li lwè por mi — Motî d’ Bastogne.
   • Mi, dji vs el di: si les omossecsuwels deynut k’ i s’ volnut maryî n’ onk avou l’ ôte, sepoz k’ ces afwaires la n’ sont rén do tot ! N’ fåreut nén k’ li lwè l’ permete — Gabriyel & Gabriyel.
2. tot çk' ene djin k' a l' povwer dit d' fé (dins l’ ratourneure : «fé li lwè»).
   • C' est leye ki fwait li lwè el måjhon — Motî d’ Bastogne.

Ratourneures

1. li lwè, c' est li lwè!
2. fé li lwè

Parintaedje

• lweyå (= fr. légal + loyal)
• lweyålmint
• lwèyålté

Mots d’ aplacaedje

• ome di lwè
• mwaisse lwè
• sins fwè ni lwè (addj.); sins-fwè-ni-lwè (sust.)

Ortografeyes

Après 1900, foû rfondou (Feller, Feller ricandjî, nén Feller) :

• lwa : S0, S117
• liwè : sacwants scrijheus e walon do Mitan, après cossoune
• lwè : C8, C99, C106, O4
• loe : GSgg

E rfondou walon :

• lwè : R10 ^(lére), R13

Li mot n’ est nén dins : C13

Ratournaedjes

totes les rîles a shuve divins on payis

• Arabe : قانون ^(ar) =‎ qânoûn (lwè civile), شريعة ^(ar) = شَرِيعَة =‎ chari3a (lwè rlidjeuse islamike)
• Almand : Wet ^(de)
• Inglès : law ^(en)
• Espagnol : ley ^(es)
• Francès : loi ^(fr)
• Neyerlandès : wet ^(nl)