magneu

Walon (Rifondou)

Dobès rfondowes

magneu

mindjeu

Etimolodjeye

No d’ fijheu do viebe : « magnî ».

Prononçaedje

• AFE :
  • diferins prononçaedjes : /ma.ˈɲø/ /ma.ˈɲøːʀ/ /mu.ˈɲø/
  • prononçaedje zero-cnoxheu : /ma.ˈɲø/
• Ricepeures : ma·gneu

Sustantif

	singulî	pluriyal
omrin	magneu	magneus
femrin 1	magneuse	magneuses
femrin 2	magnresse	magnresses

magneu omrin

1. li ci ki magne.
   • C’ est on bon magneu.
   • Dj' inmreu beacôp mî, dji vs dis l' vraiy,
     Tot come Råskin, shofler des poes,
     Mins dj' sai k' dji dmorrè todi grêye
     Paski dji so trop ptit magneu. — Jean Bury, Joyeux rèspleus (1899), "Ji sos trop p'tit magneu" (fråze rifondowe).
   • On frèzé qui catchîve dizo s’tchape di fi d’ôr
     Ine djêve di magneû d’censes, di piscrosse èt d’råwteû. — Joseph Mignolet, "Li tchant del croes", 1932, p. 80.

Mots d’ aplacaedje

1. magneu d’ Bon Diu : li ci ki va tofer a messe, grand catolike.
   1. magneu d’ Bon Diu et tchiyeu d’ diåle : li ci ki fwait ses priyires comifåt, mins ki s’ codût må avou les djins.
2. magneu d’ roukes
3. magneu d’ tchå : li ci ki n’ magne ki del tchå, tot djåzant d’ ene biesse.
4. magneu d’ yebe
5. magneu d’ grinnes : li ci ki n’ magne ki des grinnes, tot djåzant d’ ene biesse.
6. magneu d’ insekes : li ci ki n’ magne ki des insekes, tot djåzant d’ ene biesse.

Ortografeyes

(magneu & mindjeu)

Divant 1900 :

• magneur, magnresse : E212 ^(lére)

Après 1900, foû rfondou (Feller, Feller ricandjî, nén Feller) :

• mindjeû, mindjeûse : O4
• magneû, magneûse u magnerèsse : E1
• mougneû, mougneûse : O4, S117
• magneûr, magnerèsse : E212b
• mougneu : C8

E rfondou walon :

• magneu, magneuse u magnresse : R9 ^(lére), R10 ^(lére)

Ratournaedjes

magneu

• Francès : mangeur ^(fr)

magneu d’ Bon Diu

• Francès : dévot ^(fr), fervent ^(fr)

magneu d’ Bon Diu et tchiyeu d’ diåle

• Francès : faux-dévot

magneu d’ tchå

• Francès : carnivore ^(fr)

magneu d’ grinnes

• Francès : granivore ^(fr)

magneu d’ insekes

• Francès : insectivore ^(fr)