miråke

Walon (Rifondou)

Etimolodjeye

Tayon-bodje latén « miraculum ».

Prononçaedje

• AFE :
  • diferins prononçaedjes : /mi.ˈʀɔːk/ /mi.ˈʀaːk/ /mi.ˈʀoːk/ /my.ˈʀaːk/ /mi.ˈʀak/ /mœ.ˈʀak/ (betchfessî å)
  • prononçaedje zero-cnoxheu : /mi.ˈʀɔːk/
• Ricepeures : mi·råke

Sustantif

singulî	pluriyal
miråke	miråkes

miråke omrin

1. (mot d’ rilidjon) sacwè k’ arive, k’ on pinséve impossibe, et k’ on croet dveur a des foices foû-natureles.
   • I gn a portant ene sacwè ki nos manke,
     Dji broûle des tchandeles a hopeas
     Po ki l' grand sint fwaiye on miråke
     Et k' nos avoye on ptit cårpea. — Jean Bury, Joyeux rèspleus (1899), "Mi p’tit bouname" (fråze rifondowe).
   • Li brut del tchantreye, les muzikes,
     L’ ôr des banires k’ i voet rglati,
     Des cårpeas k’ passèt sins moti, tot poirtant des viyès erlikes
     Fjhèt leus miråkes. — Joseph Vrindts, ”Vîx Lîge” (1901), p.133, “Li Présint à l’Avierge” (fråze rifondowe).
   • El fåt bén rconexhe, pol djoû d’ ouy, end a pus waire a croere åzès miråkes. — José Schoovaerts (fråze rifondowe).
   • Cwand m’ mame m’ a yeu prins dins ses bresses, tos les mås avént dzarté ; on vraiy miråke. — Christian Thonet (fråze rifondowe).
   • On condâné qu’a stî mwinrné su l’ pèron po-z-î moru, parèt-i, lî a dit sès pâtêrs èt… sès tchin.nes aurin.n´ sikèté, s’apinse qu’on dit ! Mirauke ! Il a stî r’lachî, d’abôrd ! — Françoise Evrard, Li Nanèsse di Bèlgrâde.
   • Les åbes, tot l' veyant, vni, n' ont pus l' air si froûleus ;
     Et, miråke ! Plicploc, on-zôt ene sacwè ki froxhe
     Pwis des coxhetes toumèt sol tere tote blanke, ki croxhe
     Dizo les pîs del feme, trîmant po s' fé do feu. — Louis Lagauche, "L' inmant", Doûce sovnance, (1947), p. 91 (fråze rifondowe).

Ratourneures

1. fé miråke
   • Li Bon Diu k' a ene longue vedje, fjha miråke, ca l' pôve moite,
     Ahertcha-st e corant l' ome k' ele aveut-st inmé…— Joseph Mignolet, "Fleûrs di prétins", p.87 (1929), "Li molin dè vî Stiène" (1925) (fråze rifondowe).

Parintaedje

• miraculeus
• miraculeuzmint

Ortografeyes

E li scrîta (1100-1600) :

• mirâhe : VSE1

Divant 1900 :

• murâque : JKlc
• mirake : PaWi

Après 1900, foû rfondou (Feller, Feller ricandjî, nén Feller) :

• mirauke : O4
• mirake : O4, O90
• miråke : E1, E34
• miraûke : C8

Ratournaedjes

sacwè k’ arive, et k’ on pinséve impossibe

• Arabe : معجزة ^(ar) = مُعْجِزة =‎ mou3jiza
• Almand : Wunder ^(de)
• Inglès : miracle ^(en)
• Espagnol : milagro ^(es)
• Francès : miracle ^(fr)
• Neyerlandès : wonder ^(nl), mirakel ^(nl)

Mot-fråze

miråke (nén candjåve)

1. po criyî si sbarmint po ene sacwè k’ arive et k’ on n’ pinséve nén possibe.
   • Miråke ! Elle a cåzé.

Waitîz eto

Lijhoz l’ årtike miråke so Wikipedia