påcolet

Walon (Rifondou)

Etimolodjeye

Sorlo, Wallonia, 6, 5 ripris dins l' motî Haust, rimimbrance d' on demon å Moyinådje k' aveut-st èn årdjinté tchvå.

Prononçaedje

AFE :
- diferins prononçaedjes : /pɒː.kɔ.lɛ/ /pɑː.kɔ.lɛ/ /pɔː.kɔ.lɛ/ (betchfessî å)
- prononçaedje zero-cnoxheu : /pɔː.kɔ.lɛ/
Ricepeures : på·co·let

Sustantif

singulî	pluriyal
påcolet	påcolets

påcolet omrin

(doûce creyance) (no d’ tolu) sotea k' mostrêye la ki sont muchyîs des trezôrs.
Ene fråze d’ egzimpe est co a radjouter.
(doûce creyance) (no d’ tolu) mårivnant sotea.
Ene fråze d’ egzimpe est co a radjouter.
(doûce creyance) (no d’ tolu) sôre di sotea, di spér, ki pout apoirter l' tchatch ou l' bizawe.
- Et dvins s' sondje, vla k' i tind les bresses :
  K' est çk' a veyou ? Li påcolet ?
  Èn andje ki vént lyi fé ene caresse ?— Martin Lejeune, Œuvres lyriques du poète wallon Martin Lejeune, p.150, « L’èfant sondje » (fråze rifondowe).
- Po m' pårt, dji n' a måy creyou ås macrales
  Å påcolet, co moens å leu-waerou. — Antoine Bouhon, Les Brixhes da Gèrâ, 1900, sinne XV, p.38 (fråze rifondowe).
- Ci n’èst qu’on mèdalyon, ’n’tchin’trèye ;
  « Cadeau d’guerre ! », dîrît lès Français,
  Li prumîre lete di vosse nom, m’fèye,
  Avou ’ne bleûve pîre, vosse påcolèt. — Émile Wiket, Frûzions dè coûr, p.53.
- Amuzans nos come des ptits rwès,
  Difilans nosse vigreus tchaplet :
  Tolmonde a trové l' påcolet. — Jean Dessard, D'ine cohe so l'aute, 1939, p.178, Tchantchès (1938) (fråze rifondowe).
- Doûce oronde, vos nos ricfoirtez; tant k' Diè vôrè, rivnoz; c' est vos l' påcolet d' nosse manaedje (Edmond Jacquemotte)
- Dji n' pôreû dire å djusse qué påcolèt, çans' di batème, corone a-l' vatche, ou bin corone à l' andje, cwède di pindou ou fiér à dj-vå, dji d'vreû sayî d' apwèrter po poleûr lî djåser. — Guy Fontaine.

Ratourneures

aveur li påcolet : aveur on talisman ki nos fwait adierci e tot.
- Alez, dji n’ a måy cové l’ oû d’ ene noere poye dizo m’ hintche bresse po-z aveur li påcolet. — Joseph Mignolet, Li tchèsturlinne dèl bèle rotche, 1922, p.23-24 (fråze rifondowe).
esse segnî do påcolet : esse emacralé, esse ctchessî d' on tchôca.

Ortografeyes

Divant 1900 :

pâkolet : E203 ^(lére)

Après 1900, foû rfondou (Feller, Feller ricandjî, nén Feller) :

påcolèt : E1 ^(lére)

Ratournaedjes

sotea k' mostrêye la ki sont muchyîs des trezôrs

Francès : sorte de lutin qu'indique la place des trésors (nén ratournåve direk e francès)

mårivnant sotea

Francès : lutin malfaisant, farfadet ^(fr) (nén ratournåve direk e francès)

sôre di sotea, di spér, ki pout apoirter l' tchatche ou l' bizawe

Francès : sorte de génie ^(fr) qui peut porter ou faire perdre chance et fortune (nén ratournåve direk e francès)