rimea

Walon (Rifondou)

Etimolodjeye

Bodje « rime », avou l’ cawete « -ea ».

Prononçaedje

• AFE :
  • diferins prononçaedjes : /ʀi.mja/ /ʀi.mɛː/ /ʀiː.mɛː/ /ʀiː.mæː/ (betchfessî ea)
  • prononçaedje zero-cnoxheu : /ʀi.mja/ (waire u nén prononcî insi å 20inme sieke)
• Ricepeures : ri·mea

Sustantif

singulî	pluriyal
rimea	rimeas

rimea omrin

1. (belès-letes) scrijhaedje fwait avou des vers.
   • A-t on djamåy ricôper ls aiyes
     A l' oujhea ki vout revoler ?
     Ni soeyîz don nén trop cruwels
     Å cminçant ki s' vout escoler !
     Mu rimea n' est k' on tarlataedje,
     Mins dji tel tire do fond di m' cour — Martin Lejeune, 1895 (fråze rifondowe).
   • Dji vôreu ravôtyî tos mes rimeas dvins ene fleur
     Plamour k' dj’ a les pinses k’ avou ene si ritche mousseure,
     I serént-st adegnis, wårdés come on bea live ! — Jules Claskin, « Airs di flûte et autres poèmes wallons », édition critique de Maurice Piron, 1956, « Råvions d’ hanteû (1923), p. 103 (fråze rifondowe).
   • Les gotes d' aiwe foirdjèt-st on rimea
     Ki mete des låmes a mes påpires
     Et del diloujhance e m' cervea — Joseph Mignolet (fråze rifondowe).

Mots d’ aplacaedje

• fijheu d’ rimeas

Parintaedje

• rima
• rimaedje
• rime
• rimer

Sinonimeye

arimé, powinme

Ortografeyes

Après 1900, foû rfondou (Feller, Feller ricandjî, nén Feller) :

• rimê : E165, G217, S117
• rîmê : E1 a « 2. rîme  »

E rfondou walon :

• rimea : R13

Ratournaedjes

scrijhaedje avou des rimes Loukîz a : powinme

• Inglès : poem ^(en)
• Francès : poème ^(fr)
• Neyerlandès : gedicht ^(nl)