saetchî foû di spexheur

Walon (Rifondou)

Etimolodjeye

Shûte des mots : « saetchî » + « foû » + « di » + « spexheur »

Prononçaedje

• AFE :
  • diferins prononçaedjes : /sɛ.t͡ʃiː fuː dɪ spɛ.ˈhøːʀ/  ^{aschoûtez lu} (betchfessî ae), (betchfessî xh)
  • prononçaedje zero-cnoxheu : /sɛ.t͡ʃiː fuː di spɛ.ˈʃøːʀ/

Vierbire

saetchî foû di spexheur

1. (viebe å coplemint) fé rexhe foû d' ene sitouwåcion k' on-z î a målåjhey.
   • Ossu, dispoy ciste avinteure,
     Nosse vîdiu ns a måy pus disrindjî
     Po-z aler saetchî di spexheur
     Les cis k' ont l' air d' esse måpingnîs. — Jean Dessard, D'ine cohe so l'aute, 1939, p.155, Li pinson èt l’aguèce - Fåve (1927) (fråze rifondowe).
   • Mins vos, Grand Schtroumpf, vos nos årîz bén polou chtroumfer foû di spexheur. — Paul-Henri Thomsin, ratournant Lès schtroumpfs èt lès bèrikes èmacralêyes, 2021, p. 49 (fråze rifondowe).
2. (viebe å prono) rexhe foû d' ene sitouwåcion k' on-z î a målåjhey.
   • C' est nén e vs kissaetchî pa les tchveas, k' vos vs saetchrez foû di spexheur — Motî Haust (fråze rifondowe).
   • Diu do Diu ! Kimint fé po m’ saetchî di spexheur ? — Joseph Vrindts, Vîx Lîge, (1901), p.188, “Li Brac’neu” (fråze rifondowe).

Sinonimeye

fé rexhe foû d' ene sitouwåcion k' on-z î a målåjhey

• saetchî d’ imbaras
• saetchî foû di l’ oirbire
• saetchî foû poenne
• saetchî l’ tiesse foû do strin

rexhe foû d' ene sitouwåcion k' on-z î a målåjhey

• tirer s’ plan

Ratournaedjes

fé rexhe foû d' ene sitouwåcion k' on-z î a målåjhey

• Francès : tirer d'affaire ^(fr), sortir du pétrin ^(fr)

rexhe foû d' ene sitouwåcion k' on-z î a målåjhey

• Francès : se tirer d'affaire ^(fr), s'en sortir ^(fr)