scole

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
scole	sicole	escole

Etimolodjeye

Tayon-bodje latén « schola » (minme sinse), dedja e vî lingaedje d’ oyi (vî francès « escole »).

Sustantif

singulî	pluriyal
scole	scoles

scole femrin

1. (mot des scoles) (mot do bastimint) bastimint k' on-z î aprind a lére et a scrire, pu totès sôres d' ôtès sacwès.
   • C' est l' an 1985 k' on-z a rfwait ene tote nouve sicole.
   • L’ escole ? Dji n’ irè pus jamwais a scole!», responde-t i; «c’ esteut oribe! Dji n’ vou pus raler a scole, moman! — George Staelens (fråze rifondowe).
2. tins k' on est a-z aprinde dins on sfwait bastimint.
   • Li scole deure disk' a cénk eures, savoz !
3. (imådjreçmint) plaece, tolminme ké trevén del veye ki nos rind pus suti.
   • Li fruzixhmint des tronnes et l' ramtaedje des oujheas,
     Di pidjote a midjote, divnît por mi li scole
     Ki m' enancra-st å cour l' amour po m' vî hamtea. — Louis Lagauche, "L' inmant", (1947), Li ponne dè gård di bwès, p. 147 (fråze rifondowe).

Parintaedje

• scolî, scolresse
• scoler, scolaedje, scoleu
• riscoler, riscolaedje, riscoleu
• scolyince, scolrece, scolincieus (noûmots)

Mots d’ aplacaedje

• mwaisse di scole, dame di scole, damjhele di scole
• fé scole, diner scole, awè scole
• grande sicole, pitite sicole, hôte sicole, hôtès scoles, scole libe

Sinonimeye

• (tins k' on est a-z aprinde) : cours

Ortografeyes

Divant 1900 :

• bazescolles : E212 (bassès scoles) ^(lére)

Après 1900, foû rfondou (Feller, Feller ricandjî, nén Feller) :

• scale / sucale : E34
• scole / sucole : S0, S117
• scole / sicole : C8
• scole / èscole : O4

E rfondou walon :

• scole / sicole : R13
• scole / sicole u escole : R10 ^(lére)

Ratournaedjes

bastimint k' on-z î aprind a lére et a scrire

• Arabe marokin : مدرسة ^(ary) = مدْرسة =‎ medresa
• Almand : Schule ^(de)
• Inglès : school ^(en)
• Espagnol : escuela ^(es)
• Francès : école ^(fr)
• Neyerlandès : school ^(nl)

tins k' on est a-z aprinde

• Francès : cours ^(fr)

Codjowas

scole

1. indicatif prezintrece, prumire et troejhinme djins do singulî, do viebe « scoler ».
2. suddjonctif prezintrece, prumire et troejhinme djins do singulî, do viebe « scoler ».
3. kimandeu prezintrece, deujhinme djin do singulî, fôme camaerådrece, do viebe « scoler ».

Waitîz eto

Lijhoz l’ årtike scole so Wikipedia