totasteure

Walon (Rifondou)

Etimolodjeye

Aplacaedje di : «tot» + «asteure»

Prononçaedje

• AFE :
  • prononçaedje zero-cnoxheu : /to.tas.ˈtøːʀ/ (minme prononçaedje pattavå)

Adviebe

totasteure (nén candjåve)

1. divant waire di tins.
   • Voloz vs vini totasteure? — Motî Forir (fråze rifondowe).
2. la d' çoula waire di tins, djusse divant del dire dins on près-passé.
   • Mins l’ binamé,
     Ki totasteure riyeut-st ås andjes
     S’ i s’ dispiete måy a, po discandje,
     On gros mamé — Martin Lejeune, Œuvres lyriques du poète wallon Martin Lejeune, p.138, « E corti » (fråze rifondowe).
   • Li tchant d’ ene mere fwait rire li ptit cint-meyes,
     Ki totasteure ploréve a gros hikets ; — Louis Lagauche, Amon nos autes, tchansons tchusèyes, (1908-1912), «Mes p’titès tchansons» p.102 (fråze rifondowe).
   • MAYANE. - Ni m' avoz nén co dit totasteure ki vs avîz on må d' tiesse a toumer la ?
     HOUBERT. - Di cwè ! Vos voloz rire, edon, surmint ? — Jean Lejeune, Po marier Lèyontine, 1928, ake I, sinne XIII, p.15 (fråze rifondowe).
   • Vos avoz oyou çou k' dj' a dit totasteure, edon ? — Albert Maquet (fråze rifondowe).
   • Avou les noveas modeles, gn a moyén d' fé des beas hagnons «etimolodjeye»; waitîz l' ci k' dji vén d' rfé totasteure po «Pålindje» — Lucyin Mahin.

Sinonimeye

• (divant on court tins) : Loukîz a : « bénrade »
• (la on court tins) : Loukîz a : « lanawaire »

Ortografeyes

Divant 1900 :

• to-t-asteûr : E203 (a « asteûr » et « to ») ^(lére)

Après 1900, foû rfondou (Feller, Feller ricandjî, nén Feller) :

• tot-asteûre : E170, G203 p. 291

Ratournaedjes

divant on court tins Loukîz a : bénrade

• Francès : immédiatement ^(fr), à l’instant ^(fr), tout de suite ^(fr)

la on court tins Loukîz a : lanawaire

• Francès : à l’instant ^(fr)