Dji voe ki kerler si codjowe come shofler, mins furler, (ri)boerler, dierler (come shofler sol codjowoe) si codjowèt come tchicter. Gn a-t i ene rîle ?
Sujet sur Uzeu copene:Srtxg
Di fwait, c' est ene flotche!
End a nén télmint des viebes avou -rler .
A Lidje i gn a :
- pårler, modele 26 di Stasse (A=pårl-, B=C=parol-; i gn a k' pårler et s' famile)
- boerler, hourler, furler : modele 17 goster (A=gost, B=C=gostêy-)
- torler : modele 17 ou modele 32 (dobler : A=dobl- B=C=dobel-)
"car'ler" ni s' î trove nén; mins dins Haust i gn a en fråze d' egzimpe "on s' car'lêye co"
Dins l' codjowaedje da Gilliard i gn a :
- cwårler, diårler, pierler, reupler, boerler, gorler, hourler, furler : modele 14 (hemler, A=heml-, B=C=hemlêy-)
- stierler : modele 14 ou modele 7 (tourner, A=tourn-, B=C=toûn-) (a-z aveuri)
- torler : modele 15 (shijhler, dobe codjowaedje A=shijhl- B=C=shijhel- ou B=C=shijhlêy-)
"torler" l' dobe codjowaedje des deus costés.
tos ls ôtes (a pårt "pårler", mins ki n' si trove nén dins l' Gilliard) sont-st avou moyêye seulmint.
ça fwait ki lodjicmint ça dvreut esse li cas po "kerler".
C' est insi k' il est metou dins l' egzime di E1; dins E34 on n' dene ki des egzimpes avou l' bodje A.
Dj' a coridjî sol codjowoe