shofler

Èn årtike di Wiccionaire.
Sauter à la navigation Sauter à la recherche

Flag of Wallonia.svg Walon[candjî]

Etimolodjeye[candjî]

Tayon-bodje latén « sufflare » (minme sinse).

Prononçaedje[candjî]

Viebe[candjî]

shofler (1ire troke) (codjowaedje)

  1. (v. sins coplemint) fé rexhe di l’ air avou foice di ses peumons, pa s’ boke.
    • Shofele so t’ sope po l’ rafroedi !
    • Shoflez so les cindes po fé resprinde li feu.
    • Li blanke feme drova l’ capot et s’ si mete a shofler londjinniveuzmint sol moteur. Fffuuu ! Fffuuu ! L. Mahin, Eviè Nonne.
  2. (v. sins coplemint) fé passer l’ air dins èn instrumint d’ muzike po fé on son.
    • Li martchand d’ crinme-glaeces aveut bea shofler : les peres n’ estént nén di dnêye ci djoû la. A. Goethals.
  3. (v. sins coplemint) bodjî raddimint, tot cåzant d’ l’ air, d’ on gåz.
    • Li bijhe shofele a grands côps.
    • L’ air shofele dizo l’ ouxh.
    • Tote li nute, il a djalé a pire finde et l’ bijhe ki shofele schove divant leye ene nive fene come del poussire di gregne et brocleuse come do blanc såvlon. P. Moureau.
  4. (v. sins coplemint) respirer, aprume li deujhinme fåze, cwand les peumons s’ vudnut.
  5. (v. sins coplemint) awè målåjhey po fé ene sacwè.
    • El tchivå shofele po monter l’ tiene.
  6. (v. sins coplemint) si rpoizer on moumint, riprinde alinne.
  7. (v. sins coplemint) dire ene sacwè.
    • Si t’ shofele, t’ årès t’ gueuye petêye !
  8. (v. å coplemint) fé bodjî ene sacwè avou d’ l’ air (shofler dsu).
    • Shofele ti sope !
    • Ele mi shofléve li foumire å nez.
    • Li peupe Djatravåtide, ki vike sol planete Viltvodel VI, croet ki l’ Univiers tot etir a stî shoflé foû del narene d’ ene Sakî k’ i lomèt « li Grand Vete Atacalnåse ». L. Hendschel, ratournant D. Adams.
  9. (v. å coplemint) fé ndaler ene loumire, tot shoflant dsu.
    • Shofler ene boujeye, ene aloumete, li kinket.
    • Il ont shoflé l’ wåmele : i n’ les fåt nén disrindjî.
  10. (v. å coplemint) (pa stindaedje) clôre ene lampe u èn aparey electrike.
    • Shofloz les lampes, vos loumoz l’ djoû.
    • Shofloz l’ copiutrece divant d’ aler marinder.
  11. (v. å coplemint) rimpli avou d’ l’ air, gonfler.
    • Shofler ene vexheye.
  12. (v. å coplemint) haper.
    • Loukîz di kéne manire ki dj’ a shoflé ci cmere la a si ome. A. Maquet.
    • I s’ a fwait shofler s’ djin. Motî d’ Bastogne.
    • Ele s’ a leyî shofler s’ galant.
  13. (v. å coplemint) avaler raddimint et galafmint.
    • Alê, dj’ irans ndè shofler ene.
    • Il ont shoflé l’ boteye.
    • Li dorêye a bénrade yeu stî shoflêye.
  14. (v. å coplemint) taper ene bafe a (ene sakî).
    • Dji t’ va shofler.
  15. (v. sins djin) fé grande air.
    • I shofele a bouxhî tot djus. Motî Haust (fråze rifondowe).
  16. (v. sins djin) gn awè on tirant d’ air.
    • Come ça shofele, chal !

Ratourneures[candjî]

  1. L’ air shofele al Bijhe, u el vint shofele di Bijhe : i bijhe, l’ air vént do Nôr.
  2. I fåt rwaitî do ké costé k’ l’ air shofele : i fåt vey comint k’ les cayets vont tourner, kî çki va esse li pus foirt, et s’ aprester po.
  3. L’ ivier a shoflé : i gn a des consires.
  4. Li trô d’ sonde shofele : (mot d’ houyeu) gn a ene rexhowe di grijou på trô d’ sondaedje.
  5. Il a rovyî d’ shofler : il est moirt.
  6. shofler court, shofler come on boû, shofler des poes : respirer avou des grands movmint des coisses, respirer målåjheymint ; rl a: tanfler, haner, si dshofler.
  7. shofler des pouces a l’ oraye : conter bebele a ene comere po l’ amidjôler.
  8. shofler li tchôd et l’ froed : fé acroere on côp k’ on-z est binåjhe, et ene munute après k’ on-z est mwais.
  9. shofler on moton : shofler d’ l’ air dizo l’ pea d’ on moton touwé, po-z awè pus åjhey a li schoircî.
  10. shofler les tripes : rimpli les tripes d’ air, divant d’ fé les boudins, po vey s’ ele ni sont nén trawêyes.
  11. shofler l’ veule : el travayî a tchôd etot shoflant.
  12. shofloz vosse nez, vosse vizaedje ès gonfele ! shofloz vosse nez, vos voeroz pus clair ! u bén shofele ti nez paski t’ as t’ tiesse k’ infele : dijhêye po fé comprinde a ene sakî k’ il est trop djonne po-z etervini dins ene bate di dvize.
  13. shofler s’ nez : shofler pal narene, tot l’ resserant, po fé rexhe li nåse foû do nez.
  14. shofler les rinnes : djeu d’ efant did dinltins, ki meténs on fistou di strin å drî des guernoyes, eyet les gonfler.
  15. shofler l’ plaece a ene sakî : esse nomé en ene plaece, k’ èn ôte esteut po-z awè dvant vos.
  16. shofele dins tes mwins ! u bén shofele dins tes doets : dijhêye a ene sakî po k' il apougne on målåjhey ovraedje.
  17. èn oizou shofler : èn oizou moti.
    • Si neveu n’ oizreut shofler dvant lu. Motî Forir.
  18. i shofele do mwais costé, i shofele do måva trô : i bijhe.

Parintaedje[candjî]

Mots d’ aplacaedje[candjî]

Mots vijhéns[candjî]

(avaler raddimint)

(awè målåjhey po fé ene sacwè)

Omofoneye possibe[candjî]

/ʃu.fle/ /ʃɔ.fle/ /ʃu.flɛ/ : xhufler

Ortografeyes[candjî]

Divant 1900 :
Sicrijhas do 20e sieke (Feller, Feller ricandjî, nén Feller) :

Ratournaedjes[candjî]

shofler
haper
si rpoizer on moumint
si rpoizer on moumint
  • Flag of France.svg Francès : reprendre son souffle
clôre ene lampe, evnd
taper ene bafe
fé grande air
  • Flag of France.svg Francès : faire grand vent, venter fortement
gn awè on tirant d’ air
  • Flag of France.svg Francès : y avoir un courant d'air
shofler court, evnd
shofler des pouces a l’ oraye
  • Flag of France.svg Francès : conter fleurette
shofloz vosse nez, vosse vizaedje ès gonfele !
  • Flag of France.svg Francès : la ferme, morveux !
shofler s’ nez
  • Flag of France.svg Francès : se moucher