a schipe

Walon (Rifondou)

Etimolodjeye

Shûte des mots : « a » + « schipe »

Advierbire

a schipe (nén candjåve)

1. djusse on pô.
   • C' est a schipe cozou — Motî Haust (fråze rifondowe).
2. tot djusse (po on conte).
   • S' i n a troes sopenes divins ç' potiket la, c' est a schipe — Motî Forir (fråze rifondowe).
   • Dj' a-st a schipe del sitofe assez po vosse rôbe — Motî Haust (fråze rifondowe).
3. djusse après ki.
   • A schipe aveut i avalé s' dierene goirdjete, ki monsieu l' curé intra — Jean-Pierre Dumont (fråze rifondowe).
   • A schipe rintré e colidôr, on-z ôt gnåwter l' tchet — Joseph Pannaye (fråze rifondowe).
   • Mins, a schipe les fiesses di s' djoyeuse intrêye fineyes k' i dva cori evoye a Hu — Joseph Mignolet, Li Tchant di m’Tére, p. 11 (fråze rifondowe).
   • A schipe so-djdju on pô temté k' dji so vraiymint dvins les transes — Jean Bosly, ratournant L' imitåcion d' Djezus-Cri. — Jean Bosly, L’ îmitåcion d’ Jèzus-Cris (ratourné di J. Bosly) (fråze rifondowe).
4. metou a ene plaece ki ça pout toumer si ça bodje ene miete.
   • Il est ashî a schipe so l' banc — D.T.W.
   • Ni metoz nén l' posteure si foirt a schipe, ele pôreut toumer — D.T.W.
   • A schipe
     K' i djhént
     K' il estént;
     A schipe
     et di sclimboigne
     on pî sol Daegne
     et l' ôte ôte pårt
     va-z è vey wice — Émile Gilliard, divins l' ramexhnêye « A schipe » p. 13 (fråze rifondowe).

Sinonimeye

djusse après

• a poenne
• a schape

metou tot å boird

• a schape
• a l’ aschate

Mots d’ aplacaedje

tot a schipe

Rilomêye do mot

Li mot dins on tite di live, di gazete, di soce, di marke

• A schipe: ramexhnêye di powinme da Emile Gilliard

Ortografeyes

Divant 1900 :

• a-hip : E203

Après 1900, foû rfondou (Feller, Feller ricandjî, nén Feller) :

• a hipe : E1 (a « hipe »), E34
• à ipe : C1 p. 522, C106

Li mot n’ est nén dins : C62

Ratournaedjes

djusse on pô Loukîz a : a poenne

• Inglès : barely ^(en)
• Francès : à peine ^(fr), tout au plus ^(fr)

tot å boird Loukîz a : a l’ aschate

• Francès : à l’extrême bord ^(fr), à la limite ^(fr)