ahesse

Èn årtike di Wiccionaire.
Sauter à la navigation Sauter à la recherche

Flag of Wallonia.svg Walon[candjî]

dalaedje.gif

Etimolodjeye[candjî]

Sivierba do viebe : «ahessî».

ahesse

I. [f.n.] sacwè k’ ahesse, copurade:

  1. usteye.
    • Les ahesses d’ on pexheu, d’ ene cujhnire.
    • Li pus bele ahesse a-z ofri al mariêye, c’ est on rlave-schweles.
    • Prindoz sogne do diccionaire d’ inglès: c’ est ene ahesse por vos cwand vs seroz ås scoles. F. chose utile, matériel, ustensile.
  2. (v.m.) bastimint lérece ki vént bén a pont dins ene måjhon (cabinet, forni, abatou).
    • Èn abatou a costé d’ ene coujhene, c’ est ene fameuse ahesse.
    • C’ est ene måjhon qu'a totes ses ahesses. F. commodité, aisance.
  3. (v.m. d’ droet rurå) passaedje po ndaler dins on tchamp reclô.

>> voye d’ ahesse : voye k’ ene sakî est oblidjî di vs leyî so s’ tchamp por vos aler å vosse, k’ est reclôs sins voye.

    • Dji vs waerantixh k’ i gn a ene voye d’ ahesse ki passe al coine di leu corti. F. servitude.
  1. (imådjreçmint) feme k’ on pout åjheymint ahessî (coûtchî avou leye)
    • On voet bén a ses airs ki c’ est ene ahesse. F. allumeuse, charmeuse, séductrice.

II. les ahesses [f.n.t.pl.]

  1. usteyes k’ i fåt po on mestî.
    • Il a ddja atchté totes les ahesses di veterinaire. rl a: cayet. F. l'équipement, le matériel, les accessoires, l'attirail.
  2. meubes, ekipmint d’ ene måjhon.

>> awè totes ses ahesses :

    • a) awè ene bele måjhon avou tot çk’ i fåt, tot cåzant d’ ene djin. F. être bien installé(e).
    • b) awè tos ls ekipmints (såle di bagn, cabinets, radjondaedje al corante aiwe, al loumire, å telefone), tot cåzant d’ ene måjhon, d’ ene veye.
    • Voess totes les ahesses des grandès veyes, djo ! F. commodité, facilités, luxe, confort, standing.
  1. (po rire) seke di l’ ome.
    • Divins on live porno, li feme dit: "Cwand ki dj’ veya ses ahesses, dji sinta k’ dj’ aléve awè bon dins tot m’ coir".

Disfondowes: ahesse, ayesse, a.esse.

Ratournaedjes[candjî]

ahesse

Codjowas[candjî]

ahesse

  1. indicatif prezintrece, prumire et troejhinme djins do singulî, do viebe «  ahessî ».
  2. suddjonctif prezintrece, prumire et troejhinme djins do singulî, do viebe «  ahessî ».
  3. kimandeu prezintrece, deujhinme djin do singulî, fôme camaerådrece, do viebe «  ahessî ».