bonete

efants avou des bonetes ås firlotches

Walon (Rifondou)

Cisse pådje ci do Wiccionaire n’ est co k’ ene esbåtche.
Si vos avoz des cnoxhances sol sudjet, vos nos ploz aidî tot rtchôcant des dnêyes so l’ årtike : clitchîz sol boton « candjî » po radjouter des infôrmåcions.

Prononçaedje

• AFE :
  • diferins prononçaedjes : /bɔ.ˈnɛt/
    • (pa picårdijhaedje) /bu.ˈnɛt/
  • prononçaedje zero-cnoxheu : /bɔ.ˈnɛt/
• Ricepeures : bo·nete

Sustantif

singulî	pluriyal
bonete	bonetes

bonete femrin

1. sôre di tchapea d' linne ci couve les tchveas, l' hôt do front et kécfeyes les orayes.
   • Djel hera e m’ bonete ; ele si taijha d’ on plin côp. — Henri Simon, «Li neûre poye» divins «Quatre comédies liégeoises» da Jean Haust (1936), 1889, p.96 (fråze rifondowe).
   • Rifjhoz co ene feye li côp del sinte ôle po-z andoûler Djetrou et dji vs fwais magnî vosse cote, vos savates et vosse bonete a pompon !!! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
2. (antomeye) tchambrete di l' estoumak des roemiants.

   Ene fråze d’ egzimpe est co a radjouter.

Ratourneures

1. leyans çoula po fé ene bonete a Matî : leyans cisse kesse pol moumint.
   • MATÎ. – Lai on pô tes couyonådes po fé ene bonete a Matî et schoûte ene miete çou k’ dji t’ vas lére, louke la !
     HINRI. – Awè, mins dvant dj’ a ene sacwè a t’ raconter.
     MATÎ. – Ti mel dirès bén torade, ti n’ es nén co foû d’ cial, surmint. — Louis Lagauche, Cåse d'on comichonaire, 1904, p.6 (fråze rifondowe).
   • Avou nos airs a ene çanse
     Fjhans ene bonete a Matî :
     Pocwè don nos brognî ?. — Jean Dessard, D'ine cohe so l'aute, 1939, p.96, Bisbisse (1924) (fråze rifondowe).
2. fé bonete : fé berwete.
3. aveur les tchveas près del bonete : si mwaijhi åjheymint.

Mots d’ aplacaedje

• bonete a flotche
• foû del bonete

Ortografeyes

Divant 1900 :

• bonett : E203 ^(lére)

Après 1900, foû rfondou (Feller, Feller ricandjî, nén Feller) :

• bounète : O3
• bonète : C1, C13, E1, O0, O2, S0

E rfondou walon :

• bounete : R13
• bonete : R10 ^(lére)

Li mot n’ est nén dins : O4

Ratourneures

tchapea d' linne

• Francès : bonnet ^(fr)