coixhant

Walon (Rifondou)

Etimolodjeye

Do viebe « coixhî » avou l’ cawete « -ant ».

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : /kwa.ˈʃã/
• Ricepeures : coi·xhant

Addjectif

	singulî	pluriyal
omrin	coixhant	coixhants
femrin padrî	coixhante	coixhantes
femrin padvant	coixhante	coixhantès

coixhant omrin

1. ki côpe bén.
   • Ene coixhante usteye.
   • Dismefiyîz vos do coutea : il est coixhant.
2. froed et setch, tot djåzant do tins.
   • I fwait ouy ene coixhante bijhe ki vént del Fagne. — Motî d’ Vervî (fråze rifondowe).
   • Ine cwahante bihe sofèle, lès sûrs sont dèdja pris :
     i djale à finde lès pîres,
     èt l' pôve pitit djonne grain, qu'aviséve si virlih,
     si racrampih di freûd. — Henri Simon, Li pan dè Bon Diu, L'iviér.
   • Disconte di lu l’ coixhante froedeure,
     Flaxhe sins ritnowe tot l’ long do tins. — Joseph Vrindts, « Pâhûles rîmês » (1897), « Espèrince », p.87 (fråze rifondowe).
   • Ene shijhe d' ivier, divins ene coixhante froedeure,
     Ene pôve båshele ploréve al coine d' on bwès. — Jean Bury, Joyeux rèspleus (1899), "Pauve kimére" (fråze rifondowe).
   • Evoye ås prumirès aireurs, avou l’ pezante tcherete, atot rôguiant leu coixhant resploe so les tiers et dvins les oirbires, e plin timpesse, e deur hourlea, å broûlant solo, al côpante bijhe, - cåzu sins rla, ciete sins ene aswadje. — Arthur Xhignesse, « Boule-di-Gôme », 1912, p.19 (fråze rifondowe).
3. (imådjreçmint) ki fwait del poenne, tot djåzant d’ on cåzaedje, d’ on cåzeu.
   • Il est si coixhant avou tolmonde.
   • I m’ a dit çoula d’ on coixhant ton.
   • Gn a des femes k’ ont leu linwe pus coixhante k’ on coutea. — Motî Pirsoul (fråze rifondowe)..
   • Cwand il a ene pike conte ene sakî, il est coixhant. — Motî Forir (fråze rifondowe).
   • Vos rireyes sont todi coixhantes. — Henri Forir (fråze rifondowe).
   • On poleut londjiner,
     Dåvyî des eures etires, scheure les coixhants mås d’ tiesse
     K’ on rascoye hår et hote et ki nos fjhèt tant lanwi. — Joseph Vrindts, ”Vîx Lîge” (1901), p.101-102, “Pâhûlisté” (fråze rifondowe).
4. setch, hôt et foirt, tot djåzant d’ on son.
   • On coixhant côp d’ xhuflet.

Ratourneures

1. coixhant come on raezoe.
   • Lu ki d' åbitude esteut si doûs, si inmåve, esta coixhant come on raezoe tot dmandant al båshele di wice k' ele vineut. — Joseph Vrindts, « Li pope d'Anvers » (1896), p.32 (fråze rifondowe).

Ortografeyes

Divant 1900 :

• qwahant : CE57 (diné al femrinne fôme)

Après 1900, foû rfondou (Feller, Feller ricandjî, nén Feller) :

• cwèhant : JVri, AXhi
• cwahant : E1

Ratournaedjes

ki côpe bén

• Francès : tranchant ^(fr), coupant ^(fr)

froed et setch, tot djåzant do tins

• Francès : âpre ^(fr), glacial ^(fr), polaire ^(fr)

imådjreçmint

• Francès : mordant ^(fr), blessant ^(fr), offensant ^(fr), incisif ^(fr)

setch, hôt et foirt, tot djåzant d’ on son

• Francès : strident ^(fr)

Sustantif

singulî	pluriyal
coixhant	coixhants

coixhant omrin

1. pår divins l' ratourneure « coixhant del bijhe ».

Ratourneures

1. å coixhant del bijhe
   • C' e-st avou plaijhi ki dj' lairè sacrifiyî m' pope d' Anvers å coixhant del bijhe. — Joseph Vrindts, « Li pope d'Anvers » (1896), p.3 (fråze rifondowe).

Ratournaedjes

å coixhant del bijhe

• Francès : au plus froid de la bise

Pårticipe prezintrece

coixhant (nén candjåve)

1. pårticipe prezintrece do viebe « coixhî ».