cotrea

Walon (Rifondou)

Etimolodjeye

Bodje « cote » (avou on ristitchî R) ey avou l’ cawete « -ea ».

Prononçaedje

• AFE :
  • diferins prononçaedjes : /kɔ.ˈtʀɛː/ /kɔ.ˈtʀæː/ /kɔ.ˈtʀja/ /kɔ.tʀi.ˈja/ (betchfessî ea)
  • prononçaedje zero-cnoxheu : /kɔt.ˈʀja/
• Ricepeures : co·trea

Sustantif

singulî	pluriyal
cotrea	cotreas

cotrea omrin

1. (mot d’ mousseure) dimeye cote di comere, dizo l' cingue, k' aléve disk' al tere et k' i faleut rilever ene miete po roter, po danser, mins k' gn aveut co èn ôte mousmint padzo.
   • Do tins passé, les femes ratapént leu cotrea sol tiesse al plouve et å måva tins — Motî Toussaint (fråze rifondowe).
   • Les clairs cotreas des fenresses et leus blancs baradas baltèt-st å vint — Henri Simon, "Fènå-meûs" (1907) (fråze rifondowe).
   • Po les 50 ans di nosse soce di danses årdinwesses, on-z a fwait ene graveure di stin : l’ ome avou s’ sårot et l’ dame avou s’ cotrea — Serge Fontaine (fråze rifondowe).
   • Pawou ki sol verdeure
     Vos n' gåtexhe vos cotreas
     Trossîz vs disca li dzeu
     Trossîz vs disk' å hatrea— François Barillié, divins « Li camarad′ dè l'joie », 1852 (fråze rifondowe et rarindjeye).
   • A R’moutchamp, i n’s’astårdja nin à louquî les loum’rotes des djîses si distinde l’eune après l’ôte; i n’tusa nin minme dè r’lèver ses moussètes ås bocås des håyes, ni dè rassètchî l’cotrê qui tapév ås êrs dè djoû, è corant d’l’ Ambléve— Joseph Mignolet, Li payis des soteas (1926), p.41.
   • A s’ finiesse li båshele overe
     Est-ç’ ene dintele ? Est-ç’ ene brosdeure ?
     On bea gågåye ? On noû cotrea ? — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).

Ratourneures

1. fé on vert cotrê : stårer ene kimere sol yebe.

Parintaedje

• Loukîz a : « cote »

Mots d’ aplacaedje

cotrê-d’-Tîxhe (cotrê d' Tîxhe)

Sinonimeye

• djupe

Mots vijhéns

• cote di dzo

Sipårdaedje do mot

w. do Levant w. do Mitan

Ortografeyes

Divant 1900 :

• coteria : G0 t.I p.129
• coterai : G0 t.I p.129

Après 1900, foû rfondou (Feller, Feller ricandjî, nén Feller) :

• cotrê : E1, E165 p. 64, E170, E200, G205 p. 185, G208 p. 408
• cottreay : E200 (1614)
• cottrea : E200 (1544, 1580)
• cotriya : C8
• cotria : C1, C9, G208 p. 408
• coterê : E1, E170

E rfondou walon :

• cotrea : R10 ^(lére)

Li mot n’ est nén dins : R13

Ratournaedjes

dimeye cote, metowe ådzeu d' èn ôte mousmint

• Francès : cotillon ^(fr), jupe ^(fr) (de dessus), cotte ^(fr) (vî mot), cotteron ^(fr) (vî mot)

Sourdants

Rifondaedje: Bate di dvize so Berdelaedjes

Waitîz eto

Lijhoz l’ årtike cotrea so Wikipedia