crissôte

Li rfondaedje di ç’ mot cial est co so balance. Fåt i scrire « crissôte » u « cressôte » ?

Walon (Rifondou)

Etimolodjeye

Calcaedje riwalonijhî di l' almand « Gänse-rot » (minme sinse); c' est ene rediveuse etimolodjeye.

Prononçaedje

• AFE :
  • diferins prononçaedjes : Prononçaedje a radjouter
  • prononçaedje zero-cnoxheu : Prononçaedje a radjouter
• Ricepeures : cri·ssôte

• 
• 

Sustantif

singulî	pluriyal
crissôte	crissôtes

crissôte femrin

1. sôre di rodje magriyete, ahivêye dins les cortis, avou ene dobe corone di foyes di fleurs.
   • Vos n' avoz nén l' air di m' responde,
     Et portant vos lepes si rmouwèt.
     Vinoz, djans, nos les irans djonde
     Come deus crissôtes, inte deus rizlets. — Jean Dessard, D'ine cohe so l'aute, 1939, p.91, Ombåde di may (1928) (fråze rifondowe).

Ratourneures

1. rodje come ene crissôte : foirt rodje (purade di vizaedje).
   • Il a on vizaedje comme ene crissôte.
   • Cwand l' meskene, rodje come ene crissôte,
     E plinne loumire, astitcha l' bon boket,
     [...]Li ptit Sint Djan, d' èn air etait,
     Dåra d' on côp sol pårt di glotinreye. — Joseph Vrindts, « Pâhûles rîmês » (1897), "Li mâx d'dints", p.77 (fråze rifondowe).
   • Et tote honteuse d’ end aveur tant dit, ele s’ a såvé, rodje come ene crissôte, - come li djoû k’ il aveut flåwi. — Arthur Xhignesse, « Boule-di-Gôme », 1912, p.32 (fråze rifondowe).
   • Leye pus rodje k' ene crissôte,
     Lu pus blanc ki l' farene k' epoûsléve si sårot. — Joseph Mignolet, "Fleûrs di prétins", p.83 (1929), "Li molin dè vî Stiène" (1925) (fråze rifondowe).
   • Et vola k' e l' aireur li signeur do cotjhea
     Xhuflant « Vinoz Mareye », s' amoenne d' ene djambe so l' ôte,
     Adlé ene tere di trimblene, ossu rodje ki l' crissôte,
     Wice k' i rishinmeye si fås tot foumant s' vî cawiea. — Jean Dessard, D'ine cohe so l'aute, 1939, p.20, Å tins dès pîs d’ bon Diu (1934) (fråze rifondowe).
   • Mins, del shijhe, cwand s' galant, roslant come ene crissôte,
     El sitind dvins ses bresses. — Louis Lagauche, L'aimant, Dicåce å viyaedje, (1947), p. 89 (fråze rifondowe).
2. divni rodje come ene crissôte : rodji.
   • -Esteut i malåde cwand vs l' avoz cwité å matén ? Dimanda l' dame bouwresse.
     Il esteut on pô disrindjî, derit l' ovrire tot rodjixhant come ene crissôte. — Joseph Vrindts, « Li pope d'Anvers » (1896), p.49 (fråze rifondowe).

Ortografeyes

Divant 1900 :

• cressontt : E177a ^(lére)
• krèçôtt : E203 ^(lére)
• crissôde : E89 ^(lére)
• crissôtt : E177a ^(lére)

Après 1900, foû rfondou (Feller, Feller ricandjî, nén Feller) :

• crèssaute : JDess
• crèssôte : AXhi
• crissôde : E1
• cressaute : JVri
• crèssôde : E1

E rfondou walon :

• crissôte : R10 ^(lére)

Ratournaedjes

sôre di rodje magriyete, ahivêye dins les cortis, avou ene dobe corone di foyes di fleurs

• Francès : sorte de pâquerette ^(fr) rouge des jardins

rodje come ene crissôte

• Francès : teint vermeil

divni rodje come ene crissôte

• Francès : rougir comme une pivoine