ene miete

Walon (Rifondou)

Etimolodjeye

Shûte des mots : « ene » + « miete ».

Prononçaedje

• AFE :
  • diferins prononçaedjes :
    • (diri cossoune ou dins tos les cas) : /ɛn.'mjɛt/ /ɛn.mi.'jɛt/ /ɔn.'mjɛt/ /ɔn.mi.'jɛt/ /ɔ.'mjɛt/ /in.'mjɛt/
    • (dirî voyale) : /nmi.'jɛt/
  • prononçaedje zero-cnoxheu : /ɛn.ˈmjɛt/

Adviebe

ene miete (nén candjåve)

1. on ptit digré dins l' grandeur.
   • Li viye meskene, estant ene miete trop dvizante,
     Aveut, sins l' voleur, dit dvant lu,
     Ki l' feve, ci sereut po Djezus. — Joseph Vrindts, « Pâhûles rîmês » (1897), "Li mâx d'dints", p.75 (fråze rifondowe).
   • Il a ploû dabôrd tote li matinêye; tolminme, l' après-prandjire a stî ene miete meyeuse. — Jean-Jacques Gaziaux (fråze rifondowe).
2. on ptit moumint.
   • Di, dene mu ene miete ti tchike ! - Oyi, ti ! Elle est co plinne di djus. — Motî Pirsoul (fråze rifondowe).
   • Tos les djoûs, èm pårén Fred, On vî djouweu d’ trompete, Å matén ddja, i s' vént mete Dé l’ finiesse, i repete; S’ ene sakî passe et s’ arestêye Por lu schoûter ene miete, I poûsse, i poûsse po k’ ça skete; On voet k’ i dvént tot vete. — Bob Dechamps (fråze rifondowe).
   • Aprume les cenes k' on hape cwand on-z onore Venusse divant Djunon, dabôrd. Schåynete et platkizak, ass on novea galant u ene novele mayon? Bardaf, ti rawårdrès co ene miete— David Blaude, Li Rantoele, l° 106 p. 7.

Mots d’ aplacaedje

co ene miete

Sinonimeye

• (on ptit digré dins l' grandeur) : on pô / on pôk, on betch, ene idêye, ene gote
• (on ptit moumint) : ene miye, èn åvé, ene sigonde

Ortografeyes

Après 1900, foû rfondou (Feller, Feller ricandjî, nén Feller) :

• = o’m miet (ene miete) : C74

Ratournaedjes

on ptit digré dins l' grandeur

• Arabe : قليلاً ^(ar) = قَلِيلاً =‎ qalîlan
• Arabe marokin : شوية ^(ary) = شْوية =‎ choya
• Almand : ein bisschen ^(de), ein wenig ^(de), etwas ^(de)
• Inglès : a bit ^(en), a little ^(en)
• Espagnol : un poco ^(es)
• Francès : un peu ^(fr)
• Neyerlandès : een beetje ^(nl)

on ptit moumint

• Arabe marokin : دقيقة ^(ary) = دْقيقة =‎ dqiqa
• Francès : un instant ^(fr), une seconde ^(fr)
• Neyerlandès : een ogenblikje ^(nl)