gråce

Walon (Rifondou)

Etimolodjeye

Prononçaedje

AFE :
- diferins prononçaedjes : /ɡʀɒːs/ /ɡʀɔːs/ /ɡrɑːs/ /ɡʀoːs/ (betchfessî å)
- prononçaedje zero-cnoxheu : /ɡʀɔːs/
Ricepeures : nén rcepåve

Sustantif

singulî	pluriyal
gråce	gråces

gråce femrin

aidance ki l' Bon Diu ns evoye.
- Est ç’ vos ki vout divni m’ fiyåsse ?
  Oyi si l’ Bon Diu m’ dene li gråce — Simon li scrinî (fråze rifondowe).
- I n' a rin d' trop. Si Dièw mi d'néve li gråce
  Dè rèscontrer 'ne brave djin qui comprind'reût bin m' cåse,
  Et m' prust'reût kékes-êdants po rimpli m' dierin d'vwér,
  Dji pôrè lî fé dè mons, ine mèsse so s' cwérp,
  Aveûr on corbiyård, lî fé soner 'ne pwèsèye :
  Qui si-åme ås-ôtès åmes å cîr seûye anoncèye, — Joseph Vrindts, « Pâhûles rîmês » (1897), "A l'pwète dès incurâbes" (avri 1878), p.55.
- Ki li gråce yet l’ påye vos soeynuxhe dinêyes del pårt do Bon Diu, nosse Pa, yet do Signeur Djezus ! — Lucyin Mahin (fråze rarindjeye). (tot ratournant li Deujhinme lete sint På ås djins d' Corinte)
- Cisse gråce-là, qui nos rimplixh di dévôcion, ènnè vint minme quéquefèye à çou qu' ci n' seûy nin seûlemint 'n' èsprit mins minme on cwér hêpieus qui sinse ragrandi et riv'ni sès fwèces — Jean Bosly, ratournant L' imitåcion d' Djezus-Cri.
piceure ki rind bea, assaetchant.
- Ele a del gråce — Motî Haust (fråze rifondowe).
- Li Grand Mwaisse louca tot d’ èn air contin et derit :
  « Coronans nost ovraedje pa on ptit paradis
  Å monde i fåt ene rinne, a l’ åme ene kipagneye.
  Dji m’ lyi va fordiner totes les gråces a pougnêye »— Martin Lejeune, Bultén del Societé d' Lidje, "L’crèyåcion d’Eve", tome 43, p. 140 (fråze rifondowe).
(vî vî mot) priyire k' esteut dite al vesprêye.
- après lès vèpes, on-z-a dit l' gråce — Motî Haust.
pluriyal çou k' on dit po rmercyî ene sakî.
- Gråces, di m' awè avoyî li rzultat del bate des noûmots; come ça dj' els a, scrîts noers so blanc, et oficirmint — Lucyin Mahin.

Ratourneures

rinde gråces : priyî après l' eurêye
avou l' gråce do Bon Diu
vo-rcial li bon tins, gråce a Diu
riçure li côp d' gråce : riçure si daye
dji vs dimande çoula an gråce
aler al gråce : aler al priyire del vespreye
Gråce a deus mwins ! N' a pus ni pwin, ni årdjint ! Gn aveut on ptit boket d' levin sol djivå, li tchet l' a hapé ! Ki dirèt ele memere cwand ele rivénrè? A cate ! A cate minou ! : Viye zûne. L' efant e-st ashiou so les djnos del djin ki lyi toune li screne et ki lyi tént les deus divant-bresses. Å cmince, on lyi raprepeye les mwins e segne di priyire. Dismetant li zûne, on-z el kihosse e cadince. Al difén on lyi ridjond al dilongue des djawes les deus mwins ki dnèt ås djawes des tapetes
pol gråce di Diu