oneur

Walon (Rifondou)

Etimolodjeye

Tayon-bodje latén « honor », (minme sinse) (çou ki dene on mot avou l’ cawete « -eur »).

Prononçaedje

• AFE :
  • diferins prononçaedjes : /ɔ.ˈnøːʀ/ /u.ˈnøːʀ/ /a.ˈnøʀ/ Prononçaedje a radjouter
  • (pa rfrancijhaedje) /ɔ.ˈnœʁ/ Prononçaedje a radjouter
  • prononçaedje zero-cnoxheu : /ɔ.ˈnøːʀ/
  • Ricepeures : o·neur

Sustantif

singulî	pluriyal
oneur	oneurs

oneur femrin

1. cwålité di s' kidure sorlon ses dvwers.
   • Diner do contintmint rén k' al façon di cdure l' atelêye des mots, c' est l' prumî role do scrijheu, si oneur — Albert Maquet (fråze rifondowe).
2. boune rilomêye k' on doet waerandi voye non voye.
   • Dji so-st awureus d’ esse Mayeur di m’ vî cwårtî d’ Djudla Mouze et dji vs rimerceye di l’ oneur ki vos m’ fjhoz. — Joseph Dumont, Proclamaedje del Republike di Djudla Mouze, 11 di djun 1927, Tecse oridjinå lijhåjhe cial (fråze rifondowe).
     
   • Bon k' c 'est po l' oneur di nos omes, nos n' lairans nén aveur di ces såvadjes la, djamåy ! — Paul-Henri Thomsin, ratournant e walon Walon’rèye, tére di lédjindes, 1998, p. 25 (fråze rifondowe).
   • Et pol fén di tos leus måleurs,
     C' est ki l' peupe sifwait e-n oneur
     A vey ci bea et doûs prelat,
     Criyive di tote si pouxhe: « Vivå !
     C' est ci-cial k' est l' pere des ovrîs
     Et k' serè l' oneur des Croejhîs ! » — Paskeye di l' eleccion da Monsieu d' Audace, (1720) (fråze rifondowe).
   • Adon k’ elle (li Walonreye) a dné si souweur
     On l’ vôreut asteure mesbridjî ;
     On lyi vout minme prinde si oneur
     — Joseph André (fråze rifondowe).
3. (pus stroetmint) (secsuwelté) (sortot po les femes) droete kidujhance e matire di seke.
   • Asteure, divins nos båceles,
     I s’ è trouve a ribambeles
     K’ ont vindou po des dinteles
     Li pô d’ oneur k’ on lzî dna. — Louis Lagauche, Amon nos autes, tchansons tchusèyes, (1908-1912), «Qui n’èstans-gn’ co di ç’timps-là ! » p.28 (fråze rifondowe).
4. (pus sovint eployî å pluriyal) plaece, bistoke, decoråcion k' on baye a ene djin del hôte k' a fwait ene bele keure.
   • Des plaeces et des oneurs, li ci k' vout prinde li voye,
     Doet aveur li coraedje do fé l' robete di croye.
     Po-z ariver, creyoz m', c' est l' meyeu des moyéns. — Édouard Remouchamps, Tåtî l’ Pèriquî, 1884, Ake I, Sinne XII, v. 307-309 (fråze rifondowe).
   • Dji plind d’ tot m’ cour les impreurs, les roys,
     Ou tos ces la ki n’ tuzèt k’ al grandeur.
     K’ i vnexhe ene feye amon les Tiesse di Hoye,
     I s’ disgostront del gloriole, des oneurs. — Louis Lagauche, Amon nos autes, tchansons tchusèyes, (1908-1912), «Mi p’tit payîs Walon» p.45 (fråze rifondowe).
5. (mot d’ cwårdjeu) figueure d' atote.
   • Aveur les oneurs, les cwate-z oneurs. — Motî Forir (fråze rifondowe).
   • Aveur li levêye et les oneurs. — Motî Forir (fråze rifondowe).

Ratourneures

1. a l’ oneur di
2. aveur l’ oneur di
3. c’ est å pus vî voleu l’ oneur
4. esse di l’ oneur di
5. diner s’ parole d’ oneur
6. e l’ oneur di
7. d’ oneur
8. esse a l’ oneur
9. fé di l’ oneur
10. fé oneur
11. les oneurs candjèt les oumeurs
12. parole d’ oneur
13. po l’ oneur
14. rimete a l’ oneur
15. rinde les oneurs
16. sins oneur.
    • C' est èn ome oneur. — Motî Forir (fråze rifondowe). — Motî Haust (fråze rifondowe).

Parintaedje

• dizoneur
• dizonoraedje
• dizonoråve
• dizonorer
• onoråbe
• onoråbmint / onoråblumint
• onoraire
• onorer
• onorifike

Mots d’ aplacaedje

• croes d’ oneur
• gåre d’ oneur
• ledjon d’ oneur
• moude d’ oneur
• pårt d’ oneur
• plaece d’ oneur
• sins-oneur
• voleu d’ oneur

Mots vijhéns

• dignité
• glwere
• rilomêye
• rinon

Contråve

• dizoneur
• honte
• houwêye

Ortografeyes

Divant 1900 :

• oneûr : E203 ^(lére)

Après 1900, foû rfondou (Feller, Feller ricandjî, nén Feller) :

• ouneûr : O4
• aneûr : E145
• oneûr : E1 ^(lére), E34, O4, S0

E rfondou walon :

• oneur : R13

Ratournaedjes

cwålité di s' kidure sorlon ses dvwers

• Arabe : شرف ^(ar) =‎ charaf
• Inglès : honor ^(en)
• Francès : honneur ^(fr)
• Vî grek : τιμή =‎ timê
• Latén : honor ^(la)
• Neyerlandès : ere ^(nl)
• Rûsse : честь ^(ru) =‎ tchiést'

droete kidujhance åd fwait do seke

• Francès : honneur ^(fr), virginité ^(fr), pureté ^(fr), chasteté ^(fr)

plaece, bistoke, decoråcion k' on baye a ene djin del hôte k' a fwait ene bele keure

• Francès : honneur ^(fr), privilège ^(fr), gratification ^(fr)

Mot-fråze

oneur

1. (eployî avou l' divancete « a ») dit l' oneur k' ene djin merite.
   • Oneur, oneur å doyén respectåbe. — Henri Forir, Blouwett lîgeoiss, On pansiona, 1843, p.25 (fråze rifondowe).
   • Oneur a nosse fameus powete,
     Ki fwait si bén rimer l' walon !
     Sins lu, les paskeyes s' alént piede ;
     C' est lu k' els a rmetou sol ton. — François Barillié, Li camarad′ dè l'joie, Po bin s’amûser, fât chanter, 1852, p.16 (fråze rifondowe).
   • Oneur a vos, houyeus !
     Soeyoz firs d' esse vozôtes e vosse deure vicåreye,
     Leus d' tere, a kî l' solo sieve si rålmint d' muroe ! — Jean Dessard, D'ine cohe so l'aute, 1939, p.75, Dizos lès molètes (1935) (fråze rifondowe).
   • K' ele vegne kischeure les cis k' sont-st edoirmous
     Po k' s' ehåstexhe di braire avou :
     "Oneur a nosse bele åbarone !" — Louis Lagauche (fråze rifondowe).
2. (dujhance sociåle) (eployî avou l' divancete a) si dit poleymint po fé passer ene kimere, èn ancyin e prumî.

Sinonimeye

• glwere a
• vivå
• vive

Contråve

• a bas
• schovlete

Ratournaedjes

dit l' oneur k' ene djin merite

• Francès : honneur ^(fr) à, gloire ^(fr) à

si dit poleymint po fé passer ene kimere, èn ancyin e prumî

• Francès : honneur ^(fr) à