paket

Walon (Rifondou)

Etimolodjeye

Tayon-bodje latén « paccetum », pal voye do francès « paquet ».

Prononçaedje

• AFE :
  • diferins prononçaedjes : /pa.ˈkɛ/ (minme prononçaedje cåzu pattavå)
    • (pa rfrancijhaedje) /pa.ˈke/
  • prononçaedje zero-cnoxheu : /pa.ˈkɛ/
• Ricepeures : pa·ket

Sustantif

singulî	pluriyal
paket	pakets

paket omrin

1. ewalpaedje ravôtiant sacwants cayets.
   • On paket d' hådes. — Motî Forir (fråze rifondowe).
   • Dji frè on paket avou mes hådes,
     Et dj' irè-st « Margaye divins les nûlêyes »}}
   • Dj' a radmint drovou on paket d' tchipes : ele n' inméve nén. — Jean Goffart (fråze rifondowe).
   • Les comissions, c' esteut todi l' minme: ene live di cafè, on paket d' tchicorêye, del sirôpe, do souke, do sé, do poeve, eco, eco. — Arthur Schmitz (fråze rifondowe).
   • Ele fwait rôler dvant leye li ptit paket bén ravôtyî dins ene coviete. — Auguste Laloux (fråze rifondowe).
   • Ele tape, li mvêye, sol feu a l' aisse
     Tot on paket di setchès djniesses. — Pierre-Joseph Dosimont (fråze rifondowe).
2. hopea d' cwårs.
   • Tinoz masseur, vocial on ptit paket. Dj' espere
     Ki vs trouvroz çou k' i fåt po-z essevli m' pôve pere. — Joseph Vrindts, Pâhûles rîmês, (1897), "A l'pwète dès incurâbes" (avri 1878), p.54 (fråze rifondowe).
3. rujhes a sopoirter dins l' veye
   • Cwand on-z a tûtlé s' botaye,
     On-z est pus djoyeus k' on rwè ;
     Pus plaijhante avize li veye,
     Pus ledjir e-st i l' paket. — Jean Dessard, D'ine cohe so l'aute, 1939, p.149, Vîve Saint-Åbin (1937) (fråze rifondowe).
4. efant dins l' vinte di s' mame.
   • Et cwand ele serè marieye
     Vos åroz ses efets
     Et s' paket. — François Barillié, Li camarad′ dè l'joie, 1852, Conseie à on vî vef, p.119 (fråze rifondowe).
   • Vos alez å bal avou les valets, mins si vos rivnoz avou l' paket, mi, dji vos fote a l' ouxh.
5. pitit taes d' crotes d' on påpåd.
   • I s' aveut rlevé tot seu, aveut rexhou foû do birce, et vni fé si ptit paket e mitan del tchambe. — Båze di dnêyes di l’ Årdene nonnrece (fråze rifondowe).

Ratourneures

1. aveur si paket
2. dimander l’ paket
   • Matante n' a nén a tchicter, i fåt k' ele dimande li paket ! — Paul-Henri Thomsin, ratournant "Li vî bleu 2" da François Walthéry & Raoul Cauvin, 1980 (fråze rifondowe).
3. fé s’ paket
4. poirter s’ paket
   • Li pere des doze vis pardonrè,
     Sol tere, tolmonde poite si paket :
     Tchanter sins boere, måy nouk nel fwait. — Jean Dessard, D'ine cohe so l'aute, 1939, p.179, Tchantchès (1938) (fråze rifondowe).
5. risker l’ paket
6. s’ edoirmi come on paket
   • Vevè s’ aveut edoirmou, al fén des féns, come on paket… — Arthur Xhignesse, Boule-di-Gôme, 1912, p.24 (fråze rifondowe).

Parintaedje

• epacter

Ortografeyes

Divant 1900 :

• paket : E203 ^(lére)

Après 1900, foû rfondou (Feller, Feller ricandjî, nén Feller) :

• pakèt : E1
• pakè : O4
• paquèt : E1
• paket : S0

E rfondou walon :

• paket : R10 ^(lére), R13

Ratournaedjes

ewalpaedje ravôtiant sacwants cayets

• Francès : paquet ^(fr)

hopea d' cwårs

• Francès : petite porte aménagée dans un bâtiment

rujhes a sopoirter

• Francès : fardeau ^(fr)