palå

Walon (Rifondou)

Etimolodjeye

Tayon-bodje latén « palatium » (ene des set tiers del veye di Rome la ki fourit constrût on palå sol trevéns des impreurs).

Prononçaedje

• AFE :
  • diferins prononçaedjes : /pa.ˈlɒː/ /pa.ˈlɑː/ /pa.ˈlɔː/ /pa.ˈlɛː/ (betchfessî å, halcrosse rîlêye)
  • prononçaedje zero-cnoxheu : /pa.ˈlɔː/
• Ricepeures : pa·lå

• 
  Palå d' ivier do Tsår di Russeye (sins 1)
• 
  Palå di l' Elizêye (sins 2)
• 
  Palå d' djustice di Brussele (sins 3)

Sustantif

singulî	pluriyal
palå	palås

palå omrin

1. (mot do bastimint) sôre di foû grande måjhone po on rwè, on prince.
   • Ca si trè foû près il estént
     Ki zels et nos, nos ns atrapént
     Nos havursaks avou nos pikes.
     Mins ces Trouks et ces eritikes
     Racorént a si grands tropeas
     So nosse bastion do Palå
     K' i nos fout bon di nos rtirer. — Paskeye sol sidje et l' dissidjmint d' Wîne(1683) (fråze rifondowe).
   • Vos avoz distrût l′ catedråle
     Avou s’ bea åté, s’ bea docsal,
     Sacadjî l’ mozolêye Marcå,
     Ci bon prince k’ a basti l′ palå. — Marian de Saint-Antoine (fråze rifondowe).
   • — Oho, on cado po Napoleyon !
     — Awè… on lyi rmetrè dmwin, a Lidje, å palå des princes-evekes, sol trevéns d' ene grande ceremonreye divant k' endè rvåye …
     — Paul-Henri Thomsin, ratournant Li diâle è cwér, ine avinteûre di Bakelandt l’èspiyon di Napolèyon à Lîdje, 2009, p. 36 (fråze rifondowe).
   • Il aveut cwité l' Djeneralife (…) et s' gripéve-t i djoyeuzmint viè l' Siera del Moro, di wice k' i poleut vey li beaté di s' palå, et vizon vizu l' Albayzîn, k' aléve divni l' cwårtî des bowemyins. — Joseph Mignolet, dins « L' amour a l' Alambra », p. 21 (fråze rifondowe).
   • C’ est k’ l’ åbe est pår si bea ! Cwand c’ est k’ on l’ voet, l’ ivier
     Mostrer sol blanke nivaye l’ efexhaedje di ses coxhes,
     i vs rapinse li tcherpinte d’ on palå ki s’ elive. — Henri Simon, lijhåve so Wikisourd (fråze rifondowe).
2. (pus stroetmint) palå des Princes-Evekes a Lidje.
   • Dji m' va-st apotiker çoula å pus abeye :
     Torade, li peticion serè fwaite, evoyeye
     Å palå. — Édouard Remouchamps, Tåtî l’ Pèriquî, 1884, Ake I, Sinne XII, v. 331-333 (fråze rifondowe).
3. (pa stindaedje do sinse) tot djåzant del dimorance d' on prezidint.

   Ene fråze d’ egzimpe est co a radjouter.

4. (pa stindaedje do sinse) tot djåzant d' on bastimint la k' on rind l' djustice.

   Ene fråze d’ egzimpe est co a radjouter.

5. (antomeye) pårteye del boke dizeu l' linwe.
   • E si aiwe, tos les oujheas do vå,
     Acorèt s' rafrister l' palå,
     Si rade k' å cir apond l' aireur… — Joseph Mignolet, "Fleûrs di prétins", p.70 (1929), "Li rèwe" (1926) (fråze rifondowe).
   • Alans, trincans, bevans tertos eshonne,
     A nosse palå, fjhans sawourer l' bouket ;
     Dizeu ene boune cåve l' amisté nos rashonne,
     Tinans l' a gougne, come å pus grand banket. — Jean Dessard, D'ine cohe so l'aute, 1939, p.140, Tchanson d' tåve : Inte lès-åsses èt lès pots (1936) (fråze rifondowe).

Mots d’ aplacaedje

• palå d’ djustice

Mots vijhéns

• tchestea

Ortografeyes

Divant 1900 :

• palâ : E203 ^(lére)

Après 1900, foû rfondou (Feller, Feller ricandjî, nén Feller) :

• palås : E1 ^(lére)
• palaîs : C61, G100
• palå : E1 ^(lére), G100
• palan : E165

E rfondou walon :

• palå : R13

Li mot n’ est nén dins : E89

Ratournaedjes

måjhone di rwè

• Inglès : palace ^(en)
• Francès : palais ^(fr)
• Vî grek : βασίλεια ^(fr)
• Neyerlandès : paleis ^(nl)
• Rûsse : дворец ^(ru)

pårteye del boke dizeu l' linwe

• Francès : palais ^(fr)