planete

Walon (Rifondou)

Etimolodjeye

Calcaedje do francès « planète » (coir ciryin).

Sustantif

singulî	pluriyal
planete	planetes

planetefemrin

1. (astronomeye) coir ciryin come li Tere, ki toûne åtoû do solea, u d' ene sitoele.
   • Dji m' aprotcha do Ptit Prince et lyi dmander di ké planete k' i vneut — Jean-Pol Grandmont, ratournant Antoine de Saint-Exupéry (fråze rifondowe).
2. tot çki toûne åtoû del vicåreye d' ene djin.
   • Si vos l’ sipozez, edon, vosse planete est tote fwaite davance. — Henri Simon, «Li neûre poye» divins «Quatre comédies liégeoises» da Jean Haust (1936), 1889, (p.86 (fråze rifondowe).
   • El planete di ç' viye cope la, cwè çki ça pout bén esse, dijhoz mel ? — Louis Marcelle (fråze rifondowe).
3. (doûce creyance) çou ki vos doet ariver, et k' est kécfeye scrît ene sadju å Cir.
   • Mågré syince, mågré lunetes,
     Vos avoz saetchî vosse planete,
     Vos estoz rclapé dvins l’ rijhea,
     Come èn oujhea. — Martin Lejeune, Œuvres lyriques du poète wallon Martin Lejeune, "L’ôrlodje du l’amour" (fråze rifondowe).
   • Dj' a todi oyou dire ki vosse planete esteut scrîte d' avance — Lucien Somme (fråze rifondowe).
4. advinaedje di l' avni d' ene djin, pal voye di si date di skepiaedje.
   • Ou dj' soune li trompete
     Pol ci k' vind des planetes,
     Ou dj' fwai l' esplicåcion
     Pol ci k' towe les wandions. — François Barillié, Li camarad′ dè l'joie, 1852, Li Sans-çouci Lîgeois ou l’Krenkinî d’Lîge, p.104 (fråze rifondowe).
   • Il atchtît ene foye la k' on lijheut s' planete — Henri Van Cutsem (fråze rifondowe).
5. (cronolodjeye) onk des doze senes ki pårtixhèt l' anêye et ki dnèt l' caractere des djins.
   • C' est cwè, vosse planete ? :: Mi, c' est l' Gadot.

• 
  planetes ås aneas åtoû d' ene fizêye
• 
  li planete «Tere»
• 
  Li «Stoele do bierdjî» (a hintche), c' est ene planete
• 
  planete = destinêye

Sinonimeye

coir ciryin, aprume nosse Tere

• bole

advinaedje di çou ki va ariver a ene djin

• destinêye

Dizotrins mots

astronomeye

• Tere, Daegne
• Stoele do bierdjî, Venusse
• Måss
• Mierkeure
• Djupiter
• Satûne
• Uranusse
• Nûtone (Neptune)
• anea

asterlodjeye

• Bassî
• Torea
• Djermale
• Crantche
• Liyon
• Pucele
• Balance
• Scoirpion
• Airtchî
• Gadot
• Raiweu
• Pexhons

Ortografeyes

Divant 1900 :

• planett : E203 ^(lére)

Après 1900, foû rfondou (Feller, Feller ricandjî, nén Feller) :

• planète : C8, O4
• planéte : E34

E rfondou walon :

• planete : R10 ^(lére), R13

Ratournaedjes

coir ciryin

• Arabe : كوكب‎ ^(ar) = كَوْكَب‎ =‎ kawkab
• Almand : Planet ^(de)
• Inglès : planet ^(en)
• Espagnol : planeta ^(es)
• Francès : planète ^(fr)
• Neyerlandès : planeet ^(nl)

çou ki vos doet ariver

• Francès : destin ^(fr), destinée ^(fr), prédestination ^(fr)

advinaedje di l' avni pal date di skepiaedje.

• Francès : horoscope ^(fr)

onk des doze senes ki pårtixhèt l' anêye

• Francès : signe du zodiaque ^(fr), zodiaque ^(fr)

Waitîz eto

• Lijhoz l’ årtike planete (discramiaedje) so Wikipedia
• Lijhoz l’ årtike Planete (asterlodjeye) so Wikipedia
• Lijhoz l’ årtike Planete (astronomeye) so Wikipedia