s’ enonder

Walon (Rifondou)

Etimolodjeye

Aplacaedje prono « s’ » + viebe «enonder»

Viebe

s’ enonder (viebe å prono muroetrece)

1. tcheryî tot s’ ehåstant rade.
   • Ouy’, li pîsson s’ènonde drî lès vèdjes di s’sårcô
     Li pinsonî trèfèle i marquèye lès côps
     Et n’candj’reû sès djoûs po lès cis d’on tchènônne
     — Joseph Minet, "Les oujheas di nosse payis", p. 20.
   • Li houzon d’ air, curieus, naxhtêye
     S’ enonde, s’ arestêye, tins k’ i ksemtêye
     Ene poûssîre ossu fene ki rén … — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
2. divni måvlé.
   • Awè, ns avans ploré disk' å dierin soglot,
     Mins cwand les ouys sont setchs hin, peupe haeyou d' tot l' monde !
     Amon nozôtes on crîne des dints, pwis l' cour s' enonde
     Et roveye ses mizeres po rprinde plaece å solo— Louis Lagauche, "L' inmant", Ås walons, (1947), p. 120 (fråze rifondowe).
   • Ni vs enondez nén, mi pourcinet, c' est djusse ene sote idêye d' on ledjonaire— Paul-Henri Thomsin, ratournant Astérix amon lès Bèljes, 2022, p. 9 (fråze rifondowe).

Sinonimeye

tcheryî tot s’ ehåstant rade

• si dårer
• s’ escoursi
• prinde si enondêye

divni måvlé

• s’ epoirter
• s’ emonter
• si måvler
• si mwaijhi

Ratournaedjes

tcheryî tot s’ ehåstant rade

• Francès : s’élancer ^(fr), fondre ^(fr), se précipiter ^(fr)

divni måvlé

• Francès : se fâcher ^(fr), s’encourroucer ^(fr), s’emporter ^(fr)