shabot

Walon (Rifondou)

Aplacaedje di : « savate » eyet « bote ».

AFE :
- diferins prononçaedjes : /ʃa.ˈbɔ/ /sa.ˈbɔ/ (fok deus prononçaedjes) (betchfessî sh)
- prononçaedje zero-cnoxheu : /ʃa.ˈbɔ/
Ricepeures : sha·bot

singulî	pluriyal
shabot	shabots

shabot omrin

(mot d’ mousseure) tchåsseure di bwès (savate di bos).
- C' e-st insi k' e purete,
  On s' håynêye å solo,
  L' tchapea d' paye el hanete
  Et tchåssî d' gros shabots. — Jean Dessard, D'ine cohe so l'aute, 1939, p.34 L'awous′ (1906) (fråze rifondowe).
- Est çki les mamjhuletes si tchåssèt d’ gros shabots ? — Joseph Mignolet, Al bèle fontinne, 1924, p.28 (fråze rifondowe).
- Avou des håres, on fjheut des tchaplets d’ traze pwaires di shabots. — Rodolphe Dedoyard (fråze rifondowe).
- I fåt-st aler tchaeke djoû, tchåssî d' pezants shabots,
  Woeyî so ene trope d' åmayes å mitan des brouwires ; Aveur les tchifes et l' front hålés des cwate solos,
  Et télfeye, doirmi ene nute å cour des sapinires. — Marcel Launay (fråze rifondowe).
- Lès-aubes ont grèté lès nûléyes,
  I son.ne sipès dès plomions d’ nîve,
  Lès chabots dagnenut su l’ pavéye,
  Lès lantiènes blamenut dins leûs fîves. — Jacques Desmet.
(antomeye des biesses) coine ki rascouve li doet des tchvås (et des ôtes tchivalidîs).
- Li marixhå clawe li fier dins l' shabot.

shabot d’ Flamind : foirt pezant shabot
- Sint Pire, po rplanter les gueyes
  A metou ses shabots d’ Flamind. — Robert Arcq (fråze rifondowe).
etinde vini avou ses grands shabots
- MAREYE. - Dji vs plai bén, m' avoz vs dit co traze et traze feyes...
  Ouy eco, vos dmandîz k' dji m' mariaxhe avou vos.
  TÅTÎ (a pårt, sitåré e s' fôteuy). - Dji l' etind vni, cisse-lale, avou ses gros shabots.
  MAREYE. - Ebén ... dj' a reflechi ...
  TÅTÎ. - A !
  MAREYE. - Dji so d' voste idêye. — Édouard Remouchamps, Tåtî l’ Pèriquî, 1884, Ake II, sinne III, v. 538-541 (fråze rifondowe).
- HINRI. - I gn a nou risse, alez, dj' inme Meliye et dji vs djeure ki si vos mel dinez, djel rindrè li pus awoureuse des femes.
  DJEDJENE. - Dji vs croe, Hinri, mins l' popa, vos nel contez nén.
  HINRI. - Si c' esteut ene bonté d' vosse pårt do djåzer por mi.
  DJEDJENE. - Awè dai, dji vs etind vni avou vos grands shabots. — Antoine Bouhon, Les Brixhes da Gèrâ, 1900, sinne VII, p.19 (fråze rifondowe).
ôre avou ses gros shabots
- TÅTÎ. – Dji vs ô, avou vos gros shabots !
  Cwand on overe pol Veye, on dvént trop fén matchot.
  Ralez dvins vos canås djouwer ås respounetes !
  Alez, Nonård, dj’ inme mî vos talons k’ vos betchetes ! — Édouard Remouchamps, Tåtî l’ Pèriquî, 1884, Ake II, sinne V, v. 639-642, lijhåve e Feller vaici (fråze rifondowe).

Après 1900, foû rfondou (Feller, Feller ricandjî, nén Feller) :

Li mot n’ est nén dins : C13

tchåsseure di bwès

Lijhoz l’ årtike shabot so Wikipedia.