si racrapoter

Walon (Rifondou)

si racrapoter

ès racrapoter

s’ racrapoter

Etimolodjeye

Aplacaedje prono « si » + viebe «racrapoter».

Viebe

si racrapoter (viebe å prono muroetrece)

1. (fizike), (botanike) divni pus ptit, pus stroet et plin d' pleus di cåze del tcholeur (crinme so do tchôd laecea), del setchresse (plante k' a soe), del viyesse (viye djin).
   • Mori tot s' disfijhant
     Et tot s' racrapotant
     Come mourt on sinonime...
     Ubén fé s' dierinne båye
     Sorlivé pås femreyes
     Come vigreus Cintenaire;
     Et raetchî s' dierin dint
     Tot boerlant "Misterdam" — Lucyin Mahin, ratournant Jacques Brel.
2. (mot d’ fiziolodjeye) si rployî so lu-minme, fizicmint, ramoenner les coxhes et les talons so s' coir, copurade cwand on-z est coûtchî et k' i fwait froed.
   • Dji m' racrapote si bén
     Tot fjhant shonnance di socter
     K' on n' åreut pus seu dire
     Ki dj' esteu ene sakî — François Quinaux, cité dins l' Motî Pirsoul (fråze rifondowe).
   • Il esteut la, retrôclé dins ene pitite coine del såle d' atinte, ascropou al tere, ene djambe riployeye k' i s' racrapotéve dissu, et l' ôte sitindowe, croxheye å mitan do moustea, tote plinne di sonk — Lucyin Mahin, Eviè Nonne.
3. (mot d’ medcén) si rployî so lu-minme imådjreçmint; n' aconter ki les djins di s' pitit payis tot dismeprihjant ls etrindjirs.
   • Po les franskiyons, c' est les Walons ki s' racrapotèt; mins n' est çu nén purade zels ki sont racrapotés sol culteure francesse?

Sinonimeye

• (souwer tot fjhant des pleus): ratchitchî
• (riployî ses mimbes):
  • (po s' fé tot ptit): si raconkyî, si raboloter, si racrampi, si raclipoter
  • (tot s' ascropant): s' ascwati, s' acovissî

Ratournaedjes

souwer tot fjhant des pleus

• Almand : zusammenschrumpfen ^(de)
• Francès : se recroqueviller ^(fr), rapetisser ^(fr), se contracter ^(fr)

souwer tot fjhant des pleus

• Almand : sich zusammenrollen ^(de)
• Francès : se recroqueviller ^(fr), se blottir ^(fr)

si rployî so lu-minme dins s' tiesse

• Almand : sich abkapseln ^(de)
• Francès : se recroqueviller ^(fr), se replier sur soi ^(fr)