taper å lådje

Walon (Rifondou)

Etimolodjeye

Shûte des mots : « taper » + « å » + « lådje »

Vierbire

taper å lådje

1. (viebe å coplemint) drovi å lådje.
   • Dj' a boerlé, hiyanlé come on bådet, gnåwî, bawé, winkler, cwåclé et co rboerler po fé come li, tot tapant mes bresses å lådje — JDnbi, p. 100 (fråze rifondowe et rarindjeye).
   • Djule, ki vneut do rabroker sins oder l' gote, a djusse yeu l' tins do taper ses bresses å lådje k' ele bakéve å rvier so si stoumak — Jacques Desmet, On Sånî a pårt.
   • Et, tot tapant å lådje li vî ouxh di si ovroe,
     Vla k' i dåre e-n ene coine, dviersî on hopea d' plantches,
     Tot covrowes d' arincrins : les waxhlins estént la !
     — Henri Simon, "Li rvindje di l' åbe" (fråze rifondowe et rarindjeye).
2. (viebe å coplemint) mete divant les ouys di tertos.
   • Cwand k' li saedje-dame tapa l' banstea å lådje, dj' abouta foû ene grosse tiesse ki meta tolmonde dins l' ewaeråcion — Marcel Hicter (fråze rifondowe).
3. (viebe å prono) si drovi å lådje.
   • Dj' a cnoxhou ene pitite djonne feye, haiteye come ene trûte, a l' ådje ki l' cour si drouve a l' amour come li boton d' roze si tape å lådje dizo l' caresse do solo — Louis Lagauche, "Prindoz vosse bordon" (1937), p. 21 (fråze rifondowe).
4. (viebe å prono) si rispåde tocosté.
   • Dj' acours al rowe ki s' dispiete tot wignant.
     Dji m' tape å lådje et rimplixh li bassene,
     Tchôke ås ailetes po fé rire li mônî
     — Louis Lagauche, "L' inmant", Li tchanson del Mouze, (1947), p. 108 (fråze rifondowe).

Sinonimeye

mete divant les ouys di tertos

• abouter
• håyner
• mostrer

Ratournaedjes

drovi å lådje

• Francès : ouvrir ^(fr) complètement
• Rûsse : распахнуть ^(ru)

mete divant les ouys di tertos

• Francès : exposer ^(fr), exhiber ^(fr), dévoiler ^(fr)

si rispåde tocosté

• Francès : se répandre ^(fr), s’élargir ^(fr)