taper

Walon (Rifondou)

Etimolodjeye

S’ i gn åreut ene sakî ki sepreut cwè åd fwait di l’ etimolodjeye di « taper », el pout stitchî vaici.

Prononçaedje

• AFE :
  • diferins prononçaedjes : /ta.pe/ /ta.pɛ/ (fok deus prononçaedjes)
  • prononçaedje zero-cnoxheu : /ta.pe/
• Ricepeures : ta·per

Viebe

Djin et tins	Codjowa
Cåzant Ind. pr. (dji, dj’)	tape
Atôtchî(s) Ind. pr. (vos, vs)	tapez
Cåzants Ind. pr. (nos, ns)	tapans
Rwaitants Ind. pr., nam. (i/il, ele/elle)	tapnut
Cåzant Ind. fut. (dji, dj’)	taprè
Cåzant D.I.E. (dji, dj’)	tapéve
Cåzant Suddj. pr. (ki dji, dj’)	tape
pårt. erirece (dj’ a, vos av)	tapé
Ôtes codjowaedjes	sipepieus tåvlea

taper (viebe å coplemint)

1. diner on côp.
   • Il a tapé on côp d' pougn sol tåve.
2. evoyî å lon d' on côp setch.
   • I tapèt leus mannestés tot do long des voyes.
   • Vo-nos-cial al råyåjhe, et les tcherowes, ki les ramasseus shuvèt-st al cawêye tapèt les crompires foû d’ tere. — Henri Simon, Li pan dè bon Diu, "Mès cwate moumints" (1907) (fråze rifondowe).
   • El sitinda sol costé del voye et tapa s' paltot dsu po catchî l' tiesse sipråtcheye et l' vinte å lådje. — Marcel Hicter (fråze rifondowe).
   • Li tcheron apoirtéve li porvuzion d' hoye ki nos tapént, å pus abeye, a grands côps d' trouvale pal lårmire del cåve. — Gilbert Mottard (fråze rifondowe).
3. (viebe å coplemint) dire.
   • Come on tournea, li båshele fijha troes tours so les betchetes des pîs, et po s' è moker, tapa ene xhaxhlåde ki s' dispårda come des pougneyes di pieles e l' valêye — Joseph Mignolet, dins « L' amour a l' Alambra », p. 23 (fråze rifondowe).
   • On m’ a hapé m’ boursete et i tapèt des couyonådes. — Albert Maquet (fråze rifondowe).
4. (viebe å coplemint) (mot d’ colebeu) fé cori on colon tot l' låtchant ene sawice pol ratinde rivni
   • I n’ estént nén contints, dai, la k’ dji mete mi bleu-bijhe ! Dj’ a si bén oyou l’ côp d’ sounete ! … Sortot Kinåve avou s’ fameus surlet ki n’ a co djamåy polou cori tot côp k’ dj’ a tapé m’ bleu… — Henri Simon, Li bleû-bîhe, 1886, p.9 (fråze rifondowe).
5. (viebe å prono) : Loukîz a : « si taper ».

Ratourneures

1. taper al diloujhe
   1. si taper al diloujhe
2. taper å hôt
3. taper å lådje
4. taper al måle
5. taper al nive, taper a l' ivier
6. taper a l’ ouxh
7. taper a rén
8. taper ås gaeyes
9. taper ås riketes
10. taper crås evoye
11. taper del poude ås ouys
12. taper di l’ ôle sol feu
13. taper des poes dvant les colons
14. taper ene copene (avou)
15. taper ene divize
16. taper ene ouyåde
17. taper ene sokete
18. taper èn ouy
19. taper foû rinne
20. taper hatche et matche
21. taper l’ baguete
22. taper l’ côp foû
23. taper l’ cote sol håye
24. taper l’ cwåte
25. taper l’ dåbåd
26. taper l’ hate (so)
27. taper l’ ouxh sol beur
28. taper l’ pire (a)
29. taper on côp d’ ouy
30. taper on louca
31. taper on plan
32. taper filet
33. taper ene loukeure,
34. taper sol mwin
35. si taper al disbåtche
36. si taper al tiesse
37. si taper ås pîs di

Parintaedje

• tape
• tapaedje, tapé, tapeu, tapêye, taprece
• ritaper, ritapaedje
• ataper, kitaper

Mots d’ aplacaedje

• taper evoye, taper foû, taper djus
• tape-a-gaeye, tape-a-l’-ouy, tape-cou,, tape-feu,

Sinonimeye

diner on côp

• bouxhî
• feri
• flaxhî
• fraper
• Loukîz a : « bouxhî »

evoyî å lon d' on côp setch

• tiper
• hiner
• djeter
• rouwer

fé cori on colon tot l' låtchant ene sawice pol ratinde rivni

• mete al tape

Ortografeyes

Divant 1900 :

• tapé : E203 ^(lére)

Après 1900, foû rfondou (Feller, Feller ricandjî, nén Feller) :

• tapè : C8, C99
• taper : C99, E1, E165, O4

E rfondou walon :

• taper : R10 ^(lére), R13

Ratournaedjes

diner on côp Loukîz a : bouxhî

• Francès : frapper ^(fr), tapper ^(fr)

evoyî å lon d' on côp setch Loukîz a : hiner

• Francès : jeter ^(fr)

fé cori on colon tot l' låtchant ene sawice pol ratinde rivni

• Francès : faire concourir un pigeon (nén ratournåve direk e francès)

Sustantif

taper (nén candjåve)

1. pår divins l' ratourneure « djouwer å taper e l’ fosse ».

Ratourneures

1. djouwer å taper e l’ fosse