dire

Walon (Rifondou)

Etimolodjeye

Tayon-bodje latén « dicere » ‎(« dīcere ») (minme sinse).

Prononçaedje

• AFE :
  • diferins prononçaedjes : /diːʀ/ /dɛʀ/ (minme prononçaedje cåzu pattavå)
  • prononçaedje zero-cnoxheu : /diːʀ/
• Ricepeures : nén rcepåve

Viebe

Djin et tins	Codjowa
Cåzant Ind. pr. (dji, dj’)	di
Atôtchî(s) Ind. pr. (vos, vs)	dijhoz / djhoz
Cåzants Ind. pr. (nos, ns)	dijhans / djhans
Rwaitants Ind. pr., nam. (i/il, ele/elle)	diynut
Cåzant Ind. fut. (dji, dj’)	dirè
Cåzant D.I.E. (dji, dj’)	dijheu / djheu
Cåzant Suddj. pr. (ki dji, dj’)	dijhe / deye
pårt. erirece (dj’ a, vos av)	dit

dire (viebe å coplemint)

1. fé rexhe di s' boke (des mots, des fråzes).
   • Les strons sont edjalés, dowô, Batisse Vicantisse !:: Cwè çk' i dit ?:: I vs sohaite li boune anêye, ô, Batisse.:: Et vos pareymint, da, Lucyin.
2. (pus stroetmint) raconter.
   • C’ e-st a lu k’ ele dijheut ses poennes,
     Ses djoyes, ses sondjes, ses anoymints ;
     Cwand s’ cour touméve el languidône,
     La k’ ele trovéve l’ ecoraedjmint. — Martin Lejeune, Œuvres lyriques du poète wallon Martin Lejeune, p.184, « Lu lîve du mèsse dèl grand-mêre » (fråze rifondowe).
3. mostrer ene djin, ene sacwè come estant ahesseye d' ene metowe cwålité.
   • Leye k' on direut al veye ene djin si binamêye !— André Delchef, Bultén del Societé d' Lidje, Bulletin de 1858, «Li galant de l'siervante», p.6 (fråze rifondowe).
4. (v. sins coplemint) cåzer, djåzer.
   • A poenne aveut i dit, vla ene trûlêye sins parey !
     Ene poûssåde m' epoirta disk' al måjhone del veye … — Toussaint Brahy, Toussaint Brahy, œuvres wallonnes posthumes, Li songe da Babilone, 1887, p.38 (fråze rifondowe).
     
5. (v. å coplemint nén direk eployî avou li dvancete « di ») (cåzu todi dvins ene kesse) pinser, tuzer.
   • Ki djhoz vs di ci djonne ome la ?
     N' a t i nén on bea viyair ? — Henri Forir, Blouwett lîgeoiss, Li kuré d'sain viçain, 1843 (fråze rifondowe).
   •  DJOLIET. - C' est pocwè dji vs dimande di m' acoirder Mentine.
     MENTINE. - Popa, dj' a vosse parole.
     COCRAIMONT. - K' endè diroz vs, Fifine ?
     GODINASSE. - Il a l' linwe bén pindowe.
     HOUBA (a Cocraimont) - Dji croe k' vos n' sårîz foû. — Toussaint Brahy, Li Manège Cokraimont (replaidaedje di 1892), 1888, sinne XXXI, p.168 (fråze rifondowe).
6. (v. å coplemint nén direk eployî avou li dvancete « di ») pretinde.
   • Mafwè, l' ovrî n' a ki l' dimegne
     Po dire di s' poleur amuzer ;
     Ls ovråves djoûs, c' e-st ene ôte essegne
     I s' sacrifeye l' åme a-z ovrer. — François Barillié, Li camarad′ dè l'joie, 1852, L'amour et l'bonn' bîre, p.42 (fråze rifondowe).
7. (v. sins coplemint) (å condicioneu) shonner.
   • Vos dirîz vey ki l' målaweure,
     A dislaxhî ene hiede di displis. — Joseph Vrindts, Pâhûles rîmês, (1897), "Li martchand d'posteûres", p.52 (fråze rifondowe).
8. (avou l' aloyrece « ki » et l' suddjonctif) dimander ki.
   • « Et, tot priyant, nos dirans k' ele
     Nos dene, po m' mame, beacôp d' årdjint. » — Joseph Vrindts, Pâhûles rîmês, (1897), "Li Saint Nicoleie", p.27-28 (fråze rifondowe).
   • Dijhoz a Hinri k' i vs dene on côp d' mwin, i n' dimandrè nén mî. — Antoine Bouhon, Les Brixhes da Gèrâ, 1900, sinne IX, p.22 (fråze rifondowe).
   • Dji vou vey vosse mwaisse, vos lyi diroz k’ i m' vegne trover. — Louis Lagauche, Les bwèh'lîs, 1948, p.15 (fråze rifondowe et rarindjeye).
9. (viebe å prono) : Loukîz a : « si dire ».

Ratourneures

1. c’ est bén l’ cas del dire
2. dji di ça et dji n’ di rén
3. dj’ el direu cint côps
4. ni rén dire
5. dis dj’
6. c’ e-st a dire ki
7. dijhoz vs.
   • Li bataye est pierdowe, dijhoz vs, tot est pierdou ! — Joseph Mignolet, Li vôye qui monte, (1933), p.25 (fråze rifondowe).
   • C’ e-st a dire ki les longuès amours ni cwerèt måy rén d’ bon. — Henri Simon, «Janète» divins «Quatre comédies liégeoises» da Jean Haust (1936), 1911, p.131 (fråze rifondowe).
8. dire tot parey
9. et ç’ est nén pô dire
10. ki ci n’ est nén di dire
11. kimint dirè dj’ don
12. n’ aveur rén a dire
13. ostant k’ i l’ vôreut dire : ostant k' i l' vôreut bén mostrer.
    • TCHÅRLUMAGNE. - I gn a nou si long djoû k' i n' vegne al nute ; on l' atraprè, n' åyoz nén l' låme a l' ouy ; li diåle ki vs avoz cial est on bon diåle et vs n' estoz nén si foirt e l' gueuye do leu ki vos l' vôrîz dire. — Joseph Vrindts, Li diale di so l'fontaine, 1889, sinne VIII, p.20 (fråze rifondowe).

Parintaedje

• dijhaedje, dijheu, dijhêye
• ridire, ridijhaedje
• disdire, disdijhaedje
• si mesdire

Sinonimeye

moti (purade dins des fråzes di noyaedje)

Ortografeyes

Après 1900, foû rfondou (Feller, Feller ricandjî, nén Feller) :

• dîre : E34, E165, E170, O0, S0, S17, S24
• dère : S33
• dire : C8, O4

E rfondou walon :

• dire : R9 ^(lére), R10 ^(lére), R13

Ratournaedjes

fé rexhe ene parole

• Arabe : qâla =‎ قال ^(ar) = قالَ ^(ar)
• Arabe marokin : gal =‎ ڭال
• Almand : sagen ^(de)
• Inglès : to say ^(en), to tell ^(en)
• Espagnol : decir ^(es)
• Francès : dire ^(fr)
• Neyerlandès : zeggen ^(nl)

mostrer ene djin, ene sacwè come estant ahesseye d' ene metowe cwålité

• Francès : considérer ^(fr), qualifier ^(fr)

ki ci n' est nén di dire

• Francès : indicible ^(fr), inexprimable ^(fr)

Francès

Prononçaedje

• AFE : /diʁ/

Viebe

dire (viebe å coplemint)

1. dire (mot scrît e francès come e walon, mins prononcî diferinnmint)