disdire

Walon (Rifondou)

Etimolodjeye

Do viebe «dire», avou l’ betchete « dis- » di disfijhaedje des viebes ey avou l’ cawete di codjowaedje « -re » des viebes.

Viebe

Djin et tins	Codjowa
Cåzant Ind. pr. (dji, dj’)	disdi
Atôtchî(s) Ind. pr. (vos, vs)	disdijhoz
Cåzants Ind. pr. (nos, ns)	disdijhans
Rwaitants Ind. pr., nam. (i/il, ele/elle)	disdiynut
Cåzant Ind. fut. (dji, dj’)	disdirè
Cåzant D.I.E. (dji, dj’)	disdijheu
Cåzant Suddj. pr. (ki dji, dj’)	disdeye / disdijhe
pårt. erirece (dj’ a, vos av)	disdit

disdire (viebe å coplemint)

1. dire li contråve di.
   • Hê ! Dji so cial tot seu,
     Sins nolu po m’ fé rire,
     Sins nolu po m’ disdire : — Jules Claskin, « Airs di flûte et autres poèmes wallons », édition critique de Maurice Piron, 1956, « Soliloque », 1912, p.93-94 (fråze rifondowe).
   • Nouk ni m’ pôreut disdire : Napoleyon, li ci k’ boet tot nosse sonk, merite li pilori ! — Joseph Mignolet, « Al Bèle Fontinne », comèdèye di treûs akes, 1924, p.8 (fråze rifondowe).
2. ni nén esse fidele a ene promesse.
   • Il est bén sot li ci ki s' rafeye,
     D' aveur sol tere li paradis,
     Cwand, veyoz vs, il årè disdit,
     Totes les promesses fwaites al djonne feye ! — Joseph Vrindts, « Pâhûles rîmês » (1897), "Li martchand d'posteûres", p.52 (fråze rifondowe).
3. (viebe å prono) : Loukîz a : « si disdire ».

Ratourneures

1. li ci ki n’ a nén s’ dit et s’ disdit n' est nén d' avår ci

Sinonimeye

bate, forbate, disminti

Ortografeyes

Divant 1900 :

• disdîr : E203 ^(lére)
• disdire : E89 ^(lére)

Après 1900, foû rfondou (Feller, Feller ricandjî, nén Feller) :

• disdire : C8
• dusdîre : E21, E34, S0
• disdîre : C1, C9, C13, E1
• dèsdire : O4

E rfondou walon :

• disdire : R10 ^(lére)

Ratournaedjes

dire li contråve di

• Francès : dédire ^(fr), infirmer ^(fr), contredire ^(fr)

ni nén respecter

• Francès : trahir ^(fr), manquer ^(fr) à, ne pas respecter un engagement