forbate

Walon (Rifondou)

Etimolodjeye

Do viebe «bate», avou l’ betchete « for- » des viebes.

Prononçaedje

• AFE :
  • prononçaedje zero-cnoxheu : /fɔʀ.bat/ (minme prononçaedje pattavå)
• Ricepeures : for·bate

Viebe

Djin et tins	Codjowa
Cåzant Ind. pr. (dji, dj’)	forbate
Atôtchî(s) Ind. pr. (vos, vs)	forbatoz
Cåzants Ind. pr. (nos, ns)	forbatans
Rwaitants Ind. pr., nam. (i/il, ele/elle)	forbatnut
Cåzant Ind. fut. (dji, dj’)	forbatrè
Cåzant D.I.E. (dji, dj’)	forbateu
Cåzant Suddj. pr. (ki dji, dj’)	forbate
pårt. erirece (dj’ a, vos av)	forbatou
Ôtes codjowaedjes	come mete

forbate

1. (viebe å coplemint) dire waeraxhmint li contråve d' èn ôte, responde tot djhant l' contråve di l' ôte.
   • I forbate todi l' contråve di çou k' ele dit — Motî Toussaint (fråze rifondowe).
   • Li bijhe et li solo si kihagnént, forbatant onk l' ôte k' il esteut li pus foirt — nén cnoxhou scrijheu, ratournant ene fåve d’ Ezope, Li bijhe et l’ solea (fråze rifondowe).
   • Ni forbatoz djamåy çou k' vos nd estoz nén tonete seur — Motî Toussaint (fråze rifondowe).
   • Esmayel n' a nén oizou forbate, mins i nd aveut gros sol petote — Lucyin Mahin, Vera.
2. (viebe å coplemint) dire avou assurance, voleur di tote foice.
   • Il a forbatou k' i vénreut.
   • Djel forbatrè tant ki dj' vicrè — Motî Toussaint (fråze rifondowe).
   • Les drudes et sacwants martchands savént scrire li gålwès e-n alfabet grek; ça n' vout nén dire k' i cnoxhént l' lingaedje grek, come sacwants ont forbatou.
   • Vos, vos djhoz ki c' est ouy semdi, et mi, dji forbate ki ns estans dimegne — Manfred Lejoly (fråze rifondowe).
3. (viebe å coplemint) criyî so (ene sakî) tot lyi fjhant des rprotches
   • Li curé esteut a poenne arivé å tchestea ki l' conte li forbateut laidmint — Jacques Desmet (fråze rifondowe).
   • C' esteut dlé les gros cinsîs k' il aveut l' pus d' rujhes po-arindjî s'-t ovraedje, et-z esse forbatou a nonsyince — Jacques Desmet, On Sånî a pårt.
4. (v. å nén dit coplemint) responde li contråve.
   • Do tins passé, les comeres shoûtént leu-z ome sins djamåy forbate — AL (fråze rifondowe).
5. (v. sins coplemint) cåzer tot dnant mwints astocas, dins ene respectiveuse bate di dvizes.
   • Li cinsî et l' curé arivèt eshonne a l' ouxh do paradis; et i forbatèt po sawè li ké des deus k' a fwait li pus d' bén po les djins — Lucyin Mahin.
6. (v. sins coplemint) diner on trop bon pris; bayî on pus hôt pris dins ene håsse.
7. (viebe å prono) : Loukîz a : « si forbate ».

Parintaedje

• forbatou
• forbataedje, forbatåjhe
• forbateu
• forbateure

Sinonimeye

dire waeraxhmint li contråve d' èn ôte

• contrubate
• rabate, ribate

dire avou assurance

• acertiner
• pretinde
• voleur di tote foice

responde li contråve

• rouscayî
• rouspeter

diner on hôt pris

• si forbouter
• sorbate
• dire dissu (èn ôte)

cåzer tot dnant toplin d' råjhons

• sorbate
• discobate
• disbate

Ortografeyes

Après 1900, foû rfondou (Feller, Feller ricandjî, nén Feller) :

• forbate : E1, E165 p. 20 & 31, E200, C106

E rfondou walon :

• forbate : R10 ^(lére)

Li mot n’ est nén dins : C65, S117, G217

Ratournaedjes

dire waeraxhmint li contråve d' èn ôte

• Francès : dire ^(fr) (le contraire de) contredire ^(fr)

dire avou assurance, voleur di tote foice

• Francès : affirmer ^(fr), prétendre ^(fr), certifier ^(fr)

criyî so (ene sakî) Loukîz a : egueuyî

• Francès : faire des reproches ^(fr), enguirlander ^(fr), engueuler ^(fr)

dire li contråve (sins dit coplemint)

• Francès : rouspéter ^(fr), protester ^(fr), rechigner ^(fr)

cåzer tot dnant toplin d' råjhons

• Francès : argumenter ^(fr), rétorquer ^(fr), débattre ^(fr)

diner on pus hôt pris

• Francès : surenchérir ^(fr)

Codjowas

forbate

1. indicatif prezintrece, prumire et troejhinme djins do singulî, do viebe « forbate ».
2. suddjonctif prezintrece, prumire et troejhinme djins do singulî, do viebe « forbate ».
   • I fåt todi k' i forbate et k' i contrubate — Motî d’ Fosse-li-Veye (fråze rifondowe).
3. kimandeu prezintrece, deujhinme djin do singulî, fôme camaerådrece, do viebe « forbate ».