tot conté tot rabatou

Walon (Rifondou)

Etimolodjeye

Shûte des mots : « tot » + « conté » + « tot » + « rabatou ».

Prononçaedje

• AFE :
  • diferins prononçaedjes : /tɔ‿kɔ̃.te‿tɔ‿ʀa.ba.ˈtu/ /tɔ‿kɔ̃.te‿tɔ‿ʀa.ba.ˈty/ /tɔ‿kɔ̃.tɛ‿tɔ‿ʀa.ba.ˈty/ /tu‿kɔ̃.tɛ‿tu‿ʀa.ba.ˈty/
  • prononçaedje zero-cnoxheu : /tɔ‿kɔ̃.te‿tɔ‿ʀa.ba.ˈtu/ 
• Ricepeures : nén rcepåve

Advierbire

tot conté tot rabatou

1. après aveur tot metou eshonne, et rsaetchî les rabats, cwand tos les contes on yeu stî fwaits.
   • Et, tot conté tot rabatou, mareye tu, ni t’ mareye nén, ti toûnrès todi a rén.
2. (imådjreçmint) cwand on-z a yeu tuzé a tot.
   • Ambweze Bierset, a bén råjhon cwand i dit ki l’ pacyince, tot conté tot rabatou, c’ est pår ene cogne di dzespwer k’ on è vout fé ene viertu. — José Schoovaerts (fråze rifondowe).
   • Tot conté tot rabatou, dji rsaetche li sinse di stindaedje a tos les frindjidîs po « tcheutche ». — Lucyin Mahin (fråze rifondowe).

Ôtes sicrijhas

tot conté et tot rabatou

Sinonimeye

come some a payî après les rabats

• tot bén pezé
• tot pezé tot conté
• tot pezé tot rabatou

cwand on-z a yeu tuzé a tot

• tot bén pezé
• tot pezé tot conté
• tot pezé tot rabatou
• al fén des féns
• po tot fini
• al fén do conte
• al definicion d’ conte
• Loukîz a : « po fini »

Ratournaedjes

après awè conté les martchandijhes et rsaetchî les rabats

• Francès : au total ^(fr) général (après remises)

cwand on-z a yeu tuzé a tot

• Francès : réflexion faite ^(fr), en fin de compte ^(fr), tout compte fait ^(fr), après avoir mûrement réfléchi ^(fr), en définitive ^(fr), en conclusion ^(fr)