A coridjî sol DTW, c' est bén ocsidjinne k' on trouve divins R13 ; dji n' ritrouve pus l' pådje po m' elodjî et l' candjî mi-minme.
Sujet sur Uzeu copene:Srtxg
Come il est vaici occidjinne, dji m' dimande s' il est a mete come ene viye rifondowe ? Trové vaici et la.
purade on scrijhaedje flotchrece k' ene viye rifondowe.
"cc" c' est cwand, etimolodjicmint li son /s/ vént d' on "t" (diccionaire, accion); c' est l' minme rîle k' e castiyan (diccionario, acción); e-n itålyin les sfwaits mots si scrijhèt avou "z" (dizionario, azione)
Et po les "x" etimolodjikes (dj' ô bén, ki vnèt del lete greke /ks/), sorlon leu prononçaedje on screye "gz", "cs", ou "z" (egzamin, ocsidjinne, Zavî)
Dj' a rmetou les ratournaedjes so ocsidjinne, et mete li pådje come "viye rifondowe", mins ça dvreut purade esse metou come "sicrijhaedje nén standård" (moens hagnant ki "flotchrece"), ça n' a måy sitî ene "rifondowe", viye ou nén.
@Reptilien.19831209BE1 do côp, on metreu "occidjinne" avou l' modele (a-z ahiver) po les scrijhaedjes ki n' ont måy sitî "standård" (k' on ndè djåze la : Sujet:Vypkeqpnvkaxaayx)
Et tot cåzant d' ocsidjinne .... ocsidjinner ou ocsidjener ?
Dji l' aveu todi scrît ocsdjinner (come djinner), et dj' a stî bén saizi d' vey ocsidjener sol wiccionaire.
dins l' DTW dji trouve les pwaires shuvantes :
- djinne, djinner
- arinne, arinner
- tchinne, tchinner
- trinne, trinner
- win, winne; winner
- grin, grinne; egrinner, disgrinner
- linne, dislinne
- drin, drinner
- frin, frinner (R13)
- grangrin, grangrinner
(bon, dj' arestêye la, i m' shonne k' i gn a-st ene rîlêye) (les mots avou -én eto: stén, stinner)
et po in -> -ener
- crin; crener / kerner
- brin; ebrener, disbrener
end a bén moens; do côp dji pinse ki l' noûmot dvreut esse ocsidjinner
(@Lucyin ?)
Come vos dj' a stî sorprins di vey si candjmint la -inne > -ener. Dji di eto djinne et djinner (O4). Dji cacheu djustumint pocwè ocsidjinner esteut divins R9 et R11 et k' il a candjî dispu, mins ça, Lucyin va bén nos l' dire.
Po çou k' est d' mete occidjinne come scrijhaedje nén standård, oyi, dj' inmreu ostant ki del mete come viye rifondowe adon ki, come vos l' avoz dit, ça n' a måy sitî ene rifondowe.
Djusse po dire ki djel a rtrové el Rantoele gazete lº 68, avou occidjene lº 10. Èl-Gueuye-Noere l'aveut metou come viye rifondowe so Wikipedia, djel a coridjî. Lucyin aveut rcopyî l' tecse del Rantoele gazete so Wikipedia e 2013, et djel a coridjî eto.
On pout clôre !
Bondjoû,
Pitite kesse padvant di clôre, po esse seur ki dj' a bén comprindou :
Do côp, ç' est soulmint ene flotche ortografike di scrire "occidjine" d' èç manire ?
Amiståvmint,
Èl-Gueuye-Noere
« occidjine » /ɔk.si.ˈd͡ʒin/, a téns, vla co ene ôte ortografeye ;-)
Oyi, come el dit Pablo, sorlon les rîles do rfondou, li latén -ct- u -cc- dene todi -cc- : diccionaire (lat. dictionarium), accidint (lat. accidens). Mins po çou k' est do latén -x- (ki vént do grek) ça dene sorlon l' prononçaedje -gz- : egzamin (examen) ; -cs- : acse (axis) ; -s- : esperyince (experientia) ; z- (a l' atake) : zilofone (xylophone, do grek ξύλον, xúlon).
E Feller, c' est co ene ôte istwere, la k' on pout mete X po les nos prôpes : Mexique, motoit minme Mexike (!!! a-z aveuri), c' est do Feller.
A noter k' po des sacwès come occidjinne/occidjine; si vos eployîz Firefox po scrire so Wikipedia (ou tot l' minme kéne waibe), vos ploz astaler l' coridjrece et tchoezi "Walon" et-z aveur les mots nén ricnoxhous ki vont esse sorlignîs e rodje, et avou on clitch avou l' boton d' droete del sori i gn årè on spitant menu avou des propôzaedjes di mots cnoxhous.
Après, i ndè manke co bråmint, mins ptit a ptit ça crexhe (li modêye d' out a 16.236 bodjes, ki fjhèt 213.362 cognes diferinnes (on viebe a deus (ou troes) bodjes, metans po "ocsidjinner" il est defini pa:
ocsidjinné/vaj* st:ocsidjinner ocsidjinnes/v* st:ocsidjinner
(etiketes "v" po les viebes; "a" po fé des adjectifs, "j" po fé l' mot avou -aedje) çou ki fwait deus bodjes, mins ça s' diswalpêye e 27 cognes (tos les diferins codjowas, les addjectifs pluriyal et femrin, li mot avou -aedje)
Vos ploz prinde et astaler l' coridjrece po Firefox droci (et s' cltichîz so "pacaedje XPI").