on trouve sol Wiccionaire et sol DTW : haper [E222], c' est cwè E222 ?
Sujet sur Uzeu copene:Lucyin/Structured Discussions Archive 1
Dji pinse ki c' est purade ene flotche di tapaedje po "E212" (ou purade li modêye e Feller, k' on note asteure E212b).
Dji coridje.
Eto, po ces mots ki cmincèt avou "sch"; li prononçaedje zero cnoxheu (dj' ô bén, li prononçaedje prototipike) ni dvreut nén esse /sk.../, paski ça n' shût nén l' fonolodjeye do walon; si on est oblidjî di n' diner k' on prononçaedje (çou k' est l' cas pol prononçaedje prototipike) adon dji sereu po /ʃ.../ (dj' ô bén, li prononçaedje "prototipike" di "sch" sereut /sk/ pa drî voyale, mins /ʃ/ a l' atake (on a ddja fwait ene sifwaite diferince po "jh"; diné prototipicmint come /ʒ/ såf al fén wice k' il est dné come /ç/, çou ki n' est nén l' cas nole pårt (c' est /ʒ/<->/ʃ/; todi /ç/ oudonbén /h/<->/ç/; mins måy on maxhaedje /ʒ/<->/ç/)
Eto, dj' a metou, come dji l' fwait asteure todi, dins l' roye "prononçaedjes coinreces", les spotchåves voyales etur åtchetes (ôtrumint i manke tot l' minme ene infôrmåcion mo consecante) : schaper
C' est l' veur k' on avént trop sovint a on {{pzc0}} (prononçaedje zero-cnoxheu n' egzistant nén e 20inme sieke). Dj' aveu ataké enawaire a mete les deus {{AFE|ska.'pe|ʃa.'pe}}.
Mins c' est co motoit mî avou des diferinces di cotoû {{dV}}, {{dC}};
a l' atake, dins les payis ki sont adûs å prononçaedje sk, i l' plèt eployî inla:
scaper del prijhon ? Neni mon diu ! Dj' î so lodjî, rpaxhou et bouwé; ki vôreu dj' di pus ?
po les spotchåves inte åtchetes, ç an' va nén avou l' håynaedje e AFE, aprume ki l' pårtixhaedje e sillabe n' est pus possibe; dji saye on sistinme ås deus royes.
ça m' a l' air d' asgur. Si vos estoz d' acoird, on frè todi come ça.
Li problinme di l' mete so deus royes, c' est k' on n' sait nén les prononçaedjes ki vont eshonne.
Et l' pzc0 est co pus cron, la ki ça dene l' idêye ki l' prononçaedje del cossoune candjreut sorlon k' c' est pa drî ene voyale ou nén. Vos avoz rovyî d' diner les prononçaedjes pa drî cossoune do levant et do cinte. Oyi, c' est les minmes ki pa drî voyale; mins si vos dispårtixhoz, i vs fåt dner les deus a tchaeke côp, ôtrumint ça vôreut dire k' a Lidje on dit "deus schapés" = [dø:.ha.pe], mins "cwate schapés" = [kwat.ɛs.ka.pe], et a Nameur "deus schapés" = [dø:.ʃa.pe], "cwate schapés" = [kat.ɛs.ka.pe].
c' est nén çoula do tot !
I gn a troes prononçaedjes possibles po "sch"
- todi [h] (ou [ç] sorlon les coines-; i n' a pont di voyale sipotcheye avou ç' prononçaedje la
- todi [ʃ]; i n' a pont di voyale sipotcheye avou ç' prononçaedje la
- todi [sk]; et c' est seulmint avou ç' prononçaedje la k' i pout aveur ene fwebe voyale (normålmint, pa dvant, et c' est l' seu cas wårdé e rfondou : [‿s.k](dV) / [ɛs.k] (dC, coinreçmint eto [is.k]); coinreçmint pa côps [‿s.k](dV) / [si.k] (dC), mins nén ritnou e rfondou)
les prononçaedjes so deus royes diferinnes, on piede li loyén di spotchaedje; ostant adon mete seulmint ene roye, eyet ls ôtes dins les ôtès pådjes (såf ki, po des prononçaedjes come [si.ka.'pɛ], i n' årè måy ene pådje da lu e rfondou).
Li scrijhaedje avou des åtchetes permete di mostrer åjheymint les spotchåves bokets; li discôpaedje e sillabes ni candje nén vormint, mi shonne-t i (mins c' est l' veur ki dj' n' aveu nén metou les ponts etur "s" et "k") : /(ɛ)s.ka.pe/ /ʃa.pe/ /ha.pe/ /ça.pe/ /ʃa.pɛ/ /s(i).ka.pɛ/
iva. On frè insi, dabôrd. On l' wåde ene sadju (Wiccionaire:hagnon prononçaedje po les mots ki cminçnut pa sch-).
Li seule pitite rujhe, c' est ki, po "(ɛ)s.ka.pe", si on n' prononce nén li "è", li ctayaedje e sillabes, c' est s.ka.pe, çou ki nos dene ene w:sillabe al miercossoune , ene atuze k' egzistêye dins des lingaedjes k' i gn a, mins ki n' a måy sitî "teyorijheye" e walon, si dj' el tén bén. Portant, dins on mot come rcrexhe, on pôreut bén scrire /ʀ.kʀɛç/. Vos k' est fén cnoxheu des sillabes, est çu dadrame ?
Pår ki ç' shuvion la (mins so deus mots) aparexhe dins l' Tchant des Walons "et nosse cour crexhe cwand c' est k' on tuze al glwere". Adon, li prumî "r" di "rcrexhe" va avou l' voyale do mot di dvant.
Ca: On voet bén eto ki l' ''rîle des troes cossounes'' c' est djusse ki, cwand on mete deus sillabes e walon pa drî ene l' ôte, i n' pout måy aveur troes cossounes ('''C''') ki s' shuvèt; c' est tot simplumint nén possibe dins l' fonolodjeye do walon. (w:Sillabe#Sillabe e walon).
çou k' i gn a c' est k' dins "nosse cour crexhe" li "r" di "cour" n' est nén l' minme ki l' "r" di "crexhe" (dins des lingaedjes k' i gn a i les scrijhèt avou des letes diferinnes). Li son do "r" di "cour" ni pout nén esse å cmince d' ene sillabe et shuvou d' ene cossoune. Li "r" di "crexhe" c' est cåzu ene dimeye cossoune; i n' aparexhe måy k' etur ene cossoune eyet ene voyale. C' est parey po les "l" dins "blanc laecea" i n' ont nén l' minme son (notez tot passant come ces mots C+l+V (fleur, plouve, blanc) ont dné des sons C+y+V e-n itålyin (fior, pioggia, bianco). sacwants fjhèt ene cossoune xhuflêye + V (e sicilyin xhiuri (fleur), portuguès chuva (plouve)); ou minme pa côps y+V (e castiyan lluvia (plouve), llama (blame)).
Si on shût les rîles di tcherpintaedje des sillabes doWiki, i fåt ossu scrire avou ene "ki-shonne" sillabe al miere cossoune des mots come
scramer (/s.kʀa.me/)
Ou adon /‿s.kʀa.me/) po mostrer ki li s n' est måy a l' atake.
Notez ki "s", ki s' xhufele, est ene des råles cossounes ki s' pout fé tote seule; vos ploz fé "sssssss" (on foirt longou [s]) sins nole voyale, nén dja on "schwa"; mins vos n' poloz nén fé "kkk" (ni minme on seu "k") sins voyale metans.