a tot côp bon

Walon (Rifondou)

Etimolodjeye

Shûte des mots : « a » + « tot » + « côp » + « bon »

Advierbire

a tot côp bon (nén candjåve)

1. (cronolodjeye) a tchaeke côp cwand l' ocåzion s' prezinte.
   • Divins les cis k' cwerèt leu voye
     Å triviè des poennes k' on rascoye
     E l' vicåreye, a tot côp bon ;
     Kibin nd a t i don come mi-minme
     K' ont dvou rovyî tot çou k' on inme
     — Louis Lagauche, "L' inmant", Li tchanson del Mouze, (1947), p. 104 (fråze rifondowe).
2. sins s' arester.
   • L’ ome a compris, ratake si roye, et, mågré lu,
     Ritape a tot côp bon ses ouys, la, viè l’ crestea
     C’ est k’ i rsint dvintrinnmint li rgret k’ on-z a do piede
     Ene sacwè ki vs atneut, k’ on n’ rivoerè måy pus
     — Henri Simon, "Li moirt di l' åbe" (fråze rifondowe).

Sinonimeye

• (a tchaeke côp cwand l' ocåzion s' prezinte) : sistematicmint
• (sins s' arester) : toltins, tofer / totshûte

Variantes

• tos côps bons

Ortografeyes

Après 1900, foû rfondou (Feller, Feller ricandjî, nén Feller) :

• a tot côp bon : E1

Sipårdaedje do mot

w. do Levant

Ratournaedjes

a tchaeke côp cwand l' ocåzion s' prezinte

• Francès : à chaque fois ^(fr), systématiquement ^(fr)

sins s' arester

• Francès : constamment ^(fr), sans cesse ^(fr)