anêye

Walon (Rifondou)

Etimolodjeye

Tayon-bodje patwès latén « annata », lu minme do latén « annus », avou l’ cawete « -êye ».

Prononçaedje

• AFE :
  • diferins prononçaedjes : /a.ˈnɛːj/ /a.ˈniːj/ /a.ˈneːj/ /ɑ̃ː.ˈne/ /ɔː.ˈnɛːj/ /aː.ˈneː/ /ɑ̃ː.ˈnɛːj/  ^{aschoûtez lu} (Lidje)
  • prononçaedje zero-cnoxheu : /a.ˈnɛːj/
• Ricepeures : a·nêye

Sustantif

singulî	pluriyal
anêye	anêyes

anêye femrin

1. (cronolodjeye) durêye ki l' Daegn prind po toûrner åtoû do solea, ki fwait 365 djoûs on cwårt.
   • Les ôtès fiesses di l' anêye
     Dj' n' î aconte nén beacôp. — François Barillié, Li camarad′ dè l'joie, 1852 (fråze rifondowe).
   • Po ene maigue djournêye,
     Li fagoteu
     Trîme tote l' anêye
     E bwès, tot seu. — Louis Lagauche, Lès bèlès-eûres, (1928), p. 116 (fråze rifondowe).
   • Onk di zels, Cayife, ki esteut l' grand priyesse cisse anêye la, prinda l' parole — Jean-Marie Lecomte, Evandjîle sint Djan (ratournaedje) (fråze rifondowe).
   • Vola, eco ene feye, ene anêye houte ! Ene anêye k' a passé pus vite ki l' TGV — Paul-Henri Thomsin (fråze rifondowe).

Ratournaedjes

1. anêye di nive, anêye di bon grin passêye
2. aveur ses anêyes
3. boune anêye
4. boune anêye et boune santé
5. boune anêye et totes sôres di bouneurs
6. djonnès anêyes
7. esse del boune anêye
8. i gn a des anêyes : dispoy lontins.
   • Nos l' kinoxhans gn a des anêyes,
     Vos savoz come ele e-st inmêye. — Henri Forir, Blouwett lîgeoiss, Po mamzel Ross R... li joû di s'fiess, 1843, p.17 (fråze rifondowe).
9. l’ anêye bizete, cwand les poyes iront a crossetes
10. l’ anêye bizete, cwand i plourè des berwetes
11. l' anêye passêye: li cene di dvant l' cene k' on est.
12. l' anêye ki vént: li cene d' après l' cene k' on est.
13. l' anêye di dvant: li cene di dvant l' cene k' on cåze.
14. l' anêye d' après: li cene d' après l' cene k' on cåze.
15. tchaeke anêye

Mots d’ aplacaedje

• anêye bizete

Mots vijhéns

• an

Ortografeyes

Divant 1900 :

• ânnaie : E203 ^(lére)

Après 1900, foû rfondou (Feller, Feller ricandjî, nén Feller) :

• ânée : E21
• anéye : C1, O0, O4
• annîye : JDoc
• ânêye : E34
• anêye : S17
• an.né : E2
• annêye : E1

E rfondou walon :

• anêye : R9 ^(lére), R10 ^(lére), R13

Ratournaedjes

termene di 365 djoû et l' cwårt; Loukîz a : an

• Francès : année ^(fr)
• Gåmès : anâye

Waitîz eto

Lijhoz l’ årtike anêye so Wikipedia