avnant

Walon (Rifondou)

Etimolodjeye

Do viebe « avini » avou l’ cawete « -ant ».

Prononçaedje

• AFE :
  • prononçaedje zero-cnoxheu : /av.ˈnã/
• Ricepeures : av·nant

Addjectif

	singulî	pluriyal
omrin	avnant	avnants
femrin padrî	avnante	avnantes
femrin padvant	avnante	avnantès

avnant omrin (come addjectif djondrece, metou padvant u padrî l’ no)

1. amiståve, ki les djins veyèt voltî.
   • Ouy, k' on soeye di Lidje ou d' Xhoutsiplou, on rodjixh di ses ancyinnès acostumances, po prinde des airs di deus airs, ki dvèt fé xhaxhler dvins leu sårco, nos spitants grands-peres et nos avnantès grands-meres. — Joseph Mignolet, "Li walon å payîs di Lîdje" (1938), p.18 (fråze rifondowe).
   • C’ esteu ene pitite comere mo sûteye, ki riyéve tofer, foirt avnante avou tertos. — Lucyin Mahin, Vera, p.47 (fråze rifondowe).
   • Li coibjhî, on ptit rabodrou ki l' mestî aveut co rastroeti, esteut avnant avou tot l' monde (R. Dedoyard)
2. bea, djoli, avou ene shonnance comifåt
   • Dji so co assez vete, parint, po d' ene comere ene miete pus avnante et pus tchårnêye. — Gabrielle Bernard (fråze rifondowe).
   • Por lu l' Bon Diu, c' esteut s' boursete !…
     Ossu, cwand s' fi djåza d' mayon,
     I meta-st a l' ouxh si tchesson,
     Tot dchîfrant l' avnante bierdjirete. — Joseph Mignolet, "Fleûrs di prétins", p.85 (1929), "Li molin dè vî Stiène" (1925) (fråze rifondowe).
   • Avinante façåde si nozêye
     Avou vos fniesses a ptits cwåreas,
     Vos estîz gåye come ene maryêye
     Cwand l' fiesse rekinkéve totafwait! — Louis Lagauche, "Les belès-eures" (1928), p. 55 (fråze rifondowe).

Sinonimeye

• (amiståve): vayant, djinti, avnant, plaijhant, binamé, ki c’ est plaijhi d’ lu
• (bea, djoli) nozé, djoli, gåy

Ortografeyes

E li scrîta (1100-1600) :

• et avoit estat de chevaz et maynnyez alle avenant : (Jehan Lebel 1290-1370)

Divant 1900 :

• avnan : E177a ^(lére)

Après 1900, foû rfondou (Feller, Feller ricandjî, nén Feller) :

• avinante : E1
• avnant : C9, S0
• am'nant : E1
• av'nante : E1
• avinant : E1
• av'nant : E1, E21, E145, O3
• avenant : C1, C8, E1

Ratournaedjes

amiståve

• Francès : sympatique ^(fr), aimable ^(fr), gai ^(fr)

bea, djoli

• Francès : avenant ^(fr), grâcieux ^(fr), superbe ^(fr), magnifique ^(fr)

Sustantif

Ratourneures

1. a l’ avnant
   • Fevrî, e tins passé,
     D' après çou k' on raconte,
     Aveut yeu po s' conte,
     Les trinte djoûs bén pezés.
     Et nosse pitite crapåde
     Aveut l' resse a l' avnant. — Joseph Vrindts, « Pâhûles rîmês » (1897), "Li p'tit meûs", p.69 (fråze rifondowe).
   • Do broûlî tot avå l' vizaedje,
     On sårot dåboré di dvant,
     Des mwins pé k' on martchand d' tchåfaedje,
     Et ene marone plakêye a l' avnant ! — Jean Dessard, D'ine cohe so l'aute, 1939, p.142, Mon’dêye (1926) (fråze rifondowe).