plaijhant

Walon (Rifondou)

Etimolodjeye

Bodje « plaijh- », bodje A do viebe « plaire », avou l’ cawete « -ant ».

Prononçaedje

• AFE :
  • diferins prononçaedjes :
    • /plɛː.'ʒã/ /ple.'ʒã/ /plɛː.'hã/ /plɛ.'hã/ /plɛː.'hɔ̃/ /plɛː.'ʒɔ̃/ (betchfessî jh) (betchfessî ai)
    • (pa rfrancijhaedje) /plɛː.'zã/
  • prononçaedje zero-cnoxheu : /plɛː.ˈʒã/
• Ricepeures : plai·jhant

Pårticipe prezintrece

plaijhant (nén candjåve)

1. pårticipe prezintrece do viebe « plaire ».
   • Tot plaijhant a onk et a l’ ôte, on finixh pa-z aveur toplin des soçons.

Ratournaedjes

plaijhant

• Francès : plaisant ^(fr)

Addjectif

	singulî	pluriyal
omrin	plaijhant	plaijhants
femrin padrî	plaijhante	plaijhantes
femrin padvant	plaijhante	plaijhantès

plaijhant omrin (come addjectif djondrece, metou padvant u padrî l’ no)

1. ki dene do plaijhi, tot djåzant d' ene sacwè, d' ene sitouwåcion.
   • Vola ene plaijhante galguizoude. — Motî Forir (fråze rifondowe).
   • C' est plaijhant a vey. — Motî d’ Djivet (fråze rifondowe).
   • Ki c' est plaijhant di rwaitî les werenes a si åjhe, sins pont d' otos po vos vni coirner.
   • Djôzef est houte di binåjhe do s' ritrover dins ene contrêye si plaijhante. — Joseph Houziaux (fråze rifondowe).
2. k' on-z a bon d' cåzer, di viker avou leye, tot djåzant d' ene djin.
   • Il est bén plaijhant. — Motî d’ Djivet (fråze rifondowe).
   • Il a ene figure plaijhante. — Motî d’ Bastogne (fråze rifondowe).
   • Nos årans ene plaijhante pitite feye ki rshonnrè s' popa Djandjo. — François Loriaux (fråze rifondowe).

Ratourneures

1. (mot d') plaijhant lomaedje : lomaedje d' ene sacwè pa les efants u po les efants.
2. plaijhant ketch u : plaijhant compere : onk ki fwait rire.

Parintaedje

• displaijhant, må-plaijhant, complaijhant
• Loukîz a : « plaire »

Sinonimeye

• (k' on-z a bon d' esse avou leye) : avnant, ahåyant, amiståve.

Ortografeyes

Divant 1900 :

• plaihan, plaihantt : E203 ^(lére)
• plaizan, plaizantt : E203 ^(lére)

Après 1900, foû rfondou (Feller, Feller ricandjî, nén Feller) :

• plêhant, plêhante : E165
• pléjant, pléjant : O4
• plaîjant, plaîjante : C99
• plêhant : E1
• plêjant, plêjante : S0
• plaîhant, plaîhante : E34
• plèhant, plèhante : ALam
• plaijant : C8

E rfondou walon :

• plaijhant : R13
• plaijhant, plaijhante : R10 ^(lére)

Li mot n’ est nén dins : C13

Ratournaedjes

ki dene do plaijhi, po ene sacwè

• Arabe marokin : زوين ^(ary) =‎ zwin
• Inglès : pleasant ^(en), agreeable ^(en)
• Francès : plaisant ^(fr), agréable ^(fr), sympathique ^(fr)
• Neyerlandès : aangenaam ^(nl)

k' on-z a bon d' esse avou leye, po ene djin

• Arabe marokin : صريف ^(ary) =‎ 8rif
• Inglès : pleasant ^(en), nice ^(en)
• Espagnol : agradable ^(es)
• Francès : plaisant ^(fr), aimable ^(fr), affable ^(fr), charmant ^(fr), sympathique ^(fr), enjoué ^(fr)
• Itålyin : piacevole ^(it)
• Neyerlandès : aardig ^(nl)
• Sicilyin : piacèvuli ^(scn)