amiståve

Walon (Rifondou)

Etimolodjeye

Tayon-bodje latén « amicitia » (amisté), avou l’ cawete « -åve ».

Prononçaedje

• AFE :
  • diferins prononçaedjes : /a.mis.ˈtɔːf/ /a.mis.ˈtaːf/ /a.miʃ.ˈtoːf/ (betchfessî å)
  • prononçaedje zero-cnoxheu : /a.mis.ˈtɔːf/
• Ricepeures : amis·tåve

Addjectif

	singulî	pluriyal
omrin	amiståve	amiståves
femrin padrî	amiståve	amiståves
femrin padvant	amiståve	amiståvès

amiståve omrin et femrin (come addjectif djondrece, metou padvant u padrî l’ no)

1. si bon k’ on sereut voltî camaeråde avou lu (leye).
   • Elle est amiståve avou tot l’ monde.
   • Vosse pere e-st amiståve avou tot l' monde. — Motî Forir (fråze rifondowe).
   • Nosse novele soçone a yeu rade fwait po nos trover les adresses Etrernete d’ on fel moncea d’ djins, djusse metous so nosse voye ; et tertos foirt amiståves, cobén.
   • Si l' amour voleut prinde raecene,
     Dj' endè plantreu seur e m' djårdén,
     Afén çki mi amiståve vijhene,
     Si fjhaxhe picî do ptit guerdin. — Martin Lejeune, Œuvres lyriques du poète wallon Martin Lejeune, p. 108, "Lu hèrna" (fråze rifondowe).
   • Cwand l' plaijhi passe avou si air amiståve,
     Dji l' arestêye et, tot lyi djhant bondjoû,
     Si d' atoumance li botaye est so m' tåve,
     Sol côp dj' l' invite a prinde on vere avou. — Louis Lagauche, Amon nos autes, tchansons tchusèyes, (1908-1912), «On filosofe» p.96 (fråze rifondowe).
   • Cwand tot d' on côp si vijhene di niyêye,
     Ene viye roupeye amiståve et ruzêye,
     Aspita po lyi dire : « Veyoz vs la sol crestea,
     Èn ome k' adschind d' ene djambe so l' ôte
     Avou ene vete gayole a toetea ?
     Schouwez vs endè, ca c' e-st on fel apôte ! » — Jean Dessard, D'ine cohe so l'aute, 1939, p.156, Li roûpèye èt l’ pinson (fråze rifondowe).
   • Et portant, ele saynut d' fé tot leu possibe po dmorer amiståves avou zels. — Guy Brener, Lès pansionnés (fråze rifondowe).
   • Adonpwis, Babete, amiståve, si toûne viè ls etrindjirs : « Hay djans ! Vocial l’ afwaire, dit-st ele, al tåve ! » — François Duysinx, ratournant Anacreyon lijhåve so l' Aberteke (fråze rifondowe).
2. siervûle.
   • Si sour n' est waire si amiståve. — Motî Forir (fråze rifondowe).

Ratourneures

1. amiståve come ene poite di prijhon : nén amiståve do tot. On dit eto : målamiståve.

   F. peu aimable, rébarbatif, antipathique.

2. match amiståve : (spôrt) match ki n’ conte nén po ene cope u on tchampionat.

   F. match amical.

Parintaedje

• amiståvmint, amiståvté, amiståvisté
• amitieus, amitieusté, amitieuzmint
• amiåve
• Loukîz a : « amisse »

Sinonimeye

• vayant
• djinti
• avnant
• plaijhant
• binamé, ki c’ est plaijhi d’ lu

Mots vijhéns

• tantaloye

Ortografeyes

Divant 1900 :

• amistaûv : E177a ^(lére)
• amistâf : E203 ^(lére)
• amistâv : E177a ^(lére)
• amistâve : E89 ^(lére)

Après 1900, foû rfondou (Feller, Feller ricandjî, nén Feller) :

• amiståve : E1, E34
• amistauve : C1
• amichtauve : C1, C9, C13

E rfondou walon :

• amiståve : R9 ^(lére), R10 ^(lére), R13
• amichtåve : R13 (rifondaedje ricandjî enawaire)

Li mot n’ est nén dins : C8, O4, FO4

Ratournaedjes

si bon k’ on sereut voltî camaeråde avou Loukîz a : djinti

• Arabe : لطيف ^(ar) = لَطِيف =‎ laTîf
• Arabe marokin : ضريف ^(ary) = ضْريف =‎ 8rif (Drif); زوين ^(ary) = زْوين =‎ zwin
• Almand : freundlich ^(de)
• Inglès : friendly ^(en)
• Espagnol : amable ^(es), afable ^(es)
• Francès : aimable ^(fr), affable ^(fr), amène ^(fr), courtois ^(fr), cordial ^(fr), bienveillant ^(fr), sympa ^(fr), sympathique ^(fr)
• Neyerlandès : vriendelijk ^(nl)