bouter foû

Walon (Rifondou)

Etimolodjeye

Aplacaedje di : «bouter» + «foû».

Vierbire

bouter foû (v. å spitron)

1. (viebe å coplemint) bouter (ene sakî) a l' ouxh.
   • On l' a bouté foû po-z è prinde èn ôte.
   • Åy mins asteure, on n' boute pus les djins foû come davance.
2. (viebe å coplemint) distcherdjî (on batea).
   • Les dokers boutént l' batea foû so on djoû.
3. (viebe å coplemint) stinde si vere po trinker.
   • Boutez vosse vere foû !
   • (I boutèt leus veres foû. Hinri fwait ene xhene et tosse, Crespin å contraire si raletche) — Édouard Remouchamps, Bultén del Societé d' Lidje, Bulletin de 1858, «w:Li savtî», 77-143 (fråze rifondowe).
   • Li båshele, sins s' fé priyî, prind l' hena et l' boute foû.
     - On s' laireut voltî bate a s' cou
     Tant k' on vôreut, dit-st ele, po ndè boere do parey. — Joseph Kinable, Les crostillons, 1889, Li spot da Mareie, p.16 (fråze rifondowe).
4. (viebe å coplemint) alårdji (on mousmint), tot prindant les costeures.
   • Cwand les paltots des efants estént trop ptits, on lzès boutéve foû.
5. (viebe å coplemint) håyner.
   • Boutans foû nos drapeas, rapoûlans nos banires,
     Clintchans nos dvant les tombes di ces Eros k' ont dné
     Troes Grands Roys al Beldjike pol saetchî foû d' l' oirbire
     Avou l' clapante scheyance del Påye, del Liberté. — Jean Dessard, D'ine cohe so l'aute, 1939, p.185, Pådje d’istwère (1931) (fråze rifondowe).
6. (v. sins coplemint) brotchî.
   • Li Balwer, avou ses crevasses,
     Les målès yebes ki boutèt foû. — Joseph Vrindts, ”Vîx Lîge” (1901), p.108, “Li Paradis des Ch’vâx” (fråze rifondowe).

II. si bouter foû [vierbire a spitron, a prono] si forbouter. F. chute de rectum. On dit eto: si fortchôkî.

Parintaedje

• boute-foû
• bouteu-foû, boutaedje-foû

Ratournaedjes

bouter ene sakî a l' ouxh

• Francès : évincer ^(fr), expulser ^(fr), licencier ^(fr)

distcherdjî on batea

• Francès : décharger ^(fr)

vudî on vere

• Francès : vider ^(fr), terminer ^(fr)
• Neyerlandès : uitdrinken ^(nl)
• Rûsse : допить ^(ru)

håyner

• Francès : brandir ^(fr), exhiber ^(fr)

alårdjî on mousmint

• Francès : élargir ^(fr)

brotchî

• Francès : poindre ^(fr), saillir ^(fr), apparaître ^(fr)