bouter

Walon (Rifondou)

Etimolodjeye

Tayon-bodje vî francike « bōtan », adon racuzinåve avou l' vî francès « bouter » (minme sinse).

Prononçaedje

• AFE :
  • diferins prononçaedjes : /bu.ˈte/ /bu.ˈtɛ/ (minme prononçaedje cåzu pattavå)
  • prononçaedje zero-cnoxheu : /bu.ˈte/
• Ricepeures : bou·ter

Viebe

bouter

Djin et tins	Codjowa
Cåzant Ind. pr. (dji, dj’)	boute
Atôtchî(s) Ind. pr. (vos, vs)	boutez
Cåzants Ind. pr. (nos, ns)	boutans
Rwaitants Ind. pr., nam. (i/il, ele/elle)	boutnut
Cåzant Ind. fut. (dji, dj’)	boutrè
Cåzant D.I.E. (dji, dj’)	boutéve
Cåzant Suddj. pr. (ki dji, dj’)	boute
pårt. erirece (dj’ a, vos av)	bouté
Ôtes codjowaedjes	sipepieus tåvlea

1. (viebe å coplemint) poûssî (voleur sipotchî po fé bodjî).
   • I boutént des toneas divant zels et s’ divént i boere on vere a tos les cåbarets ; end aveut ki s’ djoként, moirzives. — Émile Pècheur (fråze rifondowe).
2. (viebe å coplemint) riweri on må.
   • Et l’ peket, c’ est motoit èn ôlmint, ki boute on må po fé passer èn ôte, ki fwait sondjî cwand on-z est nåjhi do loukî… — Arthur Xhignesse, « Boule-di-Gôme », 1912, p.19 (fråze rifondowe).
3. (viebe å coplemint) mete.
   • Les ôtes ravalèt, mins vos, vos boutez vos vizites a dijh francs.
   • Les djins k' savèt mî k' vos çou k' cût dvins vosse manaedje
     Tot riyant s' racontént, di m' feme les calmoussaedjes…
     On vna dzo l' ouxh on djoû bouter on ptit biyet
     Wice k' on djheut tot do long k' ele buveut do peket ;
     K' ele sôrtixheut bén sovint avou ene pitite boteye
     Catcheye dizo s' vantrin, po k' on nel polaxhe vey
     Et k' emon l' markitinne, a nole eure å matén,
     On l' aveut ddja veyou tot tnant ene muzeure e s' mwin. — Toussaint Brahy, Toussaint Brahy, œuvres wallonnes posthumes, Li Frût d'ine mâle Kpaneie, 1886, p.47 (fråze rifondowe).
     
4. (viebe å coplemint) abouter, prezinter.
   • La dzeur a ene finiesse ,
     Ene djonne feye boute si tiesse
     — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Bribeû d’amoûr », 1925, p.55-56 (fråze rifondowe).
   • Torade la sol rotche dj’ a bouté m’ vizaedje
     Po ki l’ muroe d’ l’ aiwe vis fjhaxhe li messaedje. — Louis Lagauche, Les bwèh'lîs, 1948, p.8 (fråze rifondowe).
5. (viebe å coplemint) ofri a vinde.
   • Li legumî n’ aveut co rén a bouter por mi fé mes confiteures.
6. (viebe å coplemint) håyner.
   • I tchaftêye come onk k' e-st al fiesse ;
     Si frumele potche tot åtoû d' lu,
     Come po lyi dire k' on Ptit Djezus
     Foû del schågne torade boutrè l' tiesse. — Joseph Vrindts, Pâhûles rîmês, (1897), "On noié d'vins n'gaioule", p.58 (fråze rifondowe).
   • Li lune, inte bijhe et vint, boutéve si crexhant d' soye,
     Al betchete des ploråds ki s' clintchèt dzeu l' vivî. — Joseph Mignolet, "Fleûrs di prétins", p.23 (1929), "Vèsprêye" (1915) (fråze rifondowe).
7. (viebe å coplemint) dire.
   • Cwè çk’ i boute mi ome ?
   • Et lu ki n’ s’ a nén maryî peu di dveur erlocter l’ måjhone, boute-t i. — Félicien Barry (fråze rifondowe).
8. (viebe å coplemint) diner, passer, avoyî.
   • Boutez mu do feu.
   • Boute mu on côp d’ mwin !
9. (viebe å coplemint) rashir (sicrire li no).
   • Dji l’ a bouté dins les redjisses des etrindjirs.
10. (v. sins coplemint) poûssî, tot fjhant ene foice.
    • Dj’ a bouté po l’ rilever, mins dji m’ a fwait do må å dos.
    • Boute ene miete al tcherete avou mi.
11. (v. sins coplemint) ovrer.
    • Boute don, et bon coraedje !
    • Nos avans bouté ene djournêye å long.
    • Si dji boute ene miete di trop, mi cour bat l’ berloke, dji dmore bladjot. — Émile Dumont (fråze rifondowe).
    • Dj’ a conté les cis ki toutchént des sôs sins bouter : end a 150 el coulêye ; et come ça tot l’ long do tchmin.
12. (v. sins coplemint) djouwer on cwårdjeu (ås cwåtes), rexhe on limero å djeu d’ kine.
    • C’ est po enute u c’ est po dmwin ! hay, boute !
13. (v. sins coplemint) crexhe, poûssî.
    • D’ on tins parey, tot va bouter foû d’ tere.
    • I m' shonne ki l' magriyete,
      K' on voet bouter,
      Kidût tocter,
      Li bouneur a nosse poite. — Joseph Vrindts, Pâhûles rîmês, (1897), "Les qwate saisons", p.64-65 (fråze rifondowe).
    • Ouy, sins prinde asteme, on passe houte,
      Tot roviant, motoit, k' a ses pîs
      Totes les anêyes, cwand l' waezon boute,
      May florixh sol fosse d' ene sakî. — Jean Dessard, D'ine cohe so l'aute, 1939, p.25, Li vî crucefi… (1926) (fråze rifondowe).
14. (v. sins coplemint) rexhe tot cåzant des botons, des djårnons, rexhe do coir tot djåzant d’ on boket do coir, d’ on må.
    • Waite on pô, gn a les åbes ki boutèt ddja bén.
    • C’ est l’ bontins ; gn a l’ bwès ki boute.
    • I fwait trop tchôd el cåve : gn a tos les canadas ki boutèt.
    • On djheut k’ les botchas, u botchrês, c’ esteut des mås qui boutént après l’ passaedje des soris par nute (on les loméve « botons d’ soris »).
15. (v. sins coplemint) fé rexhe del tere tot djåzant des fougnants.
    • Les fougnants ont bouté e nosse cortijhea.
16. (v. sins coplemint) lûter coine conte coine, tot djåzant d’ vatches, di ciers.
    • Waite ces deus vatches la ki boutèt co.
17. (v. sins coplemint) (mot d’ batlî) monter, tot djåzant do livea d’ aiwe d’ ene mouze.
    • A Prague, l’ aiwe a bouté tote li fén d’ samwinne.
18. (v. sins coplemint) tinkyî ses musses do vinte, po fé rexhe ene sacwè pa l’ anusse (seles), pal nateure (vea, efant).
    • I n’ fåt nén bouter cwand vs alez a seles, vos åroz des brokes.
19. (v. sins coplemint) kimincî.
    • Nén tant d’ cayets, boute, dabôrd !
20. (viebe å prono) si bodjî.
    • Boute tu d’ la, ki dj’ m’ î mete.
21. ((viebe å prono)) si mete.
    • Boutans ns a l’ ovraedje.
    • Divnou pus grandiveus, paski vos vs alîz maryî,
      Divins l' hôte volêye vos vs avoz stou bouter,
      Vos avoz-st elaidi tos vos ancyins cpagnons
      Mins vos rgretroz l' hapå, ca vs estoz bon colon. — Toussaint Brahy, Toussaint Brahy, œuvres wallonnes posthumes, A m' camarâde P. L..... Pol joû di s'Mariège, li 22 Setpimbe 1877, 1877, p.9 (fråze rifondowe et rarindjeye).
      
    • C’ est dmwin k’ dji m’ boute a pîce Adiè tote li djonnesse. — Bosret, (sourdant a recråxhî).
22. (viebe å prono) si tchôkî (si fé moussî).
23. (viebe å prono) s’ elever, stroukî.
    • Ses tourètes qu’ahoutèt tofér ine hèrlêye di flîtch’teûs prètes à l’bataye, si boutèt so l’crèstê parèye à n’binde d’adjèyants qu’ont l’êr dè man’cî les tiers. — Joseph Mignolet, Li payîs dès sotês, 1926, p. 27.
24. (viebe å prono) crexhe.
    • C' est lu, ki nos loye å payis come avou des grossès tchinnes, ca, gråce a lu, nosse cour sint come des raecenes ki s' boutèt e plin cour del tere walone. — Joseph Mignolet, Li walon å payîs di Lîdje, (1938), p.9-10 (fråze rifondowe).
25. (v. sins djin) crexhe, rexhe, poûssî.
    • Si vs n’ aloz nén e scole, i vos boutrè des orayes di bådet.
    • I lyi boute on vinte di tchenonne.

Ratourneures

1. bouter e l’ tiesse
   1. si bouter e l’ tiesse
2. bouter l’ doet e l’ ouy
   1. si bouter l’ doet e l’ ouy
3. bouter l’ feu :
   1. mete li feu.
      • Les djindåres ont vnou fé ene inkete po vey kî çk’ aveut bouté l’ feu al moye di four. rl a : boute-feu.
   2. aloumer li witche d’ ene mene po l’ fé peter.
      • C’ est lu k’ a bouté l’ feu al mene.
   3. raprepyî les bwès d’ on feu, po k’ i rprinde bén.
4. bouter filet : taper filet.
5. esse bouté a l’ croye : esse marké so l’ ardwesse (des cis ki n’ payèt nén do côp). rl a : croyî.
6. bouter deus (cwate, shijh) dints : (mot d’ acleveu) aveur deus dints di dvant ki crexhèt, pus deus ôtes, pus deus ôtes, çou ki mostere l’ ådje des vatches (2, 3 et 4 ans), des tchvås (3, 4 et 5 ans), des bedots. rl a : poûssî.
7. bouter al rowe u bén al tcherete, å tchår, al bote, avou (ene sakî) : aidî ene sakî, ene sacwè, a-z ariver.
8. boute co on côp, Tetene, boute : xhinêye do tchant do colon mansåd.
9. bouter po u bouter do : ovrer come. rl a : fé do.
   • I boute po shofleu al veulreye
   • I boute do botchî.
10. bouter po sot : si cdure come on sot.
11. bouter po (+ viebe) :
    1. fé les cwanses di
    • Il a bouté po m’ fote on côp d’ pougn, mins c’ esteut po rire.
    1. sayî di, fé ene foice po.
    • Il ont bouté po lver l’ blo, mins i n’ ont seu.
    • Il ont bouté po bin fé.
    • Les voleurs ont bouté po foircî l’ sereure.
12. bouter a pîce : esse payî sorlon li rindmint. rl a : tchôke.
13. bouter come on tchén ki fwait des bloukes : fé må si ovraedje.
    • I boute come on tchén ki fwait des bloukes.
14. èn nén bouter rastrindant : bouter d’ bon cour.
    • I n’ boutèt nén e rastrindant.
15. bouter a tchedje : ovrer fer, dabôrd k’ on-z a ddja trop d’ ovraedje.
16. bouter a deus po onk u a troes po deus : pårti inte deus djins l’ ovraedje d’ on bon ovrî.
17. bouter po Dônat u po les coyes do påpe u po des coyes do rwè d’ Prûsse u po des pronnes : bouter sins esse payî.
18. c’ est todi hay et boute : on-z est todi a l’ ovraedje.
    • Li djimnastike est a l’ oneur
      Tot seu, u bén tertos e keur
      Ça flaye, ça grawe, ça les fwait totes ;
      So les machines, c’ est hay et boute ! — Vincent Delire (fråze rifondowe)..
19. Totafwait lyi vént å cou sins bouter : il a todi del tchance.
20. N’ a si pô boute ki n’ aide : ?
21. Les foyes boutèt, c’ est on måva tins po les sots : les sots divnèt pus sots å prétins.
22. fé bouter : ahiver.
    • On-z a sayî d’ fé bouter do bouneur, mins gn a tant yeu d’ crouwôs pol sitofer k’ on n’ a nén seu shuve a lzès råyî.
23. bouter a bwès : (mot d’ planteu) fé des coxhes, estô des fleurs, tot djåzant d’ èn åbe a frut. rl a : fiyî.
24. gn a l’ bwès ki boute : dijhêye cwand ene sakî fwait des biestreyes, u piede el tiesse.
25. boute a tot ! : boerlaedjes des schaessîs (sôdårds ki rotént avou des schaesses) cwand il ataként.
26. I boute télmint k’ i va fé s’ sidje : djeu d’ mot inte li sinse 9 (ovrer) eyet l’ sinse 16 (poûssî, pressî cwand on-z est sol pot).
27. bouter å lådje :
    1. (mot d’ batlî) cwiter l’ rivadje, tot djåzant d’ on batea. rl a : poûssî å drî.
    2. cori evoye. rl a : fote si camp, lever l’ pî, li guete, li smele, li peton, li pantoufe, li talon, li daxhe, trossî l’ guete.
28. bouter dsu (ene sakî) : dins ene håsse, diner on pris pus hôt kel pris d’ l’ ôte. On dit eto : mete dissu.
    • Boute dissu, ôtmint ti n’ l’ årès nén
29. bouter avou (ene sakî) : tini, dire avou lu.
    • C’ est ça ! Boutez avou vosse pa, dinez lyi råjhon ! — Christine Tombeur (fråze rifondowe).
30. si bouter des idêyes el tiesse, u si bouter ene sacwè e l’ idêye : kimincî a tuzer (tofer) a çoula. rl a : tchôkî.
    • Ele si boute des målès idêyes el tiesse.
    • Dji n’ mi såreu bouter çoula e l’ idêye.
31. si bouter a l’ laxhe : si maryî. rl a : nuk

Parintaedje

• boutans
• boutêye
• boute
• boutant
• boutaedje, bouteu, boutoe, bouteure, boutrece, boutreye, boutåjhe, boutisse
• abouter, aboutaedje, aboutmint
• kibouter, kiboutaedje, kibouteu
• bouturer
• forbouter, forboutaedje
• ribouter, ribouteu, riboutaedje
• contrubouter

Mots d’ aplacaedje

• boutantrin
• bouter foû
• bouter evoye
• bouter djus
• boute-djus
• boute-foû
• boute-po-rén
• boute-feu
• boute-sus
• boute-tot-seu

Sinonimeye

• (poûssî) : tchôkî, bôrer
• (dire) : tchanter
• (diner) : abouter
• (poûssî tot foirçant) : foirci, sel
• (rexhe) : poûssî, djårner
• (poûssî po fé rexhe des seles) : presser

Ortografeyes

Divant 1900 :

• bouté : E89 ^(lére), E177, E178, E184, E203 ^(lére)

Après 1900, foû rfondou (Feller, Feller ricandjî, nén Feller) :

• bouter : C9, E1, E2, E21, E34, O0, O2, O3, O4
• boutè : C1, C8, C13

E rfondou walon :

• bouter : R9 ^(lére), R13, R15

Ratournaedjes

poûssî Loukîz a : poûssî

• Francès : pousser ^(fr)

riweri on må

• Francès : guérir ^(fr), faire partir un mal

stitchî ; Loukîz a : stitchî

• Francès : fourrer ^(fr)

ofri a vinde

• Francès : offrir ^(fr), proposer ^(fr)

håyner

• Francès : exhiber ^(fr), montrer ^(fr), étaler ^(fr)

dire

• Francès : dire ^(fr), affirmer ^(fr), avancer ^(fr), prétendre ^(fr)

diner

• Francès : apporter ^(fr), donner ^(fr)

rashir

• Francès : inscrire ^(fr)

poûssî, tot fjhant ene foice

• Francès : pousser ^(fr), forcer ^(fr)

ovrer

• Francès : travailler ^(fr), trimer ^(fr), se fouler ^(fr)

djouwer

• Francès : jouer ^(fr), donner ^(fr)

crexhe, poûssî

• Francès : pousser ^(fr), croître ^(fr)

rexhe tot cåzant des botons, evnd

• Francès : pousser ^(fr), sortir ^(fr), bourgeonner ^(fr), germer ^(fr)

fé rexhe del tere tot djåzant des fougnants

• Francès : fouir ^(fr)

kimincî

• Francès : se mettre à la tâche, au boulot, commencer à œuvrer

si bodjî

• Francès : se pousser ^(fr)

si fé moussî

• Francès : se fourrer ^(fr)

s' elever, stroukî

• Francès : s'élever ^(fr), être saillant ^(fr)

bouter (ene sacwè) e l’ idêye d’ ene sakî

• Francès : suggérer ^(fr), inculquer ^(fr)

bouter l’ feu

• Francès : incendier ^(fr) (1) ; attiser ^(fr) (3)

esse bouté a l’ croye

• Francès : être débiteur

bouter al rowe, evnd

• Francès : encourager ^(fr),approuver ^(fr),inciter ^(fr), être partisan, être défenseur de

bouter po, bouter do

• Francès : travailler comme

bouter po sot

• Francès : se comporter comme un sot

bouter po (+ viebe)

• Francès : faire semblant de (1) ; tenter ^(fr), s’efforcer ^(fr), essayer ^(fr) de

bouter po des pronnes, evnd

• Francès : travailler pour des prunes

fé bouter

• Francès : faire pousser, faire germer, créer

bouter å lådje

• Francès : prendre le large (1) ; s’éclipser ^(fr), s’éloigner ^(fr) (2)

bouter dsu (ene sakî)

• Francès : surenchérir ^(fr)

bouter avou (ene sakî)

• Francès : tenir ^(fr) avec, donner raison à (quelqu’un)

si bouter a l’ laxhe

• Francès : se mettre la corde au cou ^(fr)