tchôkî

Walon (Rifondou)

Etimolodjeye

Tayon-bodje latén « calcare » ‎(« foler »), pal voye do vî francès « chauquier » (Haust), racuzinåve avou l' francès « côcher », avou l’ cawete di codjowaedje « -î » des viebes, mot cité dins l’ FEW 2 63.

Prononçaedje

• AFE :
  • diferins prononçaedjes : /t͡ʃõ.ˈkiː/ /t͡ʃoː.ˈkiː/ /t͡ʃyː.ˈkiː/ /t͡ʃɔ̃.ˈkiː/ /t͡ʃɔ̃.ˈki/ /t͡ʃɔ̃.ˈke/ /t͡ʃɔ̃.ˈkɛ/ /t͡ʃuː.ˈkiː/ (betchfessî ô)
  • prononçaedje zero-cnoxheu : /t͡ʃõ.ˈkiː/
• Ricepeures : tchô·kî

Viebe

Djin et tins	Codjowa
Cåzant Ind. pr. (dji, dj’)	tchôke
Atôtchî(s) Ind. pr. (vos, vs)	tchôkîz
Cåzants Ind. pr. (nos, ns)	tchôcans
Rwaitants Ind. pr., nam. (i/il, ele/elle)	tchôcnut
Cåzant Ind. fut. (dji, dj’)	tchôcrè
Cåzant D.I.E. (dji, dj’)	tchôkive
Cåzant Suddj. pr. (ki dji, dj’)	tchôke
pårt. erirece (dj’ a, vos av)	tchôkî
Ôtes codjowaedjes	come loukî

tchôkî

1. (viebe å coplemint) fé moussî (ene grosse sacwè dins on trô).
   • Tchôkî l' broke e trô divant del tchessî a côps d' ma. — Motî Haust (fråze rifondowe).
   • Tchôkîz on bwès dins l' feu !
   • Li Veye est la, come ene brouweur.
     On n’ î voet gote. Il î fwait grand.
     On nos î tchôke cwand l’ prumire eure
     Sone tot a poenne a nosse cadran. — Jules Claskin, « Jules Claskin : Airs di flûte et autres poèmes wallons », édition critique de Maurice Piron, (1956), « Quî sét ?», 1909, p.134 (fråze rifondowe).
2. (viebe å coplemint) fé bodjî dvant tot fjhant ene foice dissu.
   • Tchôke ça pus lon !
   • Li hertcheu tchôke si berlinne divant lu. — Motî Haust (fråze rifondowe).
   • I s' kihoudrixheut avå l' tchambe,
     Tchôcant les tcheyires dvant lu. — Martin Lejeune, Œuvres lyriques du poète wallon Martin Lejeune, p.144, « Lès prumîs pas » (fråze rifondowe).
   • -Wice estoz vs ? Dji vs vén tchôkî.
     -Cial, sol balançwere. — Paul-Henri Thomsin, ratourtnant Tchantchès, c'èst po rîre, 2023, p.42 (fråze rifondowe).
3. (viebe å coplemint) stinde.
   • TONTON. - Endè rvoloz vs co ene ?
     MOTROGNÅRD (tot tchôcant s' vere). - Dji n' rifuze måy bateme.
     Del bwesson come çoula, ça freut rlever on moirt ! — Édouard Remouchamps, Tåtî l’ Pèriquî, 1884, Ake I, Sinne XI, v. 194-195 (fråze rifondowe).
4. (viebe å coplemint) dimander cint côps li minme sacwè a (ene sakî).
   • I m' a co vnou tchôkî po k' dji lyi dene di l' ovraedje. — Motî do Coûtchant walon (fråze rifondowe).
5. (viebe å coplemint) bôrer (rimpli astok).
   • Vola vosse banse plinne et tchôkeye.
6. herer, mete.
   • Dji tchôke tot çoula dzo m' bresse,
     Tot d' on côp, vla k' on m' mostere
     Kimint k' on faleut aspoyî
     Po schover dins les creveures
     Et n' nén leyî do broûlî. — François Barillié, Li camarad′ dè l'joie, 1852 (fråze rifondowe).
   • Après aveur corou tot come on djonne polén,
     Potchî, foutrumassé avå l' waide,
     [...]Li gamén, fornåjhi, pind l' aiye, et s' lait tchôkî
     Dvins l' grand lét ki sint bon. Bén vite, i s' essoctêye. — Martin Lejeune, Œuvres lyriques du poète wallon Martin Lejeune, p.146, « Bébé nâhî » (fråze rifondowe).
   • C' est la k' nosse mere, po ls acoujhnaedjes,
     Nos tchôca cint feyes e gadot,
     Et k' nosse pere, tot rintrant d' l' ovraedje,
     Nos båjhive tot disfijhant s' sårot. — Jean Dessard, D'ine cohe so l'aute, 1939, p.99, Amoûr di payisan (1934) (fråze rifondowe).
   • Monmon, li, ni saureut dîre come èlle èst faîte, si-t-Agnès. En rotant èchone, èle tchôke si mwin o l' sène,… come il-ont dromedinè zias deûs, raupin èt maraye, en 'nn'alant è scole. — Auguste Laloux, Li ptit Bert.
7. (viebe å coplemint) siervi (ene poye, ene frumele d' oujhea), tot djåzant d' on cok, d' on måye di moxhon.
   • Si vos vloz mete vos oûs a-z acover, i vs fåt èn ôte cok po tchôkî vos poyes.
8. (v. sins coplemint) (Wisconsene) fé l' ake di môpliyaedje.
9. (viebe å coplemint) emacraler.
   • L' efant ki vént å monde inte onze eures et meynute serè tchôkî. — Motî do Coûtchant walon (fråze rifondowe).
10. (v. å coplemint nén direk eployî avou li dvancete « so ») bouter, poûssî foirt (so ene sacwè).
    • Il esteut tins d' tchôkî so l' ovraedje.
    • I n' fåt nén låtchî, c' est a tchôkî dsu a moirt !
11. (v. sins coplemint) (mot d’ houyeu) vini foû, tot djåzant d' on meur di taeye di houyire, avou risse di ralaedje-plin.
    • Les måjhires tchôkèt.
    • Li taeye tchôke.
12. (viebe å prono) : Loukîz a : « si tchôkî ».
13. (v. sins djin) (mot d’ houyeu) risker d' aveur on ralaedje-plin.
    • I tchôke el taeye: i fåt lever l' daxhe.

Ratourneures

1. tchôkî e l’ tiesse
   1. si tchôkî e l’ tiesse
2. fé bodjî :
   1. i n' va nén pus lon k' on nel tchôke : c' est on nawe.
   2. tchôkî (ene sakî) å cou :
      1. el poûssî pa padrî.
      2. el fé ovrer.
3. bouter so :
   1. tchôkî al rowe : bouter al tcherete (aidî reyussi ene sacwè).
4. moussî :
   1. si tchôkî el påter mågré l' Bon Diu : moussî di tote foice dins on raploû, dins ene fiesse wice k' on n' vos vout nén.
5. tchôkî do cou
   • Por mi, dj' a candjî d' mestî.
     Di vzel dire i gn a nole honte ;
     Dj' a rpris onk ki m' dût bén mî :
     Dji tchôke do cou, dji saetche li ponte. — François Barillié, Li camarad′ dè l'joie, 1852, Li châss’ di sôïe, p.121 (fråze rifondowe).
6. tchôkî l’ tcherete divant les boûs

Parintaedje

• tchôke
• tchôca
• tchôcaedje, tchôcmint, tchôcåjhe
• tchôcant (tchôcants ouys)
• tchôkeu, tchôkeuse, tchôcresse
• tchôkeure
• ritchôkî
• fortchôkî
• kitchôkî

Mots d’ aplacaedje

• tchôkî evoye

Sinonimeye

• (fé moussî sacwè) fôrer, herer, tchiker, stitchî.
• (fé bodjî) tchôkî evoye, bouter, poûssî, bôrer.
• (v.s.c., travayî foirt) : ovrer, bouter, bôrer

Ortografeyes

Divant 1900 :

• chôki : E177a ^(lére), E212 ^(lére)
• chôkî : E89 ^(lére), E203 ^(lére)

Après 1900, foû rfondou (Feller, Feller ricandjî, nén Feller) :

• = chu kee (tchôkî) (sex) : C74
• tchoûkî : C8
• tchôkè : C8
• tchaukî : O4

E rfondou walon :

• tchôkî : R10 ^(lére), R13

Ratournaedjes

fé moussî

• Arabe marokin : دخّل ^(ary) =‎ dekhkhel
• Francès : enfoncer ^(fr), faire pénétrer ^(fr), introduire ^(fr), mettre ^(fr), fourrer ^(fr); tchôkî el tiesse : bourrer ^(fr) dans le crâne.

fé bodjî

• Francès : pousser ^(fr), déplacer ^(fr); i n' va nén pus lon k' on nel tchôke : il n'a aucune initiative, c'est un paresseux; tchôkî å cou remuer, stimuler

dimander cint côps li minme sacwè a (ene sakî)

• Francès : importuner ^(fr), harceler ^(fr), solliciter ^(fr)

siervi (ene poye, ene frumele d' oujhea)

• Francès : côcher ^(fr), couvrir ^(fr)

emacraler Loukîz a : emacraler

v.s.c., ± bouter Loukîz a : ovrer

Pårticipe erirece

tchôkî omrin

1. Pårticipe erirece omrin do viebe « tchôkî ».
2. emacralé.
   • L' efant ki vént å monde inte onze eures et meynute serè tchôkî. — Motî do Coûtchant walon (fråze rifondowe).
3. k' a yeu ou tchôcmoir
   • Dj' a co stî tchôkî cisse nute ci; c' est dandjreus d' aveur bevou do foirt cafè.

Ratourneures

1. esse tchôkî del marke : aveur ene tchôde marke (on tchôcmwår).