vudî

Walon (Rifondou)

Etimolodjeye

Bodje « vude », avou l’ cawete di codjowaedje « -î » des viebes; respond djusse å vî francès «vuidier».

Prononçaedje

• AFE :
  • diferins prononçaedjes : /vyː.diː/ /vyː.di/ /wiː.diː/ /wiː.di/ /vyː.dɛ/ /vyː.de/ /vuː.de/
  • prononçaedje zero-cnoxheu : /vyː.diː/
• Ricepeures : vu·dî

Viebe

Djin et tins	Codjowa
Cåzant Ind. pr. (dji, dj’)	vude
Atôtchî(s) Ind. pr. (vos, vs)	vudîz
Cåzants Ind. pr. (nos, ns)	vudans
Rwaitants Ind. pr., nam. (i/il, ele/elle)	vudnut
Cåzant Ind. fut. (dji, dj’)	vudrè
Cåzant D.I.E. (dji, dj’)	vudive
Cåzant Suddj. pr. (ki dji, dj’)	vude
pårt. erirece (dj’ a, vos av)	vudî
Ôtes codjowaedjes	come waitî

vudî

1. (viebe å coplemint) rinde sins rén ådvins (ene sacwè k’ esteut plinne).
   • I n’ sait vudî m’ pot d’ tchambe: il est trop nareus.
   • Les fotches rimplixhèt et vudèt les tchårs — Henri Simon, Li pan dè bon Diu, "Fènå-meûs" (1907) (fråze rifondowe).
   • Mins dj' a t on bon vere, ene botaye,
     Cwand elle est plinne, dj' a bon del vudî. — François Barillié, Li camarad′ dè l'joie, 1852, Li bon vî célibataire, p.116 (fråze rifondowe).
2. (viebe å coplemint) fé rexhe (on likide, ene sacwè ki court come on likide)…
   1. …po rimpli on hena.
      • Waite di n’ nén vudî l’ grin foû do saetch.
   2. (pus stroetmint) …po siervi po boere.
      • Dji ratindéns k’ on nos vudaxhe li gote, mins dj’ avans ratindou lontins !
      • C' est si bon d' saveur fé l' åmonne
        Et d' poleur ås pôves poirter scours !
        Ca tot saetchant ene sakî foû poenne,
        On s' vude ene gote d' aweur e cour. — Jean Bury, Joyeux rèspleus : saqwants boquets po l'sceine et po dîre èl coulêye dè feu, (1899), "Les p’tits mâlhureux" (fråze rifondowe et rarindjeye).
      • Escuzez m', savoz, sol tins k' Djerå vs va vudî l' gote, dji m' va sognî l' tåve... — Joseph Mignolet, Li vôye qui monte, (1933), p.9 (fråze rifondowe).
      • Ki fwaiye clair ou bén trop houreus,
        Si dj' vude ene botaye di nos vegnes,
        Mi feme mi trouve pus amoureus. — Louis Lagauche, L'aimant, (1947), Li briyolet, Tchanson d’on vî Hutwès, p. 143 (fråze rifondowe).
   3. (mot d’ mangon) rissaetchî l’ dispouye foû di (ene biesse touwêye po magnî).
      • C’ esteut todi popa ki lzî vudive les djibîs, et i lyi dnént ene dispouye.
      • Il avént des gades ki pindént dsu l’ costé des chamos et k’ erént touwêyes et vudeyes dispu des djoûs et des radjoûs, et k’ erént vetes et plinnes di moxhes. — Yves Gourdin (fråze rifondowe).
3. (v. sins coplemint) (Coûtchant walon):
   1. passer d’ ådvins a ådfoû.
      • Tot çoula aveut l’ air di vudî del boke d’ on conteu d’ fåves abitouwé a-z asblawi les djins pa des couyonådes bén tournêyes. — Marcel Van Splunter, Emile Botaye (fråze rifondowe).
   2. (pus stroetmint) esse tot imprimé (po on live).
      • C’ est on live ki va vudî di l’ esté.
4. ((v. sins djin)) ploure foirt.
   • I fjheut ewaeré et i vudive a saeyeas. — Arthur Schmitz (fråze rifondowe).

Ratourneures

1. endè vudî (dè vûdî, è rexhe)
2. vudî s’ cour
3. vudî s’ saetch

Parintaedje

• vude
• vudaedje, vudeu, vudåjhe, vudmint
• vude-botaye
• vudindje, devudindje
• rivudî
• disvudî, disvudaedje
• evudî
• trevudî

Sinonimeye

• (passer d’ ådvins a ådfoû): rexhe, moussî foû, sôrti; Loukîz a : « rexhe »
• (ploure foirt): drachî, ploure a saeyeas, ploure a rlaye di bok, chlôner

Contråve

• (rinde sins rén ådvins ene sacwè k’ esteut plinne): rimpli, replinni
• (passer d’ ådvins a ådfoû): intrer, moussî, amoussî

Ortografeyes

E li scrîta (1100-1600) :

• wydier : JLvc (divins l' sinse di bouter foû)

Après 1900, foû rfondou (Feller, Feller ricandjî, nén Feller) :

• voûdî : S117
• vudè : S38 hagnon 132
• vûdi : C8
• wîdî : C99
• wîdi : C1, C13
• voûder : S17 p. 151, S117
• voudî : S109
• vûdî : E1, E21, E34, O0, O4, S104, S107, S117
• vûder : S44

E rfondou walon :

• vudî : R10 ^(lére), R13

Ratournaedjes

rinde sins rén ådvins ene sacwè k’ esteut plinne

• Arabe : فرغ ^(ar) = فَرَغَ =‎ faragha
• Arabe marokin : خوى ^(ary) = خْوى =‎ khwa
• Almand : leeren ^(de), entleeren ^(de), ausleeren ^(de)
• Inglès : to empty ^(en)
• Espagnol : vaciar ^(es)
• Francès : vider ^(fr)
• Neyerlandès : leegmaken ^(nl), legen ^(nl)

fé rexhe on likide foû d’ on hena

• Almand : ausgiessen ^(de), ingiessen ^(de), schütten ^(de)
• Inglès : to pour ^(en)
• Francès : verser ^(fr)
• Neyerlandès : gieten ^(nl)

siervi po boere

• Almand : einschenken ^(de)
• Francès : servir ^(fr)

rissaetchî l’ dispouye foû di (ene biesse touwêye po magnî

• Francès : dépecer ^(fr)

passer d’ ådvins a ådfoû Loukîz a : rexhe

• Francès : sortir ^(fr)

esse tot imprimé, po on live

• Francès : sortir ^(fr), paraître ^(fr)

ploure foirt

• Francès : tomber des cordes ^(fr), pleuvoir à verse ^(fr)

Pårticipe erirece

	singulî	pluriyal
omrin	vudî	vudîs
femrin	vudeye	vudeyes

vudî omrin

1. Pårticipe erirece omrin do viebe « vudî ».
   • Il avént des gades ki pindént dsu l’ costé des chamos et k’ erént touwêyes et vudeyes dispu des djoûs et des radjoûs, et k’ erént vetes et plinnes di moxhes. — Yves Gourdin (fråze rifondowe).

Addjectif

	singulî	pluriyal
omrin	vudî	vudîs
femrin padrî	vudeye	vudeyes
femrin padvant	vudeye	vudeyès

vudî omrin

1. foirt nåjhi.
   • Dj’ a foyî tote li djournêye; dji so vudî.
2. trop viye po esse tinou, po ene biesse di cinse.
   • Elle est vudeye, vosse vatche.

Sinonimeye

• (foirt nåjhi): Loukîz a : « scran »

Ratournaedjes

foirt nåjhi

• Francès : exténué ^(fr), épuisé ^(fr)