hena

Walon (Rifondou)

Etimolodjeye

Tayon-bodje tîxhon "hnap", "knap" (vere di diferinnès sôres).

Prononçaedje

• AFE :
  • diferins prononçaedjes : /hɛ.na/ /ɛ.na/ (minme prononçaedje cåzu pattavå)
  • prononçaedje zero-cnoxheu : /hɛ.na/
• Ricepeures : he·na

Sustantif

singulî	pluriyal
hena	henas

hena omrin

1. vere (a gote, a vén, a bire) avou on pî.
   • I buveut doze henas d' bire so les doze côps d' meynute.
   • Ni m' fijhoz nén boere do vén, Cwand dji voe on hena, Li tiesse mi toûne dedja, Come on molén å vint. — Simon de Harlez (fråze rifondowe).
   • Li fôrdjeû, qu’buvéve on hèna
     Avou l’maçon,
     Houka l’cwèpî qu’djåséve à ’ne cande
     Ad’lé l’gorlî
     — Joseph Mignolet, "Li tchant del croes", 1932, p. 51.
2. çou k' n a divins ç' vere la.
   • Tapoz mu on hena d' peket, si vs plait. — Motî Forir (fråze rifondowe).
   • S' leû club wangne, c' est l' grand tralala
     Ele vos houmront co traze henas,
     Nos båsheles!
     — Camille Gaspard (fråze rifondowe).
3. (plante) plante ki rampe so tere, et ki l' fleur, blanke u rodje, a l' fôme d' on vere a vén.

Mots d’ aplacaedje

• blanc hena: hena a blankès fleurs, e latén sincieus Convolvulus sepium. rl a: rampioûle de håyes, blanke rampioûle.
• rodje hena : hena a rodjès fleurs, ki vént come crouwå dins les dinrêyes, e latén sincieus Convolvulus arvensis.

Ratourneures

1. boere a plin hena : boere bråmint (del gote).
2. c' est on hena d' veule : c' est on malådiveus, on tchêtchiveus.

   F. chétif.

Parintaedje

• hentea
• henter, henté

Sinonimeye

• (plante) : bôvale / vôvale, rampioûle.

Mots vijhéns

• (vere) : hûfion, tchiket, djindåre, verkin, plat-cou, cålice, cope

Sipårdaedje do mot

w. do Levant, w. do Mitan

Ratournaedjes

• F. verre, coupe, gobelet.
• F. liseron.

Waitîz eto

Lijhoz l’ årtike hena (discramiaedje) so Wikipedia