cope

Walon (Rifondou)

• 
  Cope di vatches atelêyes avou on djeu
• 
  Cope po-z ateler deus tchvås
• 
  Cope po boere gårneye di djowions
• 
  Cope daegnrece di fotbal
• 
  cope di strin (stî)

Prononçaedje

• AFE :
  • diferins prononçaedjes : /kɔp/ /kup/ (oyon O.OU)
  • prononçaedje zero-cnoxheu : /kɔp/
• Ricepeures : nén rcepåve

Etimolodjeye 1

Tayon-bodje latén « copula » (loyén, raloya).

Sustantif

singulî	pluriyal
cope	copes

cope femrin (djinre diferin do sfwait mot e francès)

1. deus djins marieyes eshonne, deus biesses acoplêyes.
   • El planete di ç’ viye cope la, cwè çki ça pout bén esse, dijhoz mel ? — Louis Marcelle (fråze rifondowe).
   • Ene cope di måvis grete evoye les moitès foyes di dzo l’ håye — Maggy Frisée (fråze rifondowe).
   • Li frumele do bleu-bijhe a des djonnes : endè vouss ene bele cope ? — Henri Simon, « Li bleû-bîhe » 1886, (eplaidaedje da Jean Haust e 1936), p.31 (fråze rifondowe).
   • Di tot costé s’ levént des copes,
     Des coirs ki l’ minme dizir ecope,
     Di perpetuwer l’ grand samrou ! — Martin Lejeune, "L’amour vint dè passer", dins « L’année des poètes » (1892), p. 230 (fråze rifondowe).
   • Al baye, ene cope vént s’ aspoyî
     Et leus åbions dansèt
     Et pidjolèt so l’ aiwe avå les bokets d’ lune
     Et d’ blankèt plomes ki s’ kitoirtchèt. — Jules Claskin, « Airs di flûte et autres poèmes wallons », édition critique de Maurice Piron, 1956, « Disseûlance », 1922, p.20 (fråze rifondowe).
   • Flûte a l’ ognon et zim-zi-zim, vola cwate belès copes po danser l’ pavane … metoz do spégulaire. — Louis Lagauche, « Lès bwèh’lîs », 19??, p.40 (fråze rifondowe).
2. pwaire di biesses ki saetchèt èn atelaedje.
   • C’ est ene cope di vatche, atelêyes avou on djeu, ki saetche li tcherete.
   • HAMÅL. – […]Des omes come Bernalmont ni seront måy capåbes d’ ateler ene cope di tchvås a nos eraires …
     ÎDÅ. – C’ est vraiy. — Joseph Mignolet, « Al Bèle Fontinne », comèdèye di treûs akes, 1924, p.25 (fråze rifondowe).
3. pîce di l’ atelaedje des tchvås d’ trait.
4. pitit nombe di sacwès.
   • On vierè çoula dins ene cope d’ anêyes.
   • Ele lyi dene divant tolmonde ene cope di betchs ki n’ ont nén l’ air di esse plindous — Félicien Barry (fråze rifondowe).
   • Dizo l’ gâz, à costé d’ nosse sôlêye, i n’a ’ne cope di minous qui s’ gnaw’tèt les poûmons foû dè cwérps èt qu’èspêtchèt l’ome di s’ fer ètinde. — Joseph Vrindts, Tot tûsant (1924), Beau nuage, p.299.
5. (mot d’ acleveu di tchvås) ahesse po raloyî on tchvå d' trait a èn ekipaedje.

Ratourneures

1. esse di cope

Parintaedje

• copler, copleu
• acopler, acopleure, acoplaedje, acope
• discopler, discopaledje
• coplî, copea

Mots d’ aplacaedje

1. ome di cope
   • Vos diroz a mi ome di cope k’ i n’ s’ ocupaxhe did rén — Félicien Barry (fråze rifondowe). F. binôme
2. tchivå d' cope

Sinonimeye

• (deus djins maryîs): manaedje

Ortografeyes

Divant 1900 :

• cop : E177 (1823)
• cope : G0
• coppe : E212 ^(lére)

Après 1900, foû rfondou (Feller, Feller ricandjî, nén Feller) :

• cope : C1, C106, E1, E212b
• coupe : C8, O0, O4, S117

E rfondou walon :

• cope : R10 ^(lére), R13

Ratournaedjes

deus djins, deus biesses måye et frumele

• Francès : couple ^(fr)

ahesse po raloyî on tchvå a èn ekipaedje.

• Francès : palonnier ^(fr)

Etimolodjeye 2

Tayon-bodje latén « cuppa », lu-minme d’ on bodje induropeyin * « kewp » (trô) mot cité dins l’ FEW 2 1555b.

Sustantif

singulî	pluriyal
cope	copes

cope femrin

1. grand vere u grand cantea avou on pî, po boere.
   • Ene cope å tchampagne.
2. (no d’ contnou) çou k’ i gn a dvins.
   • I lyi a payî ene cope di tchampagne.
3. (spôrt) grand hena d’ metå, ou ôte riscompinse dinêye come prumî pris a ene lûte di spôrt.
   • Wai totes les copes ki Transene a wangnî å fotbal.
4. lûte bate di fotbal, di teyåte, evnd.
   • C’ est l’ minme semdi ki l’ cope do Rwè Albert prumî.

Parintaedje

• copete, copet
• copea, copale, copurnale, acopurner
• copou

Mots vijhéns

• (vere å pî): hena, wilicome
• (d’ ôr, po fé messe): cålice

Fås amisse

E-n inglès, li sinse li pus corant d’ «cup», c’ est ene «djate».

Ratournaedjes

grand vere å pî

• Inglès : goblet ^(en)
• Francès : coupe ^(fr)

çou

• Inglès : cup ^(en)
• Francès : coupe ^(fr)

Etimolodjeye 3

Tayon-bodje latén « cuppa » (cope#Walon 2) mot cité dins l’ FEW 2 1555b.

Sustantif

cope omrin

1. (vî mot d' cinsî) lamea (des tchvås d' trait).

   F. palonnier.

Parintaedje

• copou
• copet

Sinonimeye

• copea
• perone
• miersipepieuzmint e l’ notule ALW 9.100 (mape 9. 27.)

Etimolodjeye 4

Stindaedje di « cope2 » (modele come ene cope po boere) (etimolodjeye nén acertinêye)

Sustantif

cope femrin

1. (muzeure) viye muzeure di cwantité d' grin (ki valeut 30,7 lites a Lidje ey a Ståvleu-Måmdey).

Sipårdaedje do mot

Payis d’ Måmdiy

Ortografeyes

Divant 1900 :

• coppe : E212 ^(lére)

Après 1900, foû rfondou (Feller, Feller ricandjî, nén Feller) :

• cope : E13, E212b, FE1 a « setier »

E rfondou walon :

• cope : R10 ^(lére)

Li mot n’ est nén dins : E1, R13

Ratournaedjes

muzeure di grin Loukîz a : stî

• Francès : setier ^(fr)