stî

Walon (Rifondou)

Alofômes di s(i)- / (e)s-

Cogne prumrece (dirî voyale)	Dispotchaedje (dirî cossoune)	Divanceye voyale (dirî cossoune)
stî	sitî	estî

Etimolodjeye 1

Dobès rfondowes

stî

stou

Tayon-bodje latén « stare » (esse astampé), racuzinåve avou l’ espagnol « estar » et l’ itålyin « stare ».

Prononçaedje

(stî & stou)

• AFE :
  • diferins prononçaedjes : /stiː/ /sti/ /ste/ /stɛ/ /sty/ /stu/
    • diferins prononçaedjes : /syte/ /sytɛ/
    • diferins prononçaedjes : /ɛstiː/ /ɛstɛ/ /ɛstu/
  • prononçaedje zero-cnoxheu :
    • /stiː/
      • /ɛstiː/ /sitiː/
    • /stu/
      • /ɛstu/ /sutu/
• Ricepeures : nén rcepåve

Pårticipe erirece

stî (nén candjåve)

1. Do viebe « esse ».
   • Dj’ a stî malåde troes samwinnes å long.
2. (pus stroetmint) divant on pårticipe erirece d’ on viebe di mouvmint, divnou addjectif.
   • Li dierin côp k’ elle a stî vnowe vaici, c’ esteut tins del guere.
3. Do viebe « aler ».
   • Il ont stî e vacances e l’ Årdene.

Ratourneures

1. a stî on tins (il a stî on tins) : plaece ene accion dins l’ passé.

Ortografeyes

(stî & stou)

Divant 1900 :

• sti : LSov

Après 1900, foû rfondou (Feller, Feller ricandjî, nén Feller) :

• stî / èsti : O102 (t. 1, p. 22)
• stou / estou : PGMa
• stî : C54
• sté / suté : S117
• sté / èsté : O4
• stu : E1, E34
• stè / sutè : EPech
• stî / èstî : O4

E rfondou walon :

• stou / sitou u estou : R10 ^(lére)
• stî / sitî u estî : R10 ^(lére), R11 (dins sacwants årtikes) ^(lére)

Ratournaedjes

pårticipe erirece di « esse »

• Almand : gewesen ^(de)
• Inglès : been ^(en)
• Espagnol : sido ^(es)
• Francès : été ^(fr)
• Neyerlandès : geweest ^(nl)

Etimolodjeye 2

Tayon-bodje latén « sextarius » (shijhinme) mot cité dins l’ FEW 11 557b

Prononçaedje

• AFE :
  • prononçaedje zero-cnoxheu : /stiː/ /se.tiː/ (minme prononçaedje cåzu pattavå)
    • prononçaedje zero-cnoxheu : /stiː/
• Ricepeures : nén rcepåve

Sustantif

	singulî	pluriyal
	s(i)tî	s(i)tîs

stî omrin

1. (muzeure) viye muzeure des grins ki valeut 30,712 lites a Lidje.
   • A Lidje, li stî valeut 1200 pôces cubes di Sint-Houbert ; il esteut pårti e cwate cwåtes ; tchaeke cwåte esteut pårteye e cwate pougnoes et tchaeke pougnoe e cwate muzuretes — Henri-Thomas Maron (fråze rifondowe).
   • Li stî poleut esse muzuré a raeze u hoplé, come on l’ voet so les martchîs d’ Afrike — Henri-Thomas Maron (fråze rifondowe).
   • Dins l' tins les djins s' batént po on stî d' grin — Motî d’ Nivele (fråze rifondowe).
   • Donrîz*vs minme on stî d’ ôr molou
     Â pexheu po-z aveur si plaece,
     K’ i n’ vôreut nén co vzel diner— Joseph Vrindts, ”Vîx Lîge” (1901), p.9, “Ine Mâle Journêye” (fråze rifondowe).
2. hena ki mzeure ci cwantité la.
   • Gn a on bea stî di strin å « Ståve des boûs » a Logbiermé.

• 
  stî di strin (å « Ståve des boûs » a Logbiermé)
• 
• 
  stî hoplé

Ratourneures

1. i n’ a nou mônî ki n’ åye si stî

Sinonimeye

• cope

Ortografeyes

Divant 1900 :

• sti : E178, E212 ^(lére)
• stî / sitî : E203 ^(lére)

Après 1900, foû rfondou (Feller, Feller ricandjî, nén Feller) :

• stî : E34, O0
• s’tî / sutî : E212b
• s’tî / sétî : O4
• stî / sitî : E1

E rfondou walon :

• stî / sitî : R10 ^(lére)

Raoturnaedjes ^(?)

viye muzeure di grins

• Arabe marokin : عبرة ^(ary) = عبْرة =‎ 3ebra
• Inglès : bushel ^(en)
• Francès : boisseau ^(fr)
• Lussimbordjwès : Sieschter ^(lb)
• Neyerlandès : schepel ^(nl)